¹ Bino, nambo mwahuchulwa hamwechi na Keleshito, mweenge bya hegulu, welu Keleshito, Mshame uboowa ulume wa Abetcha. ² Langwe byine bili hegulu, nangu byine bile hano hasi. ³ Bululi miwile, na mwego gwenyu mgubiswe hamwechi na Keleshitomnda mwa Abetcha. ⁴ Keleshito heliununwa, gee mwegogwetu, haho na benwe mwiununwa hamwechi nage u bugunguda. ⁵ Hano mubibise bilumbu byenyubili hano hasi, lusengu, tubachi,itima ibii, malanga mabii,ubenja bibii, noo utambikila miishi; ⁶ wa yuluya bibyo bihisho bisuchwisha buhuchi bwa Abetcha. ⁷ U bibyo benwe na benwe mugilile aala, hamushamine mwabili. ⁸ Bino hano bibiwagwe koo nenyu byose,sungu, buhuchi, bubii, na usebulula na misobo ,bishihuma iyaka mtunwa twenyu. ⁹ Nangu usambilana lulimi, yulu mwachulaabisa mtu gwa aala, hamwechi na bihisho byage. ¹⁰ muchwale mtu gwa mia, ulihuiswa buhya gabe na umana ulihulingilishiwa na guya mine gutubumbile. ¹¹ Haho hashi Myunani na hashi Myahudi,ugya kumbi na nangu ugya kumbi, mgenyi, mmugi, mcha, mine mbuga, Keleshito noo byose mnda mwa byose. ¹² Yulu musili basobolwa ba Abetcha, bahaha baunjwa, muchwale mitima gya uleelela, buutu bubenju, ulisacha, uhola, ulitolelecha, ¹³ muwatilichane, na uleelelana, mtu gwahuba na ibalo ya umonona miinage; nahi Mlume byelimleelele benwe, bibyo na benwe. ¹⁴ Hegulu ha bibyo byose muchwale luundo, noo ihambo ya uwilila. ¹⁵ Na taklalacha Keleshito gigede mmiyima gyenyu; noo yulu mugitilwe mnda m'bili gumwechi; iyaka mube batu buhana buswachi. ¹⁶ Inwa ya Keleshito na ishame ingi mnda mwenyu wa lwengu lose, mugigyane na mulangulane wa zaburi, ng'imbo, ng'imbo cha myima; na ugimbila Abetcha wa keene mmitima gyenyu. ¹⁷ Na yoyose yamwigila, wa inwa na bigilanwa, mugilebyose wa china lyaMlume Yesu, numa Abetcha Tata buswachi yulu yage. ¹⁸ Benwe baachana ,mubanyemye balume benyu, nahi bilihubenja Mlume. ¹⁹ Benwe balume, mubabenje baachi benyu mushibe na tung'onwena nabo ²⁰ Benwe baana mubanyemye bibushi byenyu wa ubihishi byose; yulu bibyo noo bilihubenja Mlume. ²¹ Benwe ba shibana, mushibasagache baana benyu, bashichwe uwa mitima. ²² Benwe bacha, mubanyemye babo wa mibili ii balume benyu, wa bigilanwa byose, ushi wabucha bwa meso, nahi balibenja uu batu, ii wa boba bwa myima, mulihusina Mlume. ²³ Yoyose yamwigila, gilwe wa mtima, nahi wa Mlume, ushiyulu ya batu, ²⁴ mmane ubamwihewa uhuma wa Mlume alambwe a uhyana.Mulihumgilila Mlume Keleshito. ²⁵ Yulu mine gwigila bya ahyonono gwihewa uhogonona wage, na hashi ugegamina