¹ Amango Nahano, Nyamuzinda wawe ye guhere omu chihugo inji walamamo, n'okuhiga embere zawe lubaga lunene; aba Hetaniya,aba Girigasiya, aba Amori, aba Kanana, aba Periziya, aba Yebusi, mashanja mushanvu ganene nag'emisi kukulusha. ² Amango Nahano, Nyamuzinda wawe njakuhereza nji wabahima, wayorha wabahanza, na nta chihango wanywana nabo, na ntacho we walirebo. ³ Arhakajira echijiro ch'obuhya n'olola ubaga, orhaka shabisa omunyere wabo oku barhabana babo, orhakana shabiaa abarhabana bawe oku banyere bawe. ⁴ Bulala nji banjirira bagala bawe, b'okukolera ezindi mana n'oburhe bwa Nyamuzinda bw'ekoleze ku mwabo, n'oku kurhindibuka dubaduba. ⁵ Aliko oku bindi birha shinganene tala gurhe mwabajirire; Inji muhindamule olu herero lwabo, inji mubere ebishushanyo byabo, nji mushurhe ebishushanyo byabo, inji muyose oku muliro ebishushanyo byabo bibumbirwe. ⁶ Bulala ali lubaga luchese emwa Nahano, Nyamuzinda wawe; Nahano, Nyamuzinda wawe akulondolere, mpu nji obe lubaga lwage omu mbaga zoshi ziri oku gulu. ⁷ Arhali mpu bulala marhalwise oluganjo l'olubaga che charhumire Nahano achibashwekerako, n'okw'abachishogere; Bulala muli bulembo b'olubaga loshi. ⁸ Aliko bulala Nahano abasima, na bulala alonzeze kukenges'omwazi ali abwirire ba yisho. Nahano abakula n'efune yage nzibu, abakula omunju y'amalibuko, omu maboko ga Farao, mwami we Misiri. ⁹ Omenye bwinja oku ye Nahano, Namahanga wawe, oku ye Lulema, oyo Namahanga orhahemuko, abika echihango n'obonjo bwage kuhika okuchisisi chakali chihumbi oku bamuzigira n'abashimbirira amarhegeko gage. ¹⁰ Aliko ana chiholera ku balira bamugayaguza, n'okubaheza; Ntacho balekene n'abamushomba, ana kolesa honaho akasanzi. ¹¹ Na ntyo, rhola amarhegeko, obuhane n'okuli na kurhegekera, zene ozikolese ¹² Mukayunva ago marhegeko, mukanaga yemera n'oku gakolesa, Nahano, Lulema wawe akubikira echi chihango chawe n'obonjo ali ayemerere emwa bayisho. ¹³ Nji akusima, inji akugisha nji nakuyushulira: Nji agishe abana b'omunda yawe, n'emburho z'omu budaka bwawe obulo bwawe, emburho zawe, n'amavurha gawe, n'ebilushirize by'enkavu zawe, binene n'ebigeke, omu chihugo ali alaganyize bayisho oku inji akuhereza. ¹⁴ Nji wagishwa kulusha olubaga loshi, harhaka ba eri mulume eri mukazi orhaburha, na nta chirhungano chawe chirhaka burha. ¹⁵ Nahano ye kulwisize ngasi ndwala, chiro arhaka kurhumira n'endwala n'enguma ebihire y'e Misiri, ezo yinji, aliko yelwe ngasi boshi baku shomba. ¹⁶ We miruguse abantu boshi Nahano, Nyamuzinda wawe ye kuhereze, orhaka balola n'erisho ly'obonjo, orhakana chikolera balayangombe babo, bulala gwanaba murhego gwawe. ¹⁷ Nkaba wakabwira omurhima gwawe: Luli lubaga lunene ku nyono, gurhe nakabahiga? ¹⁸ Orhabayubahaga, kuyibuka ebi Nahano, Nyamuzinda wawe, ajiriraga Farao n'omu Misiri yoshi, ¹⁹ Ebisomerene byoshi amesho gawe gabweneko, ebisomero n'empanulo, efune y'emisi n'okuboo kulambwirire, amango Nahano, Nyamuzinda, akukulagayo: Nahano njashubi jira ntyo, Nyamuzinda wawe, oku mbaga ziyubahire. ²⁰ Ntyo ku Nahano, Nyamuzinda wawe, yerhumire bo chiro n'ebibi kuhika n'okushengula abehimwe n'abechibishe embere zawe. ²¹ Orhayobohaga okuba bowe, bulala, Nyamuzinda Nyamubaho, wawe, ali ahakagarhi kawe, Nyamubaho mukulu na mudarhi. ²² Nahano, Nyamuzinda wawe, alibirha okubo kubuyabuya hale w'amesho gawe, mpu amalisa n'eby'elubala birha kushengula. ²³ Nahano, Nyamuzinda wawe nj'abahana loshi loshi omu burhindibuke, kuhik'amango bana rhundibuzwa. ²⁴ Nj'ahana mwami wabo omu fune, nji wa naheza ezino lyage eshishi y'egulu, n'antaye wa kulola, kuhika amango waba abashandaza. ²⁵ Mwesireze n'omuliro eshushanyo zabo zibejerwe, orhaka kulikirana orhakana rhola efuranga zabo n'ehoro mpu ebyola bintu birhakubera murhego, bulala biri byaku gayisa Nahano, Nyamuzinda wawe. ²⁶ Nj'omenye wakaheba echintu chivunirwe omu nju yawe, mpu y'orhaba nk'echo chintu chirashinganene, nj'ochigaye, n'oku chilahira, bulala chiri chintu chibihire.