¹ Talaga oburhegesi, amarhegeko n'akurhegeka, Nahano, Nyamuzinda arhegekere oku bayigiriza, mpu yimubikolesa omu chihugo, nji mwarhola: ² Buzinda y'oyubaha Nahano, Nyamuzinda wawe omu kuyubahisa esiku zoshi z'akalamo kawe, mugala wawe n'abanjuku bawe, agamarhegeko goshi, n'oburhegesi n'akuyandikire mpu esiku zawe ziluge. ³ Nji waga yunviriza, w'e Israeli, wena chihanganire okazi gakengesa, mpu y'oba n'omurhula n'okuyushula binene nk'oku Nahano aku bwiraga, Namahanga, wabayisho omu kukulaganya echihugo ch'amarhan'obuchi. ⁴ Yunva, Israeli! Nahano, Namahanga werhu, ali yenyine Nahano. ⁵ Inji wasima Nyamuzinda, Namahanga warhu, n'omurhima gwawe goshi, n'akalamo kawe koshi n'emisi yawe yoshi. ⁶ Aga marhegeko na makuhereza zene gabere omu murhima gwage. ⁷ Nji wagayigiriza abana bawe, wena babwire amango oli omunju yawe, amango nji waja lubalamo, amango walyama n'amango wazuka. ⁸ Webishweke oku maboko gawe nka chimanyiso, byenabe nka kisirito omu masu gawe. ⁹ We biyandike oku nkingi z'enju yawe n'oku nyunvi zawe. ¹⁰ Nahano, Namahanga wawe, yeguhire omu chihugo ali alaganyize bayisho, Aburahamu, isaka na Yakobo, oku bakuhereze. Nji warhola echishagala chinja na chinene ech'orhayumbakaga. ¹¹ Enju ziyunjwire mw'ebintu bya ngasi lubero, orhana biyunjuzagamo, ebirhule by'okulezez'amenji orhana bihumba, bilundo, esina n'ebindi orhana bihingaga. ¹² Amango wa malya oka yugurha orhayibiriraga Nahano, wawe wakukulaga omu chihugo che Misiri, omunju y'obuhanya. ¹³ Weyubahe Nahano, Namahanga wawe, we mukolere wena chigashe oku zino lyage. ¹⁴ Mumenye mwakaharamya abandi balyangombe, omu balyangombe b'embaga zikuzungulukire. ¹⁵ Bulala Nahano, Nyamuzinda wawe, munya mujinya ahakagarhi kawe. Oburhe bwa Nahano, Nyamuzinda wawe, bwekolere eyi werhumire, yenakumalire eshishi y'obudaka. ¹⁶ Murhahiraga mwarhangula Nahano, Nyamuzinda wenyu, nk'oku mwarhangulaga Masa. ¹⁷ Aliko mukenge amarhegeko n'oburhegesi ali aba rhegekere. ¹⁸ Nji wajira ebi kwirire, n'ebinja omu mesho ga Nahano, oku handi y'oba n'omurhula mpu y'ona gwarha echihugo chi kwirire echi Nyamuzinda ali alaganyize bayisho. ¹⁹ Amango achimala kulibirha oku bashombanyi bawe boshi, embere zawe, nk'oku Nyamuzinda aderhere. ²⁰ Amango lusiku luguma mugala wawe akubaza: Bichi bisobanwire ebi binwa: amarhegeko, n'okurhegeka, Nahano, Nyamuzinda wawe akurhegekere? ²¹ Wana bwira mugala wawe mpu: Rhwaliri baja ba Farao e Misiri, na Nyamuzinda arhukula omu chihugo ch'e Misiri n'okuboko kwage kw'emisi. ²² Nahano akolere omu mesho gerhu, ebisomerene n'empanulo,zinene ne z'obuhanya, enyanya za Farao, enyanya z'e Misiri, n'enyanya z'enju za Farao zoshi. ²³ Arhukulag'eyo munda omu kuhika omu chihugo ali ayemezeze n'obwalagale kuba darha. ²⁴ Nyamuzinda arhurhegere oku kolesa ago marhegeko goshi n'oku yubaha Nyamuzinda, Nyamubaho werhu, mpu yirhuyorha banyeragi, mpu yi arhubikira akalamo nk'oku anabijira zene. ²⁵ Rhwebe n'obushinganyanya omu kugabana, rhunakolesa n'obwirhonzi agala marhegeko embere za Nyamuzinda, Nyamubaho werhu, nk'oku aliri arhurhegekere.