¹ Amango omulume aba amarhola n'oku shabab'omukazi wakager'akashanji arhachisimirwe naye,bula avumbwire omu yewe chintu chilebe chilerher'eshonyi, njamuyandikire olwandiko lw'okulekana n'amango amamala kumuhalo anamukul'omunju yage. ² anarheng'omoyo mulume, anachigendera, nj'anashobola kuba mukazi w'owundi mulume. ³ Nk'oyu windi mulume omugayire n'oku muyandikir'amaruba m'okulekana n'oku muham'omu fune,n'okumukul'omu mwage; Changwa si nk'oyumulume muzinda wamufulusaga nkafire, ⁴ amo mango, eba mwambere wa mulibirhagako arhakachimurhola nka mukage nk'amango aba amazingis'omubiri gwage bula birha kwanene embere za Nahano, orhanahir'okahesa echaha echihugo Nahano, Nyamuzinda wawe, akuha nk'akashambala. ⁵ Amango omulume njaba ashabaga harhazilegama,arhakaj'omu ngabo,na nta kasi njahabwa; njasomerwa ku biyerekere engumwa yage omu mango g'omwaka muguma n'okuba ali abegeza omukazi afulusaga. ⁶ Ntay'ohira akarhol'echikinja ch'amabale mabiri m'okushesa,neri engashiri;Bula kwakab'enikurhol'echikinja ch'akalamo. ⁷ Nkaba mwene omuntu wakaba ababarhwire muguma wa bene babo muguma wa bana b'e Israeli,n'okumujira muja wage,changwa n'okuba amuguzize, oyu muzimba nj'ahabw'echihano ch'olufu. ⁸ Ochilange n'echihulu ch'ebibenzi,y'ogal'okenga bwinja n'okujira byoshi abadahwa,bene Lawi b'ekuyigirize,nji muchiseze kukola okw'amarhegeko nahagabo maderhere. ⁹ Yibuka oku Nahano, Lulema wawe, ajiriraga Miriyamu omu muhanda amango mwarhangag'e Misiri. ¹⁰ Nkohere muchiwawe omwinda mulebe,orhahir'okaj'omu mwage kuchirholer'echikinja chage. ¹¹ Wanaber'embuga,n'oyiwah'omwinda anakulerher'echikinj'embuga. ¹² Akab'oyu muntu mukene, orhahir'okula, l'ochiherhe echikinja chage; ¹³ Nj'omugalulirecho amango ezuba likala lyazika, yalala omu mwinda gwage abone kukugisha; n'ebyola biyerekan'oku kwa nene embere za Nahano, Nyamuzinda wawe. ¹⁴ Orhahir'okalibuza omukozi,w'omukene olagire n'eri akaba muguma wa bene benyu changwa muguma w'abashagaga balamir'omu chihugo chawe, ahamwawe. ¹⁵ Nj'omuhe oluhembo lw'emirimo lw'omuzizi gwage, ezuba lirhazizika; bulala mukene, anachereherwe okulubona. Arhali nty'akalakirira Nahano enyanya wawe, n'aho wakab'eri wamachihes'echaha. ¹⁶ Harhahira hakayirhwa beshe w'abana enyanya w'abana,changw'abana barhahira bakayirhwa enyanya za beshe;aliko nja bayirha ngasi muguma oku chaha chage. ¹⁷ Orhahir'okabihya obulenganjira bw'omushage n'efubi,orhahir'okarhol'echikinja ch'omwinda g'omushumba kazi. ¹⁸ Nj'oyibuke oku waliri muja e Misiri, n'oku Nahano, Nyamuzinda wawe, aku chungula; Che chirhumire na kuh'amarhegeko omakenge. ¹⁹ Amango weshabule eshwa lyawe, n'okaba wayibirire muzigo muguma omushwa, orha chigaluka kurhola : Nji gwaba gw'abahisi, efubi n'omushumbakazi, li Nahano, Lulema wawe, akugisha omu kasi koshi k'efune zawe. ²⁰ Amango nji washaganya emizabibu yawe, orhahir'okashubakuch'amalehe mayorher'oku mirhabi : Nji maba m'abashage, efubi n'abashumbakazi. ²¹ Amango weshalul'emizeituni yawe, orhachihumba ebikumbagere biyorhere: Nji byaba by'abashage, efubi n'abashumbakazi. ²² Nj'oyibuk'oku waliri muja omu chihugo ch'e Misiri, cho chirhumire na kuha amarhegeko,omakenge.