¹ Amango waja omu ntambala n'abanzi bawe, n'okabona Engamiya n'emitugari ya bigarha bibiri, n'olubaga lunene oku lwawe, orhabayubahaga, bulala Nahano, Nyamuzinda yawe wakukulaga omu chihugo ch'e Misiri ali haguma nawe. ² Hano okala washegerer'entambala, omukulu w'ehano, anashegerera olubaga, analubwira. ³ Hanola nja babwira, yunva, Israeli zene mukalilwa entambala n'abashombanyi benyu. Omurhima gwawe gurha yubahaga, mube buzira buba, murha yubahaga; Murha chilekereraga embere zabo. ⁴ Bulala Nahano, Nyamuzinda yawe, anambagira kawe omu kulwisa abashombanyi omu kukurhabala. ⁵ Abarhegesi nji babwira olubaga eri: Inde wayumbakire enju mpyahya arhanayinjemo? Agaluke emwage omukuyubaha okw'akafira omu ntambala owindi anayijamo. ⁶ Nde wahingire omurhi, arhanasagi gulyako? Agende arha agaluke emwage, omukuyubaha okufira omu ntambala, n'owindi yarhachishingirago. ⁷ Nde waganizize omukazi, orhazi murhola? Agaluka emwage arhafira omu ntambala owindi akamurhola. ⁸ Abarhegesi bagenderere oku bwira olubaga mpu: Inde ya yubahire anabula obushiru? Agende agaluke emwage yi bene wabo barhabula obushiru nka yewe. ⁹ Amango abarhegesi bamala ku bwira olubaga, yejira omurhegesi w'ebigusho by'olubaga. ¹⁰ Amango wa mahika hofi n'echizungu, wanamuha omurhula. ¹¹ Akayemera omurhula ana kuchingulir'olunvi, olubaga loshi lurhali lwaba lwawe lunakurhabale. ¹² Nkabarha lonzenze obunvikane haguma nawe, na bakolonza kukulwisa, abola wanabayikaza, muyunvikane. ¹³ N'amango Nahano, Nyamuzinda wawe, abahira omu fune zawe, wegeza ababi boshi oku ngorho. ¹⁴ Aliko nji warhola abakazi, abana, oburhunzi, byoshi byebe omu chizungu, obuhirhi bwage boshi nji walya ebisigazo by'abashombanyi, bi Nahano, Nyamuzinda wawe yebe aya kuhere. ¹⁵ Ntyo ku wejire ebyo bishagala byoshi byebe bili hale nawe, chiro binali by'obola buko. ¹⁶ Aliko mw'ebyola bizungu by'ababantu Nahano, Nyamuzinda wawe, akuhere echihugo mpu achirhambule, ngasi choshi chiyisa omuka ochiyirhe. ¹⁷ Bulala we chihane nterekero y'olu lubaga, aba Hetiya, aba Amori, ab'e Kanani, aba Farisayo, aba Heritia n'aba Yebusi, nk'oku Nahano, Nyamuzinda wawe, ali akurhegekere. ¹⁸ Yi barhabayigiriza oku yiganya ebyubahiro byoshi bi kwanene oku balyangombe babo, yi orhagomeraga Nahano, Nyamuzinda wawe. ¹⁹ chiro wakaijira entebe elehere mpu yarhola echishagala oli walwisa, orhaka shandaguza emirhi n'okuyicha n'embasha wahekahyo s'orhakabicha bulala omurhi g'omushwa ali muntu akwanene okuyikala naye mpu muganire? ²⁰ Aliko wakabihya n'okucha emirhi wakamenya oku gurhali murhi gurhakalibwa, gucha nka n'okuyumbaka echigabi chiri ch'echishagala chiri chakulwisa, kuhik'amango cha farhwa.