¹ Yesu , gwa bunga bâaba umi na babili, bigubaha buswata halwegulu ya miuli yoso hamonga na buswata bwa ushosha bâna lufu . ² Bigubatuma mwisot'lola ibalu ya Vili ,na ushosha bânalufu . ³ Nde mubugula indu ya lugendu, bigubasahwila , wala musinji, wala luumbu, wala mukati, wala luimeha na nde mukaa na makanju gabili. ⁴ Mu biende bimu bimusheela mukahisi, na mbal'hanhui hamumwigoyela. ⁵ NA hutu bandu ndebam'batambula , mwatuui mu chol'cheu ibalu na ukukumu luvumbi lwa biahi byenu, ni bushuula ubali. ⁶ Bibawenda , na bawenda jaati wa jaati mwitaha mbila ya musahu gwa buose na mwifula bânalufu. ⁷ Kasheke Helode biguhuzya bamwisamba byebyu byoso bikil'ganya , na ndangwanga gwa ningi ayi ibunu bamuboya nang'ha. Yuhani bigusangua mu bafu; ⁸ Banji, nang'ha E;.liya igumonea , binji honga yoga ng'hanga biloto wa hâala iyusangaa. ⁹ Ila Helode gwa boyanga , naumuklisha Yuani mushu; Yugu ni nani jingi gwahum'hujya mwisamba bindu bya gugu mutindi ? Na gwa cheba gwamumone. ¹⁰ Banjeze, habatela mwigalusha, bibamusot'lweli Yesu byoso byebya bibatele bigubag'gula hamonga naji, na wenda hambavu, mutamba gwa ibalu ya Betesaida . ¹¹ Ibumbu , hashiyua , bibi umulata .Yesu bigubatambula , na ubasot'lwelaq yeya ya ibalu ya Vili; bigushosha bâaba bana muma gwa ushoâ. ¹² Byebya yuba lichibamba uhulua , baba umi na babili bibawibuzya , na umusahwila: Galusha chii ibumbu, ya yende û zyaati na û malimi , gabwihi , bayakuzi haulala na ucheba chaulya; ibini, tuli hanu mu buonono. ¹³ Yesu bigulunga : Banu mubahi chaulya iola , biba mulunga:Tu na mikati yila boôbo, na samaki yibili, hutu mwenda batumaninu wa gula chaulya ya baba banchi booso. ¹⁴ Na wali habuihi bandu babalumi elufu yitanu. Yesu biguwisamba na mitwana yaji:Mubakaisi hasi mumilongo ya maumi gatanu. ¹⁵ Bibalula byebyu , ubakaisha booso hasi. ¹⁶ Yesu biguub'gula mikati yitanu na yeya samaki yibili, na ubazya mwesu higulu bigugufigula , honga ,biyuyikalaga , na uhaha mitwanai, bayigabi ku ibumbu. ¹⁷ Booso balili na kwiuta na wenda na bibugu umi na bibili biyuli na bihindi bya mikati bisagala . ¹⁸ Tufu limu, Yesu gwam'hazya hambavu, hamonga na mitwana yaji, bigubihuzya , bam'boya mimi nili nani? ¹⁹ Bibaumulunga: Yuhani mubatizaji, banji Eliya ,banji honga jimu gwa baba baalaah ng'hanga biloto gusangua. ²⁰ Na banu, mum'boya mimi nili nani? Petelo bigulunga :Klistu gwa Vili . ²¹ Yesu bigubahazya walujila nde musat'lwela mundu. ²² Yesu bigulunga yikumbene mwana gwa mundu gwa subi , ushali , gwatasubu na banunu, na ye mishu mishi ya Bakuhani na Tulani , na gwa yihagubu, na gum'sangua m,atufu gasatu. ²³ Honga bigubasahwila booso; Hutu jimu gumuvuyaga umanyuma gami, gwayi benji jeli'muninu, gwasamuni matuifu gooso muti gwaji gwa sambu na gwandamati . ²⁴ Iuboya , yoga guleg'lezye ushosha buome bwaji, gum'buzimizya , ila yoga gum'buzimizya hamush'gwami gum'shosha. ²⁵ Na yimuteshela ayi yo mundu gumkuza alunga mugaza oso, na gumwiyonaga, wijyimizya jehemuninu? ²⁶ Iuboya, kilyoga gumwena buvu na miolo yami, mwana gwa mundu gumwimona buvu, hanha hemuvyaga na butumbi bwaji, na bobwa buva shagi na malaika galum'lui. ²⁷ ni ubasat'lwela wqalujila , bamuhangati ya baba bali hanu nde bamufeu, nde bakimona ibalu ya Vili. ²⁸ Habwihi matufu muganda na hanha hagwa wisamba yi moolo, Yesu bigusamuna Petelo,Yuhani na Yakobu na ubanda nebu ulugulu wa witugwila. ²⁹ Hagwam'hazya , mbuluu yaji ya galua , na ilamba yaji mwiv'yaga mwikwez'gana itagene. ³⁰ Hamona bandu babili bamwiyulila hamonga naji , yaali Musa na Eiya, ³¹ Bigubafumina