¹ Amango abantu,baherh'entonganyi ahagarhi kwabo, beyinje oku buhaka kuchirwa olubanja, orhaherhe chaha banamucha echiru, n'oherh'echaha anachirw'echiro. ² Akaba oyo munya chaha akwanene kushurhwa. Omuzuzi anaderha bamulambik'ahashi n'oku mushurhisa oluganjo lw'enkoni zilinganene n'obudarhi bw'echaha chage. ³ Arhahir'amushurhis'enkoni zirhalukire makumi mane,bula nka bagendekere kumushurha zinene kwezo,mwene wenyu akakozw'eshoni omu mesho mawe. ⁴ Orhahira okashwek'obunu bw'enkavu,nkeri yahul'emburho. ⁵ Amango abalumuna njibaba balamire haguma,na nka muguma wabo akafa arhalekere mwana w'oburhabana,muka nyakufa arhalekere mwana w'oburhabana,muka nyakufa arhahir'akashabw'embuga n'omuntu w'elwahanda,aliko mulamu wage anaj'emundali,ana murhola abe mukage,n'oku mushaba nka mulamu wage. ⁶ Omurhabana mwambere nj'aburha, anagombola nyakufa, anahabw'ezino lyage,li eryo zino nji lirhaherag'omu Israeli. ⁷ Nk'oyu mulume arhasimir'okurhola mulamukazi wage,mulamukazi anazamukire ebwa lunvi emunda abashaja bali,n'okubabwira : Mulamu wani alahire kuyinamula omu Izraeli,ezino lya mwene wabo,arhashondere kushaba okubulenganjira b'obulamu. ⁸ Abashaja b'omu chishagala chikulu,banamu hamagala n'oku mu bwira , nk'alahire loshi,n'oku derha : Ntashond'oku murhola, ⁹ ago mango,mulamukazi ana muyegera embere za bashaja,anamuhogol'echirato omu kugulu,n'oku muchir'omu mesho.Anarhol'echinwa,anaderha : Ntya ko yekolerwe omulume orhayufwire enju ya mwenewabo. ¹⁰ N'enju yage yehamagalw omuIzraeli,nju y'orhajira birato. ¹¹ Amango abalume baba baherhe barhongana,muguma haguma n'owabo, nk'omukazi wa muguma akashengerera kuchungula eba omu maboko m'oli amushurha,nk'arhumir'omu fune n'okufarha echambiko chage, ¹² nji wanamuch'efune buzira kumushashira. ¹³ Orhahir'okagwarha omu shaho yawe mpiriri ebiri z'engero y'ezidohere, enene n'engeke. ¹⁴ Orhahir'oka gwarha ngero ebiri zirhalukire omu mwawe, enene n'engeke. ¹⁵ Wegwarhe ebale li kwanene n'ely'okubinali : Ogwarhe engero ekwanene n'ey'okubinali : Esiku zawe zanaba zinene omu chihugo Nahano, Nyamuzinda wawe, amakuha. ¹⁶ Bula ngasi yeshi wajir'ebintu birintyo ngasi yeshi wajir'ebirhakwanene,ali omu chaha embere za Nahano, Nyamuzinda wawe. ¹⁷ Yibuka ebi Ameleki akujiriraga, amango m'olugenzi, amango mwarhengag'e Misiri, ¹⁸ okuntu aku buganaga omu njira, na buzira buba bwa Nyamuzinda, nji bakukumbagalako enyuma zawe, bwenene balala bazinda, amango wali wamalemba n'okurhama w'oyo. ¹⁹ Amango, Nahano, Nyamuzinda wawe, njaba amakushwekula oku banzi boshi bakugorhere, njakuha omuhumukiro omu chihugo, Nahano, Nyamuzinda wawe, akuhere nk'akashambala, chibe kashambala kawe, nj'ozimye enyibuko y'Ameleki, kurheng'omushishi w'omuchanya: Orhayibirirag'echo.