¹ Ntya g'omugisho gwa Musa, oy'omuntu wa Lulema, agishag'abana be Israeli embere z'okufa kwage. ² aderha,Nyamuzinda arhengerer'e Sinai, arhengerera kurheng'e Seiri; akolez'omu ntondo y'e Parani, aja e Meriba-Kadeshi. abarhumir'oku kulyo kw'og'omuliro gw'erhegeko. ³ Nechi, asima ob'obuko bw'abantu; abachere bage boshi bali omu fune yawe; Nabo bali yikere oku magulu gawe; bakamarha ngasi mugum'omu myazi yawe. ⁴ Musa arhubwiraga, kw'erhegeko kali kashambala oku mbuganano ya Yakobo. ⁵ Aliri mwami omu Israeli, amango babuganana abakulu b'abantu n' obuko boshi bwe Israeli. ⁶ Rubeni alame amenye akafa chiro; n'abantu bage babe banene. ⁷ Lolaga bichi aderhere enyanya za Yuda: Oyunve, w'oyo Nahano! Omulenge gwa Yuda, omulerhe omu k'abantu bage. N'efune zage zibe n'emisi, Nawe waba burhabale enyanya za bashombanyi bage. ⁸ Enyanya za Lawi aderha: Etumimu n'e Urimu za habirwe oku bantu bacheswe, Ebiwarhangula ku Masa, haguma naye wajira obuhaka oku menji g'e Meriba. ⁹ Lawi aderha n'eshe na nina: Ntaba bonaga! Arhayinji bene babo, arhayinji abana bage, bulala bakulikir'omwazi gwawe. Bana bikirira echihango chawe. ¹⁰ Bayigiriza Yakobo amarhegeko gawe. N'erhegeko lyawe ku Israeli, bahir'oluvu omu mazulu gawe; N'enterekero oku luherero lwawe. ¹¹ Gisha emisi yabo, w'oyo Nahano! Yemera emirimo y'amaboko gabo! Chagulang'esiku y'abakulwisa, N'abashombanyi bage barhachihira okuyimanga! ¹² Enyanya za Benjamina aderha: Alimusimwa wa Nahano, yelame omu murhula hofu naye; Nahano nj'amushukira esiku zoshi, Yenalame omu birhugo byage. ¹³ Enyanya za Yusufu aderha: Echihugo chage nji chaba n'omugisho gwa Nahano, n'ebintu by'akachiro by'omu mpingu, n'ebikwirire bwenene, amenji makwirire gw'omu lubanda. ¹⁴ Amalehe ga kwirire g'ezuba, amalehe ga kwirire ga ngasi mwezi, ¹⁵ amalehe ga kwirire ga kulire omu ntondo za mira, amalehe ga kwirire g'omurhurhondo rhw'esiku n'amango. ¹⁶ Amalehe ga kwirire g'obudaka n'eby'obudaka bushukulire; Obulonza bw'owabonekene omu menji; Ayinji oku budaka bwa Yusufu; Okusongi ly'erhwe lya mwene mwami na bene babo! ¹⁷ Oku mpanzi y'oluburha lurhanzi lwage agwerhe echihagararo; Amahembi gayo gali mahembi g'empanzi y'elubala, n'agola mahembi yehime olubaga loshi, kuhika oku mbibi z'egulu; Bali nka bihumbi na bihumbi bya Efurahimu, Bali bihumbi bya Manase. ¹⁸ Oku Zabuloni ba derha: chisimise Zabuloni omu bikorwa byawe; Nawe Isakari omuhema lyawe, ¹⁹ Nj'ahamagala olubaga omu ntondo; Ahola, yejire endekerero y'obushinganyanya, Bulala benunuse byoshi by'enyanja nene, N'obugale bubishirwe omu mushenyi. ²⁰ Aderha enyanya za Gadi: Agishwe olala orhabika Gadi eburhambi! Gadi ashuza nka ntale y'echikazi, ashashangul'amaboko n'erhwe. ²¹ Alondwere ebirhanzi rhanzi by'echihugo, Bulala ahola habishirhwe akashambala k'abacha manja; Alambagire oku rhwe ly'olubaga; akolere abashinganyanya ba Nahano, n'amarhegeko enyanya wa Israeli. ²² Enyanya Dani aderha: Dani eri Ntale y'omusole; ya chikwebaga ku rhengera e'Basana. ²³ Enyanya za Nafutali aderha: Nafutali ayugurha obugale. Ana yunjulirana emigisho ya Nahano, arhola obwage bugale bw'ebushoshokero bw'ezuba n'ahacharagati k'olusiku! ²⁴ Enyanya za Aseri aderha: Agishwe Aseri omu bana be Israeli; abe mwinja ku bene babo. N'okugulu kwage akurhogeze omu mavurha. ²⁵ Ebirato byawe bibe chuma n'eshaba; N'obukulu bwawe bulame nk'esiku zawe! ²⁶ Ntay'oshushire na Nyamuzinda w'e Israeli; Ahekerwe empingu mpu y'akurhabale. Ali n'omwishingo guli oku gosi lyawe. ²⁷ Namahanga w'esiku n'amango ali lubungiro lwerhu. N'omu maboko gage g'esiku zoshi ali maluhukiro. Embere zage ahigire aba shombanyi; ana derha: Limbula. ²⁸ Israeli arhagwerhe murhula ahamwage; Echisisi cha Yakobo chiri eburhambi omu chihugo ch'engano n'eshogo. ²⁹ Oli munyaragi Israeli, nd'oli akawe! Lubaga lwa chungulwaga na Nahano. Muherho gwawe gw'oku kurhabala; Ngorho y'okuhimana kwawe? ntacho abashombanyi bawe nji bajira embere zawe, wena lambagire ahantu habo halengerere.