mubutumbi , bibawisamba juu ya wigoya waji, gumwenda bye mwakumbazya û Yelusalemu. ³² Petelo na binagi bajamulotoa;Ila Haubua wabu,bamona butumbi bwa Ywesu na bandu babili haminga naji. ³³ Hanha bandu bamwileena na Yesu , Petelo bigumusat'lwela , Mwalimu, bya buose tukai hanu, tubozye bihili bisatu, imu y'obe inji honga ya Eliya ndejili indu yemwisamba. ³⁴ Byebya bigwa mwisamba , chiungu bikimu bwila;na mitwana bibahuzyenena moyo ubamona usheela mu matima . ³⁵ Na mufuma yihio mwitimba liboya :Yugu mwanami, gusogolobu, muzyenene. ³⁶ Hahuzyenena lee jihi, Yesu gusagala bunga mitwana bal'boo wehe, na nde ba umusahwila mundu, muchea ihindi, indu nagukiimu u byebya bibamona. ³⁷ Buenda bwaji, haguta utaa ulugulu ibumbu chiata bikilila uluebu lwa Yesu. ³⁸ Na umona hangtai ya ibumbu mundu gu wikanya biata , Mwalimu, nikuhuzya hamulole mu benami , iuboya imwanami gujimu boobo. ³⁹ Chiuli bichi umukwata , na honga na honga , jehe wab'gela biata ; na chiuli bihi mutasa hasi na ful'fuli umufuma u mihembe,ba u mushu, ndeyimum'lea bwiili hanyuma ya umutukanya . ⁴⁰ Na hazya mitwana yobe bababingi, na nde baukosha. ⁴¹ Bandu bash'naluitabu na bazimini , bigulunga Yesu; Nim'kaa nenu na wesam'zyena nenu vuu hani? Mbehe mwanaobe kunu. ⁴² Byebya bigwa goboa muuli bigumusa mu mavu, na umusagazya biata. Ila Yesu bigubinga muuli ushosha mwana, na umugalusha uli shagi. ⁴³ Na booso bibati na buata bwa Vili, kil'jimu gwa witaba byebya bimwitaha Yesu bigusat'lwela mitwana yaji. ⁴⁴ Wenu banu, muhuzyenene bya buose bibindu; Mwaqna gwa mundu guumbene uhanubu û magaz ga bandu, ⁴⁵ ila mitwana ndeya muhuzya go moolo, gwali gufamishi ubal'bohô, na nde bayuanga fund'luilu liayu; bqautina nde bayzya indu ugolgolo moolo. ⁴⁶ Honga , mbati yimu biyibafiila mu chiuli na bayuio nani hangati yabu îgwamu. ⁴⁷ Yesu hagumona ining'mutima yabu, biguubula mwana gwa mulenje umutula habwihi naji, ⁴⁸ Na ubasahwila , kil'yoga gum'tambuli mwinzina liami yu mwna gwa mulenje gu undambula mimi jemuninu, na kila yoga gumundambula , gutambula yoga gwa unduma . Iuboya , nani igwa mulenje hangati yenu, iyogwa guli gwa muyui. ⁴⁹ Yuhani biguwata moolo, na wisamba , m'binya miuli mu zina liobe, na twaumukusha , ndetulamete. ⁵⁰ Nde mum'kusha bigulunga Yesu , iuboya yoga gush'nenu lugoze guli mutamba gwenu. ⁵¹ Lo lugumu, halubaga na ukatushubu mu alunga mugaza lugoboa, Yesu biguzya nyini ya wenda û Yelusalemu. ⁵² Bigutuma uluebu lwaji banjeze , baweitula mwisanda na usheela mu jaati ijimu ya Samaliya , bam'longela handu hukailila. ⁵³ Ila nde bamutambula byebya bigwa m,wiyenda û Yelusalemu. ⁵⁴ Mitwana yaji Yakobu na Yuhani habamona byebya , bibaboya:Mwanana, guleg'lejye tuhajyoi mulilu gwa fumi higulu na ubazinjya? ⁵⁵ Yesu bigugal'lua û bali, na ubal'genya biguboya: :Li chiuli ayi imubatuma. ⁵⁶ Iuboya mwana gwa mundu gu Vili , hashi wa uziminjza matima ga bandu, ila ubashosha.Na bibawenda mu yinji jaati. ⁵⁷ Lolwa lubali mwisanda , mundu jimu bigumusot'lwela :Mwanana nim'kuilamata oso omwenda . ⁵⁸ Yesu bigumulunga: Muenje gu na mbui, na tones twa witimba tu na busa ;ila mwnana gwa mundu nde na handu , hem'tulila mushu gwaji. ⁵⁹ Bigusahila jingi, ndamati ; na biguumulunga mwanana kundeele niende bebele, nazii shami. ⁶⁰ Ila Yesu biguumusot'lwela , lêa bafu bayigiene na bebe, yenda gwa sot'lwele ibalu ya Vili. ⁶¹ Jingi biguboya , nimkulamata , mwanana ila ndeela bebele nilagene na ba u yende yami. ⁶² Yesu biguulunga : Kil'yoga gumtahâ magaza û luasu , na je lola manyuma nde kumbene mu ibalu ya Vili.