¹ Musa ahamagala bene Israeli boshi, ababwira: yunva, bene Israeli, abarhegeko n'obuhane ndinababwira omumarhwiri genyu zene, limuchiyigirizamo n'emikolo, ² Nahano, Nyamuzinda werhu, ajira echiragane nerhu e Horebu. ³ Nahano arhajiraga echi chiragane na badarha, s'aliko achijira nerhu, haguma nerhu rhwe rhuliho zene. ⁴ Nahano abashambaza oku mesho oku ntondo, kurhenga omukagarhi k'omuliro, ⁵ mwago mango naliri ahagarhi ka Nyamubaho nenyu,mpu mbayereke omwazi gwa Nahano,bulala mwaliyubahire ogola muliro chiro murhana chishonaga oku ntondo,omu kuderha : ⁶ Nyono, ndi Nahano, Nyamuzinda wawe, wa kukulaga omu chihugo ch'e Misiri, omunju y'obuja. ⁷ Orhahira okaba n'abandi banyamuzinda kundusha embere zani. ⁸ Orhahira okachibejera eshushano, nta shushano y'echiri elugulu omu mpingu, echiri eshishi oku gulu,n'ebiri omu menji eshishi w'egulu. ⁹ Orhahira okafukama embere zabyo,orhanahira okabikolera bulala nyono,Nyamubaho,Nyamuzinda wawe,ndi Nyamuzinda w'obongwa,ohana ebyaha by'ababusi oku bana kugera okuluburha lwa kasharhu n'olwa kane lwa baburhaga, ¹⁰ ojira olukogo kuhika oku luburha lwa chihumbi ku balala basima banakenga amarhegeko gani. ¹¹ Orhahira okachisa busha ezino lya Nahano, Nyamuzinda wawe; bulala Nahano arhakaleka kurhahana oderha busha ezino lyage. ¹² Yibuk'olusiku lwawe lw'eSabato olukuze; nk'oku Nahano Nyamuzinda wawe ali akurhegekere. ¹³ Wekole siku ndarhu, njiwajira omulimo gwawe goshi. ¹⁴ Aliko olusiku lwa kali mushanvu, luli lusiku lw'e Sabato, ya Nahano Nyamuzinda wawe: Orhagendaga wajira omulimo n'omuguma; eyi w'oyo, eyi mugala wawe, eyi mwali wawe, eyi mukozi wawe, eyi mujakazi wawe, eyi chirhungano chawe, eyi Punda yawe, na nta chirhungano chawe chiguma, chiro n'omuhisi oli ahamwawe, mpu y'omwambali n'omwambalikazi wawe bahumuka kuguma nawe. ¹⁵ Okazi yibuka oku waliri muja omu chihugo ch'e Misiri,na Nyamubaho,Nyamuzinda wawe,akukulayo n'efune yage y'e Misiri,n'okuboko kulambwirwe che chirhumire echo Nyamubaho, Nyamuzinda wawe okurhegeka oku okazi kengera olusiku lw'e Sabato. ¹⁶ Okazi kenga isho na nyoko,nka kulala Nyamubaho,Nyamuzinda wawe akuregekaga,mpu ly'olama siku zinene onabe n'obushagaluke mu chilala chihugo Nyamubaho,Nyamuzinda wawe akuha. ¹⁷ Orhahira okayiba. ¹⁸ Orhahira okahusha. ¹⁹ Orhahira okazimba. ²⁰ Orhahira okabeshera mwalungwe wawe. ²¹ Orhahira okachifija muka mwalungwe wawe;Orhahira okachifija enju ya mwalungwe wawe,chango eshwa lyage,chango omugaragu wage,chango omugaragu-kazi wage,chango enkavu yage,chango epunda yage chango akandi kantu ka mwalungwe wawe. ²² Eyo y'emwazi Nahano abwiraga olubaga lwenyu lwoshi oku ntondo, ayiderhaga n'omulenge gunene, omu kagarhi k'omuliro, omu kushweka n'omwizimya, na ntacho oyushulageko. Ayiyandika oku nambi ebiri z'amabale, anazimpereza. ²³ Hano muyunva omulenge gwa rhenga omola kagarhi kw'omwizimya, n'eri entondo eri yagulumira kw'omuliro abarhambo benyu b'emilala haguma n'abagula benyu, banashegerera emunda ndi, ²⁴ Mwana derha ntya: Nahano, Nyamuzinda werhu, amarhuyereka erenge n'obukulu bwage, rwamanayunva omulenge gwage omu kagarhi kw'omuliro, zene, rhwabwene oku Nyamuzinda amaderha n'abantu, n'abantu bama nalama . ²⁵ Lero si,chichi chakarhuma rhwafa ? Aliko oku muliro gunganaga gwa karhusinongola'eri rhwankagenderera rhwayunva omulenge gwa Nyamubaho,Nyamuzinda werhu,rhwanafa. ²⁶ Ka hali omuntu, okola oyunvirhe,kuguma n'erhu,omulenga gwa Nyamuzinda ozene gwa derha omugarhi k'omuliro,akabona lama ? ²⁷ W'oyo, oshegere onayunve byoshi Nahano, Nyamuzinda werhu aderha; oje waboni inja orhubalire wenine ngasi koshi Nahano, Nyamuzinda werhu aka kubwira,rhwayunviriza ko, rhunajire ko. ²⁸ Nyamubaho ayunva oku mwambwirire,anaderha,ntya : Nayunvirhe emyazi y'olu lubaga. Ebi bakubwirire byoshi bikwirire. ²⁹ Oh ! Nka bakaba baherhe esiku zoshi og'omurhima gw'oku nyubaha n'oku kenga amarhegeko mani, mpu linji baba n'obushagaluke burhahwa, bowe n'abana babo ! ³⁰ Ogende obabwire, ntya : Mushubire omu mahema menyu. ³¹ Aliko woyo,obere ahala hofu nani,nkubwire amarhegeko goshi n'obworhere n'engeso wabayigiriza,nabo bazikole omu chihugo nabahere . ³² Mukole bwinja ebi Nahano, Nyamuzinda wenyu, abarhegekere; murhahabukiraga ekulyo chango ekulembe. ³³ Mukulikiranye enjira Nahano, Nyamuzinda wenyu abayerekaga, limubona akalamo munabe n'obushagaluke; mpu limubona mw'echi chihugo mwarhola.