¹ Yesu bigutawenda u lugulu lwa Mizweituni. ² Haluela , begutawenda honga muhekalu, na bandu booso bibauvua wele. Boigutaukaa hasi na ubigisha. ³ Tulani na Bafalisayu bibauvwa na muazi gugwatii mumaoze,na umutuula hangati ya bandu, ⁴ Bibakoola na Yesu : Mwigishi, yugu muazi gu ukwatia mutaha maoze. ⁵ Musa gwa ulaga mu misii, utasila mabwehe baazi bahan baba bebe gumuloya bini? ⁶ Bauboya byebya ku ku umebela , bamone sinda lya umushitaka. Yeu bigu ukatama na usingana munu hasi. ⁷ Baumuhujya bebya honga ibiguta ukoola na ubaswahila : yogwa gushi na bubi gwakai gwa uluebu umutasila bwehe. ⁸ Bigutya ukatama honga, begutasinga hasi . ⁹ Habatahujya byebu , ushitakubuna nyini yabu munda,bibauhombotoa jimu na jimu, ubambila gwa muyui bû uli gwimina ; Yesu bigutaushagala bunga na yo mwazi gwalihangati. ¹⁰ Hagutaukotoloa, na umona bo mwazi Yesu biguusahwila: Muazi , bagumiteke bali uni? Ndauli mundu gugukalili? ¹¹ BIgulunga : Ndui a mwanana yoni biguumusahwila:Yenda , nda ngutaha honga bubi. ¹² Yesu bigukoola nabu, na uboya : Mimi nili muchee gwa alunga mugaza; yogwa gumundonda nda musumua mu mufitu, gumwaukaa na muchee gwa buome. ¹³ Wilondena na yeya , Bafalisayu bibaumusawhila ; Bushuula bobe nda bwalugila. ¹⁴ Yesu biguubalunga : Nani mi witela bushuula , bushuula bwami mbwalugila , nijili wafumizi na nijili wa mwenda, banu ndamwijili wafumizi na wamwenda. Banu numukala wilondena na mubili , mimi shimukalila mundu . ¹⁶ Hutu mi ukala, ukala wami ngwalugila , umonashili mbunga, Shami gwaunduma guli hsamonga nami. ¹⁷ Njisingi mu misii yenu; Bushuula bwa babili mbwalugila. ¹⁸ Niwete;la bushuula , shami gwaunduma gumundela bushuula. ¹⁹ Biba umusahwila honga: Shobe guli uni? Yesu bigulunga : Mimi nda nuguli, shami nda numwijili.Hutu mwahiunyua, mwahiyua shaminaji. ²⁰ Yesu gwa usahula yi miolo, wigisha mu hekalu, luba lwa musheta gwa mulambu; Nda wai mundi gwa umukwata , bebya munee gwaji ndagwali gufia. ²¹ Yesu bigu ubaswhila honga: Ni wenda bwami , nuyaungeeba, na numufwa mububi bwenu; ndamukumbeni ufia koa wa wenda. ²² Halwegulu ya yeya Bayahudi bibauboya: Gumwiyihaga, bebya byamuboya: Nda kumbeni ufia koa wa wenda? ²³ Biguubaswhila :Muli bahasi, mimi nili gwa higulu. Muli ba alunga mugaza ; Mimi shili gwa alunga mugaza. ²⁴ Iwa bebya nya uboya numufwa mububi bwenu; Hutu nda mwitebe bebya byali, numufwa mu bubi bwenu. ²⁵ Bebe guli nani? Bibaubasawhila . Yesu biguubalunga : Yeya yinyaunusawhila u musongo. ²⁶ Nina bindu bishwali bya lugila , yeya yinyauhujya wele , niuyisahala mu alunga mugaza . ²⁷ Ndabahujya na gumukoola nabu byeleeleTata. ²⁸ Yesu bigukoola nabu: Hanu mwaitundula mwana gwa mundu, ibanumwauanjili nani, na shimwitela indu mimi munindu, bya mukoola ngwilondena na bebya shami gwanyigisha . ²⁹ Yogwa unduma guli hamonga nami; ndazigizi bunga , umona nimuta byelegelejye matufu gooso. ³⁰ Yesu hagwakoola bebyu bashwali