¹ Amango ebintu byoshi byabegerer,emigisho n'obuhanya ntabikire embere zawe, nkaba obinihire oku murhima omu charagati kabarhaherhe bwemere boshi, eyomunda akuheka Nahano, Nyamuzinda wawe, ² nawe okahikira Nahano, Lulema wawe, n'okuyunviriza omulenge gwage,lwiganyo lwa byoshi nku bwirire zene,woyo n'abana bawe,oku murhima gwawe goshi, w'oyo n'abana bawe, nk'oku nku bwirire olwene. ³ Bunola Nahano, Lulema wawe, ajihindamula obuja bwawe, naye ana kubabalira, kandi anakurhola kurhengera abarhaherhe bwemere boshi, ey'omunda ali kukabwire Nahano, Lulema wawe. ⁴ Abantu bawe babaga bagendere n'okuba lubibi n'empingu, Nahano, Lulema wawe, akushasha kurhenga eyomunda ana kurhola; ⁵ Nahano, Lulema wawe, ana kugalula omu chihugo bayisho baliherhe, nawe wana rhambula; ana kujirira amenja, n'oku kujira abo bantu banene kulusha baisho. ⁶ Nahano, Lulema wawe, ach'omurhima gwawe n'omurhima gw'echibusi chawe, yi mu musima Nahano, Lulema wawe, oku murhima gwawe goshi,ahabwe okuba na kalamo. ⁷ Nahano, Lulema wawe, akabula obu buhanya boshi enyanya z'abashomabnyi bawe, n'enyanya zabala boshi bakugayaga n'abantu boshi. ⁸ Na nawe, njabagalukira, na kandi nji wayunviriz'omulenge gwa Nahano, n'okujira amarhegeko goshi nku bwirire zene. ⁹ Nahano, Nyamuzinda wawe nj'akujira emigisho omu mulimo goshi gw'efune zawe, omu chibusi chawe, changw'abana b'omunda yawe, n'omu bibusi bya haguma nawe, n'omu bibusi bwe chihugo chawe;bunola Nahano ashubi sima enyanya zawe oku menja, kuguma n'okwasimaga amango gabasho; ¹⁰ nkaba wayunviriza omulenge gwa Nahano, Nyamuzinda wawe, okukulikira amahano gage, amarhegeko gage gayandikwaga mwechi chitabu ch'erhegeko;oyerekeza Nahano, Lulema wawe, oku murhima gwawe goshi. ¹¹ Bulala agamahano, nkubwirire zene, marhazidohere, na kandi garhali hale. ¹² Arhali empingu, mbaka oderhere, nde wakarhurharamira omu mpingu arhulerhe, ayinje arhubwire rhuyunve, rhugale kubijira ? ¹³ Erhali ewa lunda lwa kabiri lw'enyanja, kugera oderhe, nde warhuyambusa enyanja, arhulerhere, arhubwire, rhuyunve, rhugale bijira ? ¹⁴ Aliko ogu mwazi guli hofu nawe bwenene,guli omu bunu bwawe n'omu murhima gwawe, ogale kugujira. ¹⁵ Lolaga, ntabikire embere zawe akalamo na menja, olufu na mabi. ¹⁶ Bulala nkuyigirize zene okusima Nahano, Nyamuzinda wawe, oku lamabagira omu njira zage, n'okulolereza amarhegeko gage, mpu olame na kandi oyalize, na Nahano, Lulema wawe, akugishe omu chihugo wajamo nka ninacho. ¹⁷ Aliko omurhima gwawe gukahindamuka,nkaba orhakengere,na nkaba orhachilekerere kuyigirizwa okuyinamira ebizimu n'oku bikolera, ¹⁸ Namaba yigiriza ntyo zene okuli muhero, kumurhagendekeza esiku zenyu omu chihugo mwajamo nkabaninacho,enyuma z'okuyambuka Yorodani, ¹⁹ Mbirholere zene nka muhamirizi enyanya zenyu n'empingu n'egulu: Mpirire embere zawe akalamo n'olufu, emigisho n'obuhanya. Chishoga akalamo y'olama, w'oyo n'echibusi chawe, ²⁰ okusima Nahano, Nyamuzinda wawe,okuyunviriza omulenge gwawe, n'oku gwarhana naye; bulala omola mw'akalamo kawe n'oku gendekeza kw'esiku zawe, na ntyala kuwagala gendekera omu chihugo, Nahano achigashaga oku hereza bayisho, Abrahamu, Isaka na Yakobo.