¹ Abadahwa bakulu, aba Lawi, obuko boshi bw'aba Lawi barhakagwarha ho eyi chigabi eyi kashambala, haguma na Israeli: Belye enterekero esingonokere oku muliro oku bulonza bwa Nahano, n'oku kashambala ka Nahano. ² Barhakabona kashambala aha charagati ka bene babo, Nahano yiwaba kashambala kabo, nk'oku ali aba bwirire. ³ Talaga bichi byaba rhegeko ly'abadahwa bakulu oku lubaga; ku balala nji bajira enterekero: Empanzi changwa omwana gw'embuzi, nji baha omudahwa mukulu; echirhugo emishaya; w'echirhole, ⁴ Nji wamuhereza eby'emberei by'engano zawe, ebishusha byawe n'amavurha gawe, n'ebirhanzi by'obuso bwawe. ⁵ Bulala eyi Nahano, Nyamuzinda wawe,achishogere omu mashanja goshi, mpu y'ajira emirimo oku zino lya Nahano, yewe n'abana bage, esiku zoshi. ⁶ Amango omu Lawi arhenga aha mwawe, ahanaliho hoshi, changwa ana bera omu Israeli; kuja emunda abalamira, n'oku galuka n'enyifinjo, ahantu Nyamuzinda achishogere; ⁷ N'akakola emirimo omuzino lya Nahano, Nyamuzinda wawe, kuguma na bene benyu boshi ba Lawi bali ahola haguma na Nyamuzinda. ⁸ Nji bamuhereza nka biryo chichira chingana n'echage' anasime kuguma n'ebyarhengere omu buguzi bw'ebintu byage. ⁹ Amango waja omu chihugo, Nahano, Nyamuzinda wawe akuhereza, orhagayiga echubahiro ch'olola lubaga. ¹⁰ Harhabonekanage emwawe omuntu walonzesa omugala eri omwali n'omuliro, omuntu wakola omugayo gw'echaderherwe, g'oku yiga enyenyezi, obulebi, n'obufumu. ¹¹ Okusimisa omuntu okulikirana n'ebyabazimu, changwa abaderha ebya balozi eri abaderhesa abafire. ¹² Bulala yeshi wakajira ebi bintu omu kugayisa Nahano, Nyamuzinda wawe, n'enyanya ly'ogola mugayo, yi Nahano, Nyamuzinda wawe ahiga olola lubaga embere zawe. ¹³ Nji waba loshi wa Nahano, Nyamuzinda wawe. ¹⁴ Bulala olola lubaga nji wahiga bayunviriza ayig'eby'enyenyezi n'ebiyereke ebyayinja; Aliko kuli w'oyo, Nahano, Nyamuzinda wawe arha kayemerere byo. ¹⁵ Nahano, Nyamuzinda wawe ye yimanze ahachagati kawe haguma na mwene wenyu omulebi kuguma nani, inji mu muyunve. ¹⁶ Nja mushuza ntya oku chibazo wa jirira Nahano, Nyamuzinda wawe e Horebu, olusiku lw'enshimanano amango wa derhaga: Ntana chibonaga ogu muliro gwage gunene mpu yi barhafa. ¹⁷ Nahano ambwira: Echi baderhe chiri chikwirire. ¹⁸ Nabayimanziza omulebi arhengerera akagarhi kabo nka w'oyo. Yembwir'omwazi gwani omu bunu bwage, ana babwira byoshi ny'emurhegeke. ¹⁹ Na hakaba omuntu yeshi orha yunvirhe, emyazi yawe ya yigiriza oku zino lyani, Nyenine nji namubaza ebyajirire. ²⁰ Aliko omulebi nji waba obushiru b'okuderha okw'ezino lyani omwazi ntamudoseze oku aderhe: changwa abe aderhe omuzino ly'abandi balyangombe oyo mulebi nji bamucha echihano ch'okufa. ²¹ Hali oku wakaderha omu murhima gwawe: Gurhe rhwaka menya omwazi Nahano araderhaga? ²² Amango ebi omulebi aderhere birhabere, nji chaba chinwa Nahano aba eri arhaderhe, oyola mulebi aderhere n'oburhe, orha muyubahaga.