¹ Muyunvirize, mwabo mpingu, Nani naderha; negulu liyunv'emyazi yo mubunu bwani. ² Enyigirizo zani zishandale nkanvula, emyazi yan'erhoge n'emirhonyi yenvula y'oku myaka. ³ Bulala na hamagala ezino lya Nahano; Mukuz'ezino lya Lulema werhu! ⁴ Ali bale, emirimo yage eba y'okuli, bulala enjira zage ziri z'okuli; Ali Nyamuzinda w'okuli na ntabulyalya, Ali mushinganyanya na w'okuli. ⁵ Akaba bachibihizye, ntabubi emwage; eshoni ziri oku bana bage, eburha lya nyankol'amaligo n'okungayisa. ⁶ Nka Nahano yimuyirikire nyankol'ebi bintu, ego mwabo Bantu b'ebinganyi barhajira bwenge ? Karhali yisho, mulemi wawe? Karhali yewe yi wa kuyigirizaga, n'oku kukuza? ⁷ Yibuk'ebyagere omu siku za mira, yibuk'emyaka, y'echibusi oku chibusi, dosa yisho, naye akuyigiriza, abashaja bawe bakubwira byo. ⁸ Amango ow'enyanya njaherez'akashambala kaguma obuko, amango nj'agaba abana b'abantu, anahir'embibi z'abantu kushimanana n'oluganjo l'abana be'Israeli. ⁹ Bulal'echigabi cha Nahano, bali bantu bage, Yakobo ch'echigabi ch'akashambala. ¹⁰ Amubuganag'omu chihugo ch'oku mpinga, omu hantu hayoboheseze omukudogora; amuzunguruka, amubuka, amulemba nka mbonyi y'elisho lyage. ¹¹ Kuguma na chibarhula anajira dubaduba ologo lwage; chishashir'ebyana byage, anabihir'omubyubi bage, anabirhola ana bihek'omumashala gage. ¹² Nahano yenine ayumangirag'abantu bage, na nta windi nyamuzinda baliherhe w'omuhisi. ¹³ Amurharamya enyanya z'echihugo, na Israeli yaly'amalehe g'amashwa; amuhereza n'obuchi anunusa bw'omu bale, amavurha garhengerer'omubale likomere bwenene ¹⁴ Amavurha g'enkavu, n'amarha g'embuzi, haguma n'amashushi g'ebyana by'embuzi, ebishakalume by'e bibuzi, n'empene, haguma n'obwaso bw'engano; wanywer'eshagama y'omuzabibu, livayi. ¹⁵ Israeli wachwerere, oherh'amavurha; walugire! Anayinji leka Lulema, wamulemaga, abonerer'ebale lyamuhag'akalamo, ¹⁶ Bamulerher'obongw'oku balyangombe, bamugayisize oku mabi. ¹⁷ Barhulirire abazimu entulo orhali Lulema, oku balyangombe barhamenyere, bahyahya, barhengerer'omusiku zigeke, na bayisho barhali bayobohere. ¹⁸ Walekere Ebale lyakuburhaga, n'okuyibirira Lulema wakuburhaga. ¹⁹ Nahano amubona, n'oku mugaya, omugayo gw'abarhabana n'abanyere bage. ²⁰ Aderha: Nji n'ababisha amalanga gani, nji nalola gurhe obuzinda bwabo nji bwaba; Bulala chihanda chirhaherh'obukenge, bana barhaherhe bwemere. ²¹ Bamulerhere obongwa oku birhali Lulema, bangayisize enyanya z'abazimu babo; Nani, nji nabahirira obongwa okubarhali bantu, nji nabagayisa olubaga luhwinja. ²² Bulala omuliro gw'okuburhe bwani gwa chanirwe, nji gwakolera kugera ekuzimu kw'esiku z'olufu; nji gwaly'egulu haguma n'emburho zalyo, nja vuna n'enkingi z'entondo. ²³ Njinabaheba kw'amabi, njimalisa ebiragane byani enyanya zabo. ²⁴ Nji Bayond'okushali, bahwe n'obuganga n'endwala zibi; nji nabarhumira elinyo ly'enyama zikalihire n'amenyo g'enjoka.nobubi budarhi ; Nabaheker'amenyo ge nyama zikalahire, haguma ne sumu lye njoka. ²⁵ Embunga yaho, nji bahwa oku ngorho, n'omu busika, okububa bw'obuhanya: nji byaba ntyo oku musole w'oburhabana nk'oku musole w'obunyre, n'oku njolyana n'oku mushaja. ²⁶ Ndonzeze okuderha: Njinabahekera n'omuka, nji naheza n'eyibuko lyabo omu bantu! ²⁷ Aliko nyoboher'okushimangwa