bitaumwita. ³¹ Bigutakoola na Bayaudi baumwitaba : Banu ukaa mu muolo gwami , mumukaa mitwana yami lugila ; ³² Numuyua lujila , na lujila lumwaumihiula. ³³ Biba umulunga : Batu tuli bana ba Ibulahimu , na nda twachiukaaa bahia ba mundu; mbini guuboya: Muyaukaa bahiuli? ³⁴ Lujila , lujila niunusawhila , Yesu biguubalunga , yio gooso gu mwitula u bubi, ni muhia gwa bubi. ³⁵ Muhia ndali zigalalu mu yende matufiu gooso , mwana guli zigalalu matufu gooso mu yende . ³⁶ Hutu mwana gu muhiula numukaa bahiulubu walujila . ³⁷ Nijilio muli bana ba Ibulahimu, numwikeba unyihaga, byebya muolo gwami nda guli munda mwenu. ³⁸ Nimukoola binyaumona wa Shami , na banu, numuta binwauhujya uli shenu. ³⁹ Bibaumulunga : Shetu ni Ibulahiomu Yesu bigu ubasawhila : Hutu mwahi ukaa bana bs Ibulahimu mwahiuta milimu ya Ibulahimu. ⁴⁰ Hanu muukeba b unyoihaga, mimi guunusawhila lujila binyauhujya wa Vili. Bebya Ibulahimu nda ubita nagu hase. ⁴¹ Nimuta mulimu ya shenu> Bibauboya : Nda tuli bana batandizubu mu maoze; Tuna shetu gujimu, Vili. ⁴² Yesu bigu baswhila : Hutu Vili ni shenu, mwahiundegelejya, umona nifumizi wa Vili na wamuvwa; Shilileu, jene igundumizi. ⁴³ Njiayi ndanumuhujya mwa m,ukoola ? Bebyu ndanumukusha uhujya muolo gwami. ⁴⁴ Muli bana bakiyungiyungi i shenu, na ulegelejye uta bulundu bwa shenu. Jehe ni mazi ubanjila koa uosngosongo , nda gwimani mu lujila , nda na lujila munda mwaji. Hemukoola malimi, gumukoola byaji jemu nindu gwa malimi na shaji na malimi. ⁴⁵ Na mimi byebya nimukoolalujila, ndanu mujitaba. ⁴⁶ Ninani hangati yenu guyaulagijya bubi bwami? Hutu nikoola lujila njiayi nda nwitaba? ⁴⁷ Yogwa guli gwa Vili gumuhujya miolo ya Vili;Nda numuhujya , bebya nda muli ba Vili. ⁴⁸ Bayahudi bibaumulunga : Nda tu na sambu ya uboya guli Musamaliya na gu na muuli? ⁴⁹ Yesu biguulunga honga : Shina muuli na guhase; Nimunemea shami; na banu nuunzanda. ⁵⁰ Shimukeba butumbi bwami, uli jimu gumubukeba na ukala. ⁵¹ Walujila , walujila , niunusawhila , hutu mundu je ulama muolo gwami, nda mwaumola ufa wa lumu. ⁵² Hanu Bayahudi bibaumusawhila , tu uyua na guna muuli. Ibulahimu bufili, bang'hanga biloto nabu bafili,nagu uboya: Hutu mundu gumulama muholo gwami, nda mufa. ⁵³ Bebe guli gwa muyui nahali shetu Ibulahimu, gwa ufa? Bangang'ha biloto nabu ufa.Gumwimona ukaa bunani ? ⁵⁴ Yesu biguulunga : Hutu niwiluvya , wiluvya wami nda uli indu.Shami igumunduvya , yogwa gunumuboya ni Vili gwenu, Na ndanuijili na ufa ndaana nenu, ukaa mundu gwa malimi. Nimwijili na nimulama muolo gwaji. ⁵⁶ Shenu Ibulahimu gwa usehelejya na musangu gwa je umona tufu lyami: gwa ulimona , na weiyula na musangu. ⁵⁷ Bayahudi bibaumusawhila : Ndwa tikumbaja myaa maumi gatanu, na gwa umona Ibulahimu! ⁵⁸ Yesu guubasahwila : Walujila , walujila , ninusahwila , Ibulaimu ndationga, mimi nili onga. ⁵⁹ Halwqegulu ya yeya, bautondola mabwehe bamwese, Yesu begutaufwama na ukatua mu hekalu.