¹ Hanyuma ya yeya, Yesu gwa usumua mu Galilaya , nda ulegelejya wilya mu Yudea , bebya Bayahudi baugaba umwihaga. ² Na tufu lya musangu gwa Bayahudi, musangu gwa Bihili , gwali habwihi. ³ Bana naji bibataumusahwila , katua hanu yenda û Buyahudi,mitwana yobe yamone milimu yomulonga. ⁴ Mundu nda muta bindu mu buchituchitu , na jehe gumukeba uyuchia beuta bebyu yilagijyi bemu nindu ku alunga mugaza. ⁵ Umona ban naji nda banaluitabu wele. ⁶ Yesu biguubasahwila :Munonga gwami nda gwa fiizi , gwenu mononga guli matufu goso. ⁷ Alunga mugaza nda amubihila mimi, bebya byamukashalulishila milimu yaji yibiha. ⁸ Mubandi banu ugogwa musangu , wali mimi, shimubandeu munonga gwami nda gwati ukumbana. ⁹ Hanyuma ya ubasahwila bebyu , bitausagala û Galilaya. ¹⁰ Hataubanda bana naji û musangu, bitaubanda jehe muninu, ushi wimonesha , gwali muwimusha. ¹¹ BAyahudi baumukeba mu gô musangu na uboya :Guli unî ? ¹² Wali mu ibumbu minyinya na mba a humushu gwaji bamu uboya: Bwa bandu. ¹³ Nda wali mundu , gwa koola buhululu hamushu gwaji, wilondena na imoyo ya Bayahudi. ¹⁴ Habwihi na hangati ya musangu, Yesu gwaubanda û hekalu.Na gwa wigisha. ¹⁵ Bayahudi bauhanua na uboya : Mbini guuyua bisenji, jehe gushawigishubu? ¹⁶ Yesu biguubalunga : Bwigisha lwami nda lwami, ndwa yogwa gwa unduma. ¹⁷ Hutu mundu je ulegelejya uta uvula waji, guyauyua hutu wigisha wami ngwa Vili Nyambi, byonga nimwiyaela bukasheke bwami. ¹⁸ Yogwa kumukoola bukasheke bwaji gumukeba wiluvya waji, yogwa gumukeba buluvi bwa gwa mwauta, yogwa ngwa lujila. ¹⁹ Musa nda umuha misii? Na gu jimu nda mulama musii. Njiayi numukeba unyihaga? ²⁰ Ibumbu bichiulunga : Guna muuli. NI nani gumukeba ukwihaga? ²¹ Yesu biguta ubalunga : Nitele mulimu, na banu boso uhanua. ²² Musa gwa unuha yazi, nda ya ufuma uli Musa, yaufuma uli batutu na numushea mundu tufu lya Sabatu. ²³ Hutu mundu je utambula yazi tufu lya Sabatu kuuboya musii gwa Musa nda gonea , njiayi munami izi bibi niufula munda ndê na buome tufu lya Sabatu? ²⁴ Nda mukala ubimonea , mukali wilondena na sambu. ²⁵ Bamu bandu ba Yelusalemu bauboya: Nda yogwa gubamukeba wihaga? ²⁶ Mumone gumwiyoelanga lul'bugali , na nda bamumusahwila indu.Lujila jilila Bayui ni bayui nan'ghaha ni Klistu? ²⁷ Yugu twijili guli uni, Klistu haguya uvwa, mundu nda yauyua guli uni. ²⁸ Yesu gwa mwigisha mû hekalu , uboya ywihi: Mwinyili , na mwinyili uni wali.Shivilili:Yogwa gwa unduma ngwalujila ,na ndanumwijili. ²⁹ Mimi nimwijili , bebya byafumizi wele ,jehe igwa unduma. ³⁰ Baukeba umukwata , mundu nda ugolola uboo umukwata , bebya munonga gwaji gutagushi gufii. ³¹ Bashwali mu ibumbu baumwitaba na uboya : Klistu hemwa uvwa , gu yauta biezegele bishi bibi biuta yugu? ³² Bafalisayu uhujya ibumbu munyiningita hamushu gwaji be bindu.Ibayui ba Makuhani na Bafalisayu utuma bakashimechendu bayamukwati. ³³ Yesu biguuboya : Nili hamonga nenu munonga gusehe , hanyuma nimwenda uli yogwa gwaunduma. ³⁴ Muyaungeba na ndamuya umona, na nda muyaukosha ufia uniaukaa. ³⁵ Wa yeya Bayahudi bawiyoojyenena hangati yabu: Guya wenda uni, utusha umumona ? Guya wenda uli baba bahalegeni Bagiliki na je wigisha Bagiliki? ³⁶ Ni fundulwilu ayi lya moolo gweboyizi : Muya ungeba na nda muya umona na nda muya ukosha ufia uni yakaa. ³⁷ Tufu lwa siilu, tufu liata lya musangu, Yesu gwa wimana shuhu , ubajya ywihi: Hutu guna muma gwa vugayi walihi , na gwatome. ³⁸ Yogwa gumu nyitaba , ngalaba ya mema ga buome yimwa wela munda mwaji, bebya bimuboya bisinji. ³⁹ Gwakoola bebya wilondena na Chiuli ya ukumbana na utambululubu na baba bayaumwita, umona Chiuli itali ishiliu, bebya Yesu guta gushi gushweli mubutumbi. ⁴⁰ Bandu ba ibumbu uhujya yeya mioolo, bauboya :Yugu ni Ng'hanga biloto osooso. ⁴¹ Banji bauboya : Ni Klistu na banji bauboya : Lujila Klistu gumbene ufuma û Galilaya? ⁴² Isinji nda iboyizi , Klistu gumwaufuma mu musuu gwa Daudi , mu ibalu ya Betelehemu ? ⁴³ Wali ugabulua wa ibumbu ha mushu gwaji. ⁴⁴ Bamu hangati yabu baukeba umukwata , mundu na gujimu nda uugolola uboo wele. ⁴⁵ Bakashemichendu baugalusha uli bayui ba Makuhani na Bafaliayu na baba bauboya : Njiayi nda nuvili naji? ⁴⁶ Bakashemichendu bibaulunga: Nda uli mundu gwa koola paha yô mundu. ⁴⁷ Bafalisayu bibaubalunga honga : Banu nabu mu ulendua? ⁴⁸ Uli jimu hangati ya bakasheke byonga Bafalisayu guumwitabata? ⁴⁹ Chii ibumbu ishijili musii, ba na muinu! ⁵⁰ Nikodemu gwa ufia butufu uli Yesu na gwali jimu hangati yabo gwa ubasahwila : ⁵¹ Musii gwetu gutukalila mundu ushi umuhujya bele na uyaa yetele? ⁵² Baumulunga : Bebe naji guli Mugalilaya?Keba na guyaumona û Galilaya nda ufumizi Ng'hanga Biloto. ⁵³ Na mundu goso ugalusha û yende yaji.