¹ Ey'ebikungwa bivunirwe changwa eyi bachire omulokoloko gw'amashu arhakaj'omu mbuganiro ya Nahano. ² Owaburhwag'omubuhushi, arhakajir'omu mbuganiro ya Nahano; n'echizere chage ch'ekumi chirhakajir'omu mbuganiro ya Nahano. ³ Omu Amoni n'omu Moabu barhakajir'omu mbuganiro ya Nahano, n'okuger'oku chizere ch'ekumi esiku na mango, ⁴ Bulala barhayinjag'emalangambere menyu n'omugati n'amenji,omunjira,amango mwarhengag'e Misir na bula bakurherezaga oku kichiro ch'efuranga Balama, mwene Beori, w'Epetori y'e Mezopotamiya, mpw'akuvume kubi. ⁵ Aliko Nahano, Nyamuzinda wawe, arhayemeraga okuyunva Balama; na Nahano, Nyamuzinda wawe, akuhindamulira w'oyo omuvumo mubi omu mugisho, bulala oli muzigirwa wa Nahano, Nyamuzinda wawe. ⁶ Orhahira okabashonder'amajambere changw'oku baho kwinja omu kalamo kawe koshi. ⁷ Orhahir'okanyeg'omu Edomu bulala ali mwene wenyu; Orhahir'okayeng'omu Misiri bulala waliri muhisi omu chihugo chage: ⁸ Abana njibaburh'oku chizere cha kasharhu nji baj'omu mbuganiro ya Nahano. ⁹ Amango waba oli omu kambi,warher'abanzi bawe,wanachilanga oku ngasi chintu chibi. ¹⁰ Nka hali emwawe omuntu wakab'arhakomere, kugerera empanuka y'obudufu, anarheng'omukambi,arhakanaj'omu kambi; ¹¹ Olugologolo,anayog'amenji,n'ahano ezuba liba lyamazika,akagala kugaluk'omu kambi. ¹² Nj'ogwarh'ahantu,embuga y'akambi,n'ahola mbuga ha njiwaja. ¹³ Njiwagwarh'omu mizigo yawe akafuka kageke,nji walema wa chigwasa nay'omu kubish'amazi gagurhengagamo. ¹⁴ Bula Nyamuzinda,Lulema wawe,analambagira omu kambi kawe nkashonda kukulanga n'okuhir'enzigo zawe emalangambere mawe;Bihemer'akambi kawe kabe kachesibwa,li Nyamuzinda arhabonaga emwawe n'echintu chiguma chirhakomere ly'arhanakulekaga woyo. ¹⁵ Orhahir'okagalul'emwanawabo,omuja njiwashagir'emwawe,nk'amaleka shebuje wage. ¹⁶ Nj'abera emwawe, ahacharagati kawe, ahantu njachishoga,omu muguma gw'ebizungu bikulu byawe,okwashondere yenine : Orhahir'okamulibuza n'eliguma. ¹⁷ Harhahira hakaboneka chiro n'omuhushi mugum'ahagarhi k'abanyere be Israeli, harhakanaba n'omuhushi muguma ahagarhi k'abarhabana be Israeli. ¹⁸ Orhahir'okalerha omunju ya Nahano, Nyamuzinda wawe, akachiro k'emirimoi y'omuhuzhi n'eri ekichiro ch'engulo ya nyakabwa, nka washond'okurhunganya endagano ntebe; bulala byombi birhakwanene emwa Nahano, Nyamuzinda wawe. ¹⁹ Orhahir'okahema mwenewenyu chiro enyungu nguma abe okufuranga,n'eri oku biryo,n'eri oku ngasi choshi chiyindikirw'oku nyungu. ²⁰ Nj'oyunguk'oku muhisi aliko orhahir'okayunguk'omwene wenyu;lyo Nahano, Nyamuzinda wawe, akugisha omu ngasi choshi nji wakol'omu chihugo waji farha chibe chawe. ²¹ Nk'ohere Nahano, Nyamuzinda wawe, endagano orhalegamaga oku yirhenganya: Bulala Nahano, Nyamuzinda wawe, nj'akakujuhisayo, nji wakaba eri wamachihes'echaha. ²² Alik'okachifarha kurhahan'endagano, nta chaha waba wajirire. ²³ Aliko we kenga nj'onarhenganye echinji charheng'omu bunu bwawe, k'okuderha endagano njiwaha Nahano, Nyamuzinda wawe, oku bushashe bwawe; zonezo ndagano obunu bwawe nji bwaba bwaderhere. ²⁴ Nk'ogerere omushwa ly'emizabibu ya mwene wenyu,wanaly'amalehe m'omuzabibu nko shalikire onayugurhe;Aliko orhahira okahir'omushaho yawe. ²⁵ Nk'ojire omushwa ly'engano ly'omuturanyi wawe,wakach'ebikumba n'efune,aliko orhakolesag'omuhoro oku ngano 'omuturanyi wawe.