¹ Bululi nilihubenja benwe mumane bili bichigililwa byanyi byata byandi nabyo yulu yenyu, nwa baya bali uya Laodikiya, na wa baya bene bashihuona yenyi yanyi wa m'bili; ² yulu bahungiwe mitima gyabo, balungwe mnda mwa luundo, bahewe bumona bose bwa umana wa winene,bahewe umana abisa lubisagulu lwa Abetcha, noo, Keleshito; ³ bululi mnda mwage gee lindolyose lwa lwengu na malango byabiswa. ⁴ Nihugana ino inwa, mtu gashichwe ubabicha wa binwa bwa umguha miyima. ⁵ Bululi inangwa nishi nenyu wa m'bili, bibyo nili nenyu wa mtima, naseelela umona mishamenyi gyenyu ugimana wenyu wa uwasha wenyu mnda mwa Keleshito. ⁶ Bino nahi byamumgaile Keleshito Yesu, Mlume, giwe byoka bibyo mnda mwage. ⁷ bene bali na shina na ugubawa mnda mwage; mwahwiswa uba bagimanyuwa buwasha, nahi bwamuli bagigiwe; gilililwe uba na utona. ⁸ Mpelola gashibaite uba matega ma lwenyi lwage lwa bunene na lulimi loka loka, nahi biya mishaminyi gya batu, nahi lugigyo lwa aala lwa ibaloo, na lushi lwa Keleshito. ⁹ Bululi mnda mwage noo mulihushma uwilila ose wa Abetcha, wa ndila gya m'bili. ¹² Epafra mtu gwa wenyu, na mcha gwa Kelesitu Yesu, kwagama salamwa. Gee kulihubasabila waa m'swe usuma mengo mose yulu mkimane malindi mnda mwa ubenja wa Abeca, muuome na uba bakimanyu. ¹³ Nihugana kulihuusabila wiinene yulu yenyu na yulu ya bashiwetu ba Laodikia na Hierapoli. ¹⁴ Luka, kuya mgabo kunjwa, hamwechi na Dema, kwakana salamwa. ¹³ Na benwe hamubele mwahuhwa uwa yulu ya bubi bwenyu na ushugya kumbi mmibili gyenyu, gumtile uba na mwego hamwechi nage, helihwile utuleelela bubi bose; ¹⁴ helihwile ugula yaanyi igolilwe ya utuhambya na uonona wage, gubele na bumangu watuli; guihuninye ishibe iyaka, guiokomeye umti gwage gwa asusu; ¹⁵ helihwile uchichula buolo na uhwilila, na ubyita oba bishi na uoma wa uoma wage, na gubiselele u gugo mti gwa asusu. ¹⁶ Bino, mtu gashi mmonone yulu ya biliwa na byunwa, na yulu ya sumbilo na uba abalu a mwechi, na uba lusugu lwa ulihocha; ¹⁷ yulu bibyo byose ii ichuli chuli ya byine byichwa; m'bili ii gwa Keleshito. ¹⁸ Mtu gashibasape sala gyenyu, wa ulisacha wa ubenja wage gee mine kaa, na utambikila malaika, ulibiya uu malo mage na ulitundula bunene, wa lwenyi lwage lwa m'bili; na gushihuwata mswe, yulu yage m'bili gose gwina lwenge na uwatilichanawa bilumbu na mii, bisuula wa inwa yuhuma wa Abetcha. ²⁰ Nambo muwile hamwechi na Keleshito na uleye luya lugigyo lwa aala lwa ino ibaloo, yulu yai ulibiya hasi ha m'bindo, nahi bene balihushama hano ha mgala, ²¹ Nangu uwata, nangu utonda, nangu uuda; ( bibyo byose ii bya udoga mengo ma ubigila ); yulu yai ulama malagano ma lugigyo lwa mtu? ²² Bibyo btu byose bilihumonea ii bya unyemiwa,uu mengo ma utambilila wamulibiile benwa bene, wa ulisacha, na wa uhwilila m'bili wa buhuchi; bishihwita atu wa uchibila itima ya m'bili.