¹ Hamanyuma ga yeya , Yesu biguwenda ye ngongo ya Iziba ya Galilaya, ga Tibeliya. ² Ibumbu kiate bikyamulonda, byebya biba umona biezaegele bigwauta uli bana lufu. ³ Yesu bigukyabanda ulugulu, na koa babigua hasi na banjezi badji ⁴ Pasaka nayo, ikya habwihi, musangu gwa Bayahudi. ⁵ Hagukya tundula mesu , umona ibumbu kiata uvugaya wele, Yesu bigusahila Filipo: Tuya gula mikate uni, baa bandu balyahi? ⁶ Gwa koolo byebya kuumuheha,gwajia biguya uta. ⁷ Filipo bigumulunga: Batu ugula mikati ya falanga miaha yibili ndayi yakumbana mundu djimu na djimu ukumbana asehe. ⁸ Djimu gwa banjezi badji, Andeleya , tutu gwadji na Petelo, bigumuswahila : ⁹ Hali mwanana djimu gwa mulumu guna mikate yiyano na samaki yibili; Yiya uta ayi ukiik ibumbu ya bandu? ¹⁰ Yesu biguboya : Mukaisi hasi booso. Wali mabizi gaswali. Bikaa hasi , budji bwabo bali babalumi elufu yitano. ¹¹ Yesu bisamuna mikate , bigufekusha , bigu yigabila baba bali hasi; Bigubahana samaki, bye bila legelejya mulya wabo. ¹² Habataha kuuta, bigubasahila ba njeze bage: Bisagele, nagu imu na izimana. ¹³ Bibabitondola byoso, na wiyijya bibugu umi na bibili bya mikate ya sagala uli yeya mikate yitano, unyuma ya bandu booso ulya. ¹⁴ Ba bandu, habamona tche tchiezegele yotaha Yesu , bibaboya : Yugu lujyila ni ng'hanga biloto guumbeni uvugaya mu alunga mugaza. ¹⁵ Yesu bigukaa yua bili munda mwabu bamukeba bamukwati gwakai Kasheke gwabo, biguwigalusha honga ulugulu, jebunga. ¹⁶ Hatauvugaya yogo'o, banjeze bagi bibautua umuoje gwa Ziba liata. ¹⁷ Habata banda mubwatu baukaja ziba wenda û Kapelenaumu. Butaala burtufu, Yesu guta gushi gusangaani nabo. ¹⁸ Wali ibumbu yiata, yausagaja ziba. ¹⁹ Hanyuma ya uvuga bula bwa binee maumi gabili na bitanu, na umigasatu, bibata umona Yesu mwisumua ulegulu lya iziba na ugobweela bwatu. Na bibataumona moyo. ²⁰ Yesu biguaswahila : Nyami, ndamukaa na moyo ! ²¹ Batekeba umutambula mu bwatu, honga na honga bwatu bibufia û muoji gwa ko'a uba mwenda. ²² Ibumbu ya sagala ye ngongo ya iziba liata baumona nda usagele bwatu nagu bubumu, Yesu nda banda mubwatu hamonga ba banjezi bagi, bawenda bohongo. ²³ Buenda bwaji, gajyi matu bigafia û Tibelia habwihi na habaulila mikate , hanyuma ya mwanana ufekusha; ²⁴ Bandu ba ibumbu, habata umona Yesu na mitwana yagji nda baliu, bibaubanda baba ninu mu bwatu na wenda û Kapelenaumu mumukeba Yesu. ²⁵ Habata umumona ye ngongo ya siba liata, biba umuswahila : Labbi, guvile haayi kunu? ²⁶ Yesu bigubalunga : Walujyila ,walujyila nimuswahila numukijeba ndobye bimwamona biezegele, gwilondena byebya bini waulya mikati na kuuta. ²⁷ Nda mutaha mulimu û tchaulya imonea, mutahi mulimu û chea , imuloga ubuome bwa na lumu, chea imwanuha mwana gwa mundu; Ijehe getulubu izigtija Vili. ²⁸ Bibaboya : Tutahe bini? Kutaha mulimu gwa Vili? ²⁹ Yesu bigulunga : Mulimu gwa Vili, mwitabi yagwa gu gwatuma. ³⁰ Bibalunga , gumutaha muezegele hayi tugumonee, tukwitabi? bigu uta? ³¹ Bashetu alya mana mu buonono, byebya byasingubu: Gwabaha mukati gwa higulu balyahi. ³² Yesu bigubalunga walujyi, walujyila ninuswahila ;Musa nda umuha mukati gwa higulu, sh'ami igumunuha mukati gwa lujyila gwa higulu. ³³ Mukati gwa Vili, ni yogwqa gutuizi ufuma higulu, na û alunga mugaza buome. ³⁴ Biba muswahila : Mwanana , tushi matufu gooso gugu mukati. ³⁵ Yesu bigubalunga :Mimi î mukati gwa buome. Yogwa gumuvugaha wami nda mwamona zala honga, nayi gumwinyitaba ndo yamona mumu gwa mema honga. ³⁶ Nimuswahila