¹ Hanyuma ya yeya,Mwanana gutela honga maumi musambu , na gubatuma babili-babili uluebu lwati mu njaati yooso na mu bisambu byooso koa jehe muninu wekumbene wenda. ² Bigubasahwila , mwangu nguata , ila batesha ba mulimu basehe.Muhazyi wa mwingwa mwangu gwatumi batesha ba mulimu û mwangu gwaji. ³ Mwende lola , nibatuma pâa bama ba mikoo hangati ya mibwabwa. ⁴ Nemusahula wala lumeha ,wala ibugu, wala bitampilo na nde musema mundu mwisinda. ⁵ Mu byende, bimusheela , muboye binu: Atalala ndongo yakai mu kinu yende. ⁶ Na hutu muli mwana gwa atalala ndongo, atalala ndongo enu amkaha naji, hutu nde byebyu anugaluili. ⁷ Mukai muchel'chiu yende, mulyahi na mutome byebya bibam'nuha iuboya mutesha gwa mulimu gukumbene ukuza futu liaji .Ndea musheela yende wa yende. ⁸ Mu bibalu bim'bimu bimusheela , na ubai mbatambula , muliahi byeba bibambaha. ⁹ Mushoshe baaba banalufu, bamsanganubu na ubashila , ibalu ya Vili kuwibuzya nigob'elela. ¹⁰ Ila mubibalu bimu bimusheela , na bobenga ubatambula mwende mu masinda gabu na wisamba: ¹¹ Tukukumuni û muli banu luvumbi lolwa lwa ibalu yenu lutuwatizi û byahi byetu, na muyui nang'hah ibalu ya Vili itele habwihi. ¹² Nibasahwila , mulola lutufu Sodoma yi mwalibu hasehe na hal'chinu ibalu. ¹³ Lwanya lobe Kolazini, lwaya lobe Betesaida , ibinu, hutu biez'gele byatahubu hangati yenu byokaa byautubu û Tilo na Sidona nde baf'mulaga na ugal'lua na uvula makuninu na mutu. ¹⁴ Iwabinu, û lutufu lwa ukala, Tilo na Sidona bamkalilubu hashoa na hamulibanu. ¹⁵ Na bebe , Kapelnaumu, gwa vuu witimba , gum'tushubu vuu û kaisi ä tusombola. ¹⁶ Yoga gum'bahuzya , gumumbuzya na yoga gumndasa , gumtasa yoga gwa unduma . ¹⁷ Bâba maumi musambu bagalusha na musangu bibaboya :Mwnanana , miuli nayu yitunemee mu zina lyobe. ¹⁸ Yesu bigubasot'lwela : Nam'monanga kiyunguyungu uhulua witimba kama byebya zazi. ¹⁹ Hamona , nabaha buswata bwa usumua higulu ya myoa na isuma nyoa na higulu ya buswata bwa mulwisha nôbe na indu nagukiimu ndeim'kutaha bibiha. ²⁰ Ihanu, nde mumona ulejela u byebya biuli bya ununemea; Ila mumone ulejela beebya mazina genu ngasingi higulu. ²¹ Hahanu, Yesu gumona ulejela wa chiuli ilumbului, na guboya, nikuluvia be shami , mwanana gwa gulu na mavu, û byebya bigwa fwamisha byebya bindu uli ba na mbati na luani na bagwimoneshe uli bana. Ni witaba shami nim'kuluvya û byebya bigwaleg'lezya. ²² Bindu byoso byaumbehubu na Shami, namundu na gugu jimu. nde jili mwana, hutu nde Shagi; ni nani , hutu nde mwanaji na yoga mwana gumum'monesha. ²³ Na, gugal'lua û mitwana, bigubasat'lwela hambavu: Musangu uli me mesu gam'mona byebyu bim'mona! ²⁴ Iuboya nibasahwila ba ng'hanga biloto na ba Kasheke bavula umona bibi bim'mona, na nde babimona , uhazya chea imum'huzya na nde bakahizyu. ²⁵ Mutesha gwa msii biguwimana , na umusat'lwela Yesu , ku umuheha:Mwalimu, nitahi bini nikai na lubala lwa buome lumu na lumwina. ²⁶ Yesu biguumulunga: Njiayi ibahalizi û musii? Gum'soma ayi? ²⁷ Yesu bigulunga , guleg'lezye mwanana, Vili nyambi gobe, watima lilimu, wa buswata bobe, na uninga obe oso, na min'obe gwa mulianompaha na bebe mu ninu. ²⁸ Gulungizi bya buose, Yesu biumusat'lwela;Taha chea, na gum'kaa na buome ²⁹ Ila jehe guleg'lezye wilimbtula bigunga Yesu: Na ni nani mwinami gwa muliangu? ³⁰ Yesu bigugalwisha go moolo: Na wisamba mundu gwa tua û Yelusalemu wenda Yeliko biguhulua hangtai ya banyivi, baumukuzyimuna bindu byooso , umututa na bibawijila lwabu, umusiga muhita. ³¹ Kuhani, gwa mwiyenda na mwitua muleleli lia sinda , biguum'mona yo mundu, biguum'kila . ³² Mulawi gufia honga kyolkyea inee, gumwene na ukila. ³³ Ila Musamaliya jimu gwamwiyenda lujendu, hagufia hanha , biguumfiila lusa hanha haguum'mona. ³⁴ Biguwibuzya, na uganga masungu, ugamwangila magani na maluvu, honga biguum'tula kuipinyo yagi na wenda û yende ya banyene na ubamba unubelezya. ³⁵ Buenda bwaji, bigusamuna falanga yibili umuha muyuhi gwqa yende ya banyene na mutuzi, na chea yomzimizya ya higulu, niuv'keheu haugalusha wami. ³⁶ Nani ubabâab basatu gum'monea habuihi na yoga gwa hulua hangati ya bazivi? ³⁷ Ni yoga gwa umwena bin'sonya ,bigulunga mutesha gwa msii na Yesu biguumusot'lwela: Yenda, na bebe taha bibyebya . ³⁸ Han Yesu gwali mwisinda na mitwana yaji bibasheela mu zyaati , na gwa muazi , gumwit'ganubu Malata gu umu'tambuila mu yende yaji. ³⁹ Gwana bab'gwaji, gubamwit'gana Maliya gwali hasi û m,agulu ga mwanana na mwihuzya moolo gwaji. ⁴⁰ Malata gwa na milimu mu yende , biguuvgaya na uboya : Mwanana, chea nde im'kusaweila indu bub'gwami gumuziga bunga na mulimu? Musat'lwele gwan'tilizyi. ⁴¹ Mwanana bigu umulunga: Malata , Malata guwisumb'luaha na bindu bishwali . ⁴² Indu chiimu ya buose, Maliya gusobwele iba ya buose, yesh'mum'katusubu.