¹ Talaga emyazi ye chihango oku Nahano abwiraga Musa kwashimbulire abana be Israeli omu chihugo che Moabu, ebindi chihango abaga ajirire nabo e Horebu. ² Musa ahamagala e Israeli yoshi,n'oku babwira : Mwalibwene mwenine byoshi Nahano ajirire oku mesho genyu, omu chihugo che Misiri,ku Farao,oku bakozi bage boshi, n'oku chihugo chage choshi, ³ bula buhanya bukulu bwabonaga amesho gawe;ebisomezwe, n'ebyo bisomezwe bikulu; ⁴ Aliko Nahano arhabahaga omurhima g'okumenya, changwa amesho g'okubona, n'amarhwiri, g'okuyunva. ⁵ Nani, n'amabayushulira myaka makumi mane omu mpinga; emishangi yenyu erhashaja enyanya zawe, n'echirato chawe nacho chirhashaja oku kugulu kwawe. ⁶ Murhalire omugati,changwa murhanywa elivayi, changwa ebilalusa; yi mu menya oku indi Nahano, Namahanga wenyu. ⁷ Mwagera aho hantu;Sihoni omwami we Heshiboni, n'oku mwami wa Bashani,rhwabashurha . ⁸ Rhwarhola chihugo chabo,nacho rhwachireza Abarubeni, n'Abagadi, n'echichira ch'obuko bwa Manase. ⁹ Mulolereze hoshaho eyimyazi yoshi chiragane, munayijire, yi mugala omu byoshi nji mwajira. ¹⁰ Mweshi muyumangire embere za Nahano, Namahanga wenyu, mweshi,abakulu benyu b'obuko, n'abashaja benyu, enfola miherho zikulu zenyu abalume boshi be Israeli, ¹¹ Abana benyu,abakazi benyu, na bahisi benyu bali ahantu hwawe kurhegerera oliwacha eshali zawe kugera okoli wadoma amenji gawe. ¹² Oyimangire yaja omu chihango cha Nahano, Nyamuzinda wawe, n'endahiro yage, ajirire nawe Nahano, Lulema wawe zene; ¹³ Akujire lubaga lwage zene emwage naye agaliba Namahanga emwawe, nk'okwa kubwiraga,n'okwa chigashaga embere za ba isho, Ibrahimu, na Isaka, na Yakobo. ¹⁴ Changwa ntajiraga nenyu mwenine eyi ndagano n'oku chigasha; ¹⁵ Aliko haguma naba boshi bali omu rhwabo zene, embere za Nahano, Lulema werhu, nabarhanali haguma nerhu hano zene. ¹⁶ Mumenyere nkagurhe rhwalamaga omu chihugo che e Misiri, na gurhe rhwageraga omu charagati k'ebihugo rhwarhalukaga. ¹⁷ Mwalibwene ebingayisize byabo n'eshushanyo zabo, emirhi n'amabale,efuranga ne horo za liri emwabo. ¹⁸ Amenye abaho omulume ali omubwo, changwa omukazi, changw'olubaga, changwa obuko ahindamuke omurhima gwage amuleke Nahano, Nyamuzinda werhu, yibajikolera eshushano zabo. ¹⁹ Oku ntaye,enyuma z'oku yunva emyazi yoshi chihango,omenye aka chisimisa omurhima gwage n'oku derha: Nagwarha omurhula,na kulikira okuhera k'omurhima gwani, n'oku nji nayushula obulalu okunyorha. ²⁰ Nahano nj'arhababalira chiro. Aliko omugayo gwage n'obongwa bwa Nahano, bwa kolera k'oyo muntu, emikomo yoshi yandikirwe mwechi chitabu,ya murhogerako, na Nahano ashanda ezino lyage eshishi y'empingu. ²¹ Nahano amufuhira oku mabi mage omubuko boshi bwe Israeli, oku mivumo yoshi ye chiragane chiyandikirwe mwechi chitabu ch'amarhegeko. ²² Ebibusi by'omusezi, abana benyu baburhwa enyuma zenyu n'omuhisi njowayinja kurhengerera hale,okubona ebihulu na malwala Nyamuzinda nj'ashurha echi chihugo. ²³ Okubona oburhindibuke, omunyu, echihugo choshi ntakurhwera, na kandi ntakukuza chiro obukere ntakumera omola, oku hindamula kw'e Sodoma n'e Gomora, Adima na Seboyima, Nahano ashandaga oku burhe bwage n'omugayo gwage. ²⁴ Abantu boshi baderha ,oku Nahano ajirire echi chihugo ntyala? Bili bichi obu burhe bukulu ntyala? ²⁵ Njibanashuza : Bunola balilekere echiragane cha Lulema Nyamuzinda wa b'eshe,ajiraga nabo eri abakula omu chihugo ch'e Misiri; ²⁶ Bulala balijire kolera bwa lyangombe na kandi bayinamira embere zabo, bazimu barhalimenyere na Nahano chiro arhabagahag'olugabane. ²⁷ Ahola hakolera oburhe bwa Nahano enyanya zechi chihugo, okuderha enyanya zage obugali boshi bwayandikwaga mwechi chitabu; ²⁸ Nahano abanyenga echihugo chabo oku mugayo gwage,n'obuhane burhashinganene,abakabula baj'omu chindi chihugo,nka zene. ²⁹ Ebintu bye hwe bya Nahano, Lulema werhu; Aliko bintu by'okufunulirwa bili byerhu n'abana berhu, esiku zoshi, yirhujira emyazi yoshi y'elila rhegeko.