¹ Yesu gwa hazya tufu limu ha inee imu haguvuya, jimu û mitwana yaji; Bigumusot'lwela : Mwanana, twigishi uhaza , byebya Yuhani gwawigisha mitwana yagi. ² Bigubalunga : Hamum'hazya, muboye: Shetu! Zina lyobe litaishubu ;mwanana gobe bwatui. ³ Tuhi lelu mukati gwetu gwa kil'tufu; ⁴ Tumwene bin'sonya û bubiha bwetu, pana bebya bitumwene bin'sonya bya ba bautubifila na bunemee; ⁵ Bigubasahwila honga : Hutu jimu hangati yenu guna minaji, na gwa mukebe hangati ya butufu gwa musot'lwele: Minami, mbehe mbagu ya bitumbula bisatiu. ⁶ Tuboya minami jimu gufuma û lujendu guli wami, na si na indu ya umuha, ⁷ Na hutu , mu yende yaji , yoga minaji guumuhm'lunga: Nde mwena , ibi itele ala yezili , bana bami na mimi tutele mutuilu sim'bua kukuha mikati,- ⁸ Ninusahwila , gwa je bua juu ya umwenenubu na gwa u mushu yooso chea ye nau muma. ⁹ Na mimi, nibasahwila : Muhazyi, na bam;baha mukebe, na mumsangana, muzyibili, na bambezyelwila. ¹⁰ Iuboya yoga gum'hazya gum'muhubu, yoga gum'keba gum'sangana , na bam'mwezyulula ili yoga gum'zyibila. ¹¹ Nani hangati yenu tuitu gumuha mwana bwehe, hutu guum'hazya itumbula? Nguni, hutu guhayz samaki; Bemuhazya nyoa mu samaki? ¹² Nguni hutu guhazya yihi bemuha isumanya? ¹³ Hutu byonga , nasi gwaka na bwazi , gwiji uhana bindu bya buose ubo na bobe, lujila lunga Shobe gwa higulu gum'hana chiuli ilumbu;luio ya lujila wa baba bam'kuhazya. ¹⁴ Yesu gubinga muuli gwa amama hanhan muuli guzyaoa , amama kawisamba , na ibumbu bikiwitaba . ¹⁵ Ila bamu bawisamba : M'belzebuli ,mwanana gwa miuli , gwa bingi miuli . ¹⁶ Na banji baumuhazya iziy'tisha ivili witimba. ¹⁷ Byebya Yesu gwa yuanga ala bining'tima , bigu basahwila: Ibalu yooso igabubu jemu ninu, kisagala buhulu, na yende imuhulua imu wa imu. ¹⁸ Hutu, muuli gugabubu gomuninu bini ibalu yeyiim'loga , honga mum'boya gum'binga miuli ukilila Belzebuli? ¹⁹ Na hutu mimi , nibinga miuliukila Belzebuli , bana benu, nani gum'babinga? I byebyu, bam'kaa babaninu. ²⁰ Iuboya , hutu ni munu gwa Vili nyambi gwa binganagu miuli, ibalu ya Vili kiuva u muli banu. ²¹ Hanha mundu jimu gwa mulumi guna buswata na gu na bibonje gulama yende chea yenayu ina muoolo buhululu. ²² Tuboyi, hutu jingi gunabuswata na helge gufia , na gumukatusha bibonje bioso byem'kujila na gubigala û binaji. ²³ Yoga gush'nami gumbihili, na yoga gush'muku'gan nami gushm'hal'gena. ²⁴ Hanha muuli gwaufuma wa yo mundu, gwa wenda handu hakasi ,mwikeba haulum'muina hish'mwenda, biguboya nim'galusha u yende yami koa wafumizi. ²⁵ Na tufiizi, guisangene itekombe oso na upamba. ²⁶ Honga biguwenda , na bigubuguila honga tungili musambu tu na bwazi na hel'gehe, bibasheela mu yende bibakaa hasi na hali yoga gwa uluebu. ²⁷ Honga Yesu gwa wisamba binu, gwa muazi jimu gubazya jihi hangati ya ibumbu, biguboya :Heli mugonga gwa kushala !Honga mabele ga gwamisha . ²⁸ Na bigulunga , heli bâba bam'hazya moolo gwa Vili, na ugubia! ²⁹ Byebya banda bamwibunga mwibumbu, biba'banda wisamba: Lunu lwichii ni lwichii lu na bwazi bwamehe. ³⁰ Iuboya , nagu Yona gwali izing'tisha ya Baninawe , na gu mwana gwa mundu gum'kaa gujimu mu chea ibumbu. ³¹ Mwana gwa muazi gwa mwana gwa Yuba mahaâa tala guwimana, wa tufu lya ukala ng'handa , hamonga na bandu ba chea ibumbu na ubakal'genya, hanha hawabongela mavu, mulamina lwani lwa Solomono na hamona , hahanu halibakilili Solomono. ³² Bandu ba Ninawe bavut'mua , u lutufu lwa ukala ng'handa na chea ibumbu na im'kal'genyubu byebya biebabibatubu mu maluzi ga Yona ; Na hamona, hanhanu halibakili Yona. ³³ Nde uli mundu gum'sia yenje ya mulilu na ikitula handu hafamiau musi ya itanda , iuboya , im'tulubu higulu ya mesa na mundu gooso bibaumona muchee. ³⁴ yisu liobe ni yenje ya mulilu ya mubili gobe. Hut'koa yisu liobe ndilegela mubioli gobe guli mu muchee, iuboya hut'koa yisu liobe ndelil'bya buose, mubili gobe guli mu mufitu. ³⁵ Teg'mbeti go muchee gonagu ndegu koa mufitu. ³⁶ Hutu byonga mubili gobe gooso gutel'mu muchee, ndu kaa na iba imu mu mufitu, im'kaa yooso mu mucheebyebya yenji ya mulilu yam'sania muchee gwaji. ³⁷ Hanha hamwisamba Yesu , Mufalisayu jimu bigu umuhuzya gwa yaliahi waji gusheela na ubamba uliaha. ³⁸ Mufalisayu bigukwanya umona, gubamba uliaha gush'gwaoga minu mbel'ya uliaha. ³⁹ Iuboya mwanana guumulunga: Banu Bafalisayu mu'mtumba haza ya lubaya na sahani na munda mulibuchafu bâha na bwazi. ⁴⁰ Ihala , njonga gum'tela haza ndatelanga honga munda? ⁴¹ Muhani honga mulambu chea il'munda na hamona bindu booso bim'kaa bitumbi unuli banu. ⁴² Iuboya , lwaya lwenu, Bafalisayu mum'hana gwa ihindi ya umi ya buluba, na lusuu looso, na num'halgezya usesa ng'handa na ivulu ya Vili nyambi: I hanha, chea ibagene utaha, bila ivul'mizya inji indu. ⁴³ Lwaya lwenu, Bafalisayu nas'byebya bimuleg'lezye ibal'bali ya uluebu mu yende ya Vili na usemana handu ha bandu booso. ⁴⁴ Lwaya lwenu! Byebya mukumbene paha na migumu yifali mu bwehee yish'mumonea na ulegulu yau , bam'sumwina gush'gwa uyua. ⁴⁵ Jimu hangati ya maoze gwa msii baguwata moolo, na uwisamba:Mwalimu ya wisambila biibi,mbatu honga bamtusha bulomo. ⁴⁶ Na Yesu bigulunga :Lwaya lwenu banu nabu, moose mwa msii ! Byebya bim'shalisha mundu izinga yumini yem'samuna na ndem'lengezya nagu hasi na munu nagu gugumu. ⁴⁷ Lwaya lwenu!Banu bam'yenga migumbu ya ng'hanga biloto, na hali bashenu bawihagubu. ⁴⁸ Mum'taha bushuula û bindu bya bashenu, na mum'balag'lisya , ibinu bohoô, bawihagubu bali ng'hanga biloto, na banu mum'yenga migumbu yabu. ⁴⁹ Ihanu mbati ya Vili nyambi yiuboya nim'batumina ng'hanga biloto na ngeze, bamwihaga bamu na usuvya banji. ⁵⁰ Iuboya nag'ha , ya hazyubu ululu lwichia muloho gwa bang'hanga biloto wa lumia. ⁵¹ Tangu muloho gwa Abeli vuu muloho gwa Zakaliya , guhegubu hangati ya mazabahu na yende ya Vili; Niwitaba nibasat'lwela yim'hazyubu û lûlu lwechii. ⁵² Lwaya lwenu, bayui ba msii!Byebya bimukatwishi lufungulu lwa buyui nde mushelizi ban'baninu, na mukushili usheela bâaba baleg'lezya. ⁵³ Honga hefumizi kolkoo, Tulani na ba Bafalisayu biba bamba ufin'nia bibiha, na umosambisha bindu bishali. ⁵⁴ Mwimutegela tusinji, bam'hanushi na isimu im'fuma mu anu mwaji.