k'omushombanyi, nyubahire okw'abashombanyi babo bakakenger'obubeshi, n'okushubi derha: Efune yani yaliri y'emisi, arhanali Nahano wajira ebintu byoshi. ²⁸ Luli lubaga lwahezeze oborhere bwinja, barhana gwerhe bwenge. ²⁹ Nka baliherh'obwenge, talaga ebi njibayunva, njibanarhimanya ebi nji byabagerera. ³⁰ Nkagurhe omuguma akashimbulir'abantu cihumbi, na babiri bakalibisize bihumbi ekumi, nkaba ebale lyabo lirhali baguzize, nkaba Nahno arhali bahanire? ³¹ Bulala ebale lyabo lirhali kuguma n'ebale lyerhu, Abashombanyi berhu bali bachirwa emanja. ³² Aliko omuzabibu gwabo guli muzabibu gw'e Sodoma nabo bali bamashwa g'e Gomora; amalehe gabo gali malehe galogerwe; amalehe gabo galulire; ³³ Amavu gabo, gali menyo g'enjoka, kali kadarhi kakalik'enjoka. ³⁴ Ebyola birhali bishirwe hofu nani, byalishwekerwe haguma n'obugale bwani? ³⁵ Okuchiholera kuli kwani n'okujuha, amango amagulu gabo ganyerera! Bulala olusiku lw'obuhanya bwabo buli hofu, n'abali babilinga barhalegama. ³⁶ Nahano afunguza abantu bage; aliko njababalira abakozi bage, omukubona okw'emisi yabo yahwere, na nta kuchiba n'omuja, changwa orhashwekerwe. ³⁷ Naye aderha: Ngah'ebizimu byabo biri, ebale lyakazagi barhabala omukuchibisha; ³⁸ Ebyola bizimu byakazagi lya amavurha gabashwekwa, bakazagi nywa edivayi eye ntulo yabo,barhenge banaji barhabala mwabo babashukire oku bulanzi bwabo ! ³⁹ Mumenye oku nyono nye Lulema, n'oku nta nyamuzinda embere zani; nampana akalamo n'olufu, nanvuna n'okufumya, na ntaye wakagala chungul'omufune yani. ⁴⁰ Bulala nahir'efune yani enyanya omu mpingu,n'oku derha: Oku nyono ndamir'esiku zoshi! ⁴¹ Nkarhyaz'omupanga gwani g'omuliro n'efune yani ekagwarha obuhane, na chijuhisiz'abashombanyi bani n'oku hana abangayire; ⁴² Omupanga gwani gwaly'emibiri yabo, gunalalukeyo, gunalye enyama haguma n'eshagama y'abayirwaga n'abagwarhaga, oku rhwe lya bakulu b'omu shombanyi. ⁴³ Lubaga, muyimpe n'okuharamya oku bantu bage ! Bulala Nahano anajuhisa eshagama y'abakozi bage, anachijuhisiza oku bashambanyi bage, kandi ajira entulo oku chihugo chage, n'abantu bage. ⁴⁴ Musa ayinja aderha eyi myazi yoshi y'olu lwimpo omu marhwiri g'abantu; Yoshuwa, mwene Nuni aliri haguma naye. ⁴⁵ Amango Musa amala babwir'e Israeli eyi myazi yoshi, ⁴⁶ Ababwira: Mubik'eyi myazi yoshi omu murhima gwenyu eyina baganizize zene oku mubwir'abana benyu, babike n'oku jira eyi myazi yoshi y'eri rhegeko. ⁴⁷ Bulala chirhali chintu chirhashinganen'emwenyu; kali kalamo kenyu, n'oku ntyo nji mwajir'esiku zenyu zibe zinene omu chihugo nji mwarhola, enyuma z'okuyambuka e' Yorodani. ⁴⁸ Ol'olusiku, Nahano abwira Musa, n'oku derha : ⁴⁹ Zamuka kw'eyi ntondo ya Abrahamu, kwe'yi ntondo ya Nebo, omu chihugo cha Moabu, kuyerekeza e'Yeriko; olol'echihugo ch'e Kanana echimpereze abana b'e Israeli bachirhambule. ⁵⁰ Nji wafira kw'eyo ntondo wazamukako, nj'ona yegerezw'embere z'abantu bawe, nk'oku muchi wawe Haruni afirag'omu ntondo y'e Hori, ahirwa haguma n'abantu bage, ⁵¹ Bulala wajirire echaha enyanya zani omu charagati k'abana b'e Israeli, hofu n'amenji g'e Meriba, eyo Kadeshi, omu mpinga y'e Sini, murhanchesaga omu charagati k'abana be Israeli. ⁵² Nji wabon'echihugo embere zawe; aliko orhakachija mw'echo chihugo mperer abana b'e Israeli.