¹ Nk'omu chihugo Nahano, Nyamuzinda wawe; aguhere eshwa, mpu orhegeke omu charagati g'eshwa halambikirwe omurhumba g'omufu, buzira kumenya nde wamuyirhire, ² Abakulu b'ehano n'abazuzi bawe banaja kupima entambo, kurhengerera ah'omufu ali, guhika omu bishagala biri hofi hofi. ³ Babaga bamali menya echishagala chakazira oyo mufu; Abakulu b'ehano b'echo chishagala barhola enyena y'enkavu erhazi shogola n'erhasagi shwekwa. ⁴ Bana yandagaza eyo nyena omulubanda lurhasagi hingwa , chiro ntamburho n'enguma elimo, eyo nyena banayich'egosi. ⁵ Ntyo hana shegerera omudahwa mwene Lawi: bulala Nahano, Nyamuzinda wawe, achishogaga mpu ba mukolere n'oku bagisha omu zino lya Nahano, yibanakazi shambala omu mpaka n'omubuhaka. ⁶ Balira bakulu b'ehano bali hofi na chila chishagala omuntu afiriremo, bakalab'efune zabo enyanya w'eyo nyena bach'egosi mulubanda. ⁷ Barhola omwazi mpu: Efune zerhu zirhasheshaga eshagama n'amasu gerhu garhabonaga ya shesheka. ⁸ Bera obonjo: O Nahano! Olubaga lwawe lw'e Israeli, wachishogaga; orha holaga olubaga lwawe lw'e Israeli eshagama erhagwerhe zabyo, n'ey shagama erhaka besherwa kubo. ⁹ Ntyo wakula eshagama echeswe omu charagati kawe eyoli wajira ebishinganene omu mesho ga Nahano. ¹⁰ Amango wamaja omu ntambala haguma n'abanzi bawe na Nahano abahanire omu fune zawe, akanabahira mpiru; ¹¹ Hali okuntu mw'obola mashweke wankabona m'omukazi w'elanga likwirire, wakamuyunvira obonjo, ona murhole nka mukawe. ¹² Honaho wana muhira omu mwawe; naye anagemba erhwe lyage n'okuch'enyunu. ¹³ Ahogola emishangi y'obuja aliyambere amango omurhola, ayorha omunju yawe anasimisa Eshe na nina mwezi muguma. Oku buzinda bwaho, wana murhola anaba mukawe. ¹⁴ Akaleka ku kusimisa, wanamuleka aje emunda alonzeze; Orhaka mugula chiro n'agerha liguma. Orhana mujira mujakazi wawe; Bulala waba neyi wama murhindibwize. ¹⁵ Akaba omulume agwerhe bakazi babiri, akasima muguma, akayanga owindi, n'akaba agwerhe abana, mulibo, efula ali y'omukazi arhasima; ¹⁶ Amango amagabira abana bage obuhirhi bwage; arhaka rhola omwana w'omukazi asima mpu y'efula, arhali ho ayarhasima mpu kwenge ali fula. ¹⁷ Aliko y'ejire efula k'ola mukazi arhasima, ana muha oku bintu byage echichira chakabiri kulusha. Balala ayo mugala ali murhanzi omu by'eshe, akwanene oluhembo lw'obukulu. ¹⁸ Nk'omulume agwerhe omwana orhayunva arhana kenga; arhayunva eri eshe eri nina; arhana bakenga chiro bamuhanula. ¹⁹ Eshe na nina bamurhole bamuheke emwabahanuzi, bechihugo chage n'okulunvi lwahalamire. ²⁰ Babwire abahanuzi b'e chishagala chage: Oyu mwana werhu arhayunva arhakenga, arhayunva n'emyazi yerhu, muhushi n'amulalwe. ²¹ N'abantu boshi b'omu chishagala chage b'emubande amabale n'okufa. Nji bakule obubi omu charagati kawe, na Israeli yoshi ye yunve ana yubahe. ²² Bakola bayirha omuntu wajire echaha chihunire okufa, n'oku mubamba oku murhi. ²³ Echifu chage chirhakalala oku murhi, kuli kumuhamba olo lusiku lonolo; Bulala obambirwe aba eya vumirhwe na Nyamuzinda, arhazingisanga echihugo chawe Nahano, Nyamuzinda wawe, akuhere ok'orhegeke.