nu umona, nda numwitaba nagu hase. ³⁷ Ba boso bambehe sh'ami bamuvugaya wami, shimutasa haza mundu gooso gumuvugaya wami; ³⁸ Nituizi higulu nda kuulonga bya legelejye, ni ulonga bilegelejye yogwa gwa unduma. ³⁹ Ulegelejya wa yogwa unduma sijimoiza nagu gimu gugwa umbeha , nimungiti tufu lya unyuma . ⁴⁰ Ulegelejya wa sh'ami, guboya mundu gooso gwamone mwana na umwitaba gwa kaï na buome bwa na lumu na nimwausangula tufu lya unyuma . ⁴¹ Bayahudi gwagji byebya bigwa boya nili mukati gutuizi higulu. ⁴² Na biboya : Yugu nda Yesu , mwana gwa Yusufu, twigjili sh'agi na najyagi? Ibinu gumuboya nituizi higulu? ⁴³ Yesu bigubalunga nda munyininyita hangati yenu? ⁴⁴ Mundu nda kumbeni uva wami hutu sh'ami gwa unduma nda mugobwele; na nimwa umusangula tufu lya unyuma ⁴⁵ ya usingubu û bang'hanga biloto :Bamwawigishubu booso na Vili. Na yo gooso gumuhujya sh'ami na utumbula wigisha wajyi gumuvugaya wami. ⁴⁶ Nda uli mundu gwa mona tata, yogwa bobo guvili wa Vili ioyogwa gumwene tata. ⁴⁷ Wlujyila , walujyila nimuswahila , yogwa gumunyitaba guna buome bwa na lumu. ⁴⁸ Mili nili mukati gwa buomi. ⁴⁹ Bash'enu baulya mana mu buonono na baufaha. ⁵⁰ Hanu ni mukatiutuizi higulu, wa yogwa gumulyaha nda mufaha honga. ⁵¹ Mimi nili mukati gwa buome gutuizi higulu; Hutu mundu gulya gu mukati, gumukaa na buome bwa na lumu; Na mukati gwa muhana mubili gwami gwa muhana mu buome bwa alunga mugaza . ⁵² Halwegulu ya yeya, Bayahudi alegule ya yeya , Bayahudi, bawiyujyena hangati yabo: Guyaha tuha bini mubili gwajyio tulyahi? ⁵³ Yesu bigulunga : Walujyila , walujyila nimuswahila , hutu nda mulya mubili gwa mwana gwa mundu na hutu nda nutoma muloho gwajyi, ndamona buome munda mwenu. ⁵⁴ Yogwa gumulyaq mubili gwami na utoma muloho gwami guna buome bwa na lumwina,ni mwamusagula tufu lya unyuma . ⁵⁵ Iuboya mubili gwami na chaulya ya lujyila na muloho gwami ni indu ya lujyila ya utoma. ⁵⁶ Yoho gumulya mubili gwami na utoma muloho gwami guli munda mwani, na mimi munda mwagji. ⁵⁷ Bebya sh'ami gwa unduma guna buona na nina buome wele, na yogwa gumulya mubili gwami gumukaa na buome wali mimi. ⁵⁸ Ihanu mukati gutuizi higulu ndagulipaha na yeya mana ya ulya bash'enu na ufaha: Yogu mulya gu mukati gumukaa na buome bwa na lumu. ⁵⁹ Yesu gwakoola bindu mu sinagoge mwigusha û Kapelenaumu. ⁶⁰ Bamu bashwali mu bamitwana bagji, hanyuma ya umuhujya bibaboya : Gu moolo ngumini; Ni nani guumbene û guhujya? ⁶¹ Yesu bigutaha yua gjemuninu na bibi yimuninginita halegule ya yeya , bigubalunga: yeya yinulendwisha? ⁶² Na hutu mumona mwana gwa mundu ubanda koa û gwali uluebu?... ⁶³ Ni chiuli imuhana buome; Mubili nda guli indu. Mioolo ya muswahila ni chiuli na buome. ⁶⁴ Hangati yenu hali bandu bashimwitabanagu hase.Yesu gwajia û luebu mbanani bashi mwitaba nagu hase, na ninani yogwa gumwamuhana. ⁶⁵ Bigukoola honga: I bebya nya niuswahila , mundu ndaumbeni uva wami, hutu byebya nda helubu na sh'ami. ⁶⁶ Ubambila holo hau, baswali bamitwana yagji bawigalusha manyuma nda bawernda honga hamonga nagji. ⁶⁷ Yesu bigulunga baba umi na babili: Na banu na muna mumaa gwa wenda? ⁶⁸ Simoni Petelo bigulunga: Mwanana twende wa nani? Beba gu na mioolo ya buome bwa nalumwina. ⁶⁹ Na twitaba na tuyua bebe î Klistu mulungului gwa Vili. ⁷⁰ Yesu bigulunga: Nda nyami gumisobwele umi na babili? Na gjimu gweni ni kiyunguyungu! ⁷¹ Gwa koola ha mushu gwa Yuda Eskaliote mwana gwa Simoni; Gjehe gwa kumbana umuhana , gjimu hangati ya baba umi na babili.