¹ Nili muzabibu gwa lujila , na Shami i mulivi. ² Chili tabi lili munda mwami lishimta buluba, gumlikala; Na tabi lyoso lintaha buluba, gumlisegwila , kuuboya lyataha buluba bushali. ³ Banu mutel'ala batoa hamubili gwa ng'handa yi namiswahila . ⁴ mukai mumda mwami, na nimukaa munda mwenu. Byebya paha na tabi lishimufumisha buluba lyohongo , hutu nde lilamete u muti gwa muzabibu, bibyebya na gu banu nde mukumbene , hutu nde muli munda mwami. ⁵ Nili muzbibu, muli matabi .Yogwa bguli munda mwami na mimi munda mwaji gumtaha buluba bushwali, i uboya naha hashi mimi nde mukumbene utaha indu na gu chiinu. ⁶ Hutu mundu ndali munda mwami , gusumbulubu haza , paha na tabi, na gumkasa; Manyuma na matabi gamtondolubu, gamsumbulubu mu mulilu, na go'ziga. ⁷ Hutu mukae munda mwami, na hutu ng'handa yami yili munda mwenu , muhajyi indu yooso imuleglejye, na imnuhubu. ⁸ Hutu mutaha buluba bushwali , Shami i hemlumb'gulubu, na i hamukaa mitwana yami. ⁹ paha na byebya byaundeglejya Shami, na mimi niaumileglejya bibyebya.Mukai mu ivulu yami. ¹⁰ Hutu mukwata misii yami, mumwakaa mu ivulu yami, paha na byebya binakwata misii ya Shami, na nili mu ivulu yaji. ¹¹ Niamiswahila biibi bindu, kuuboya naha musangu gwami gwakai munda mwenu, na musangu gwenu gwakai gwa kaisis-kasisi. ¹² Misii yami yi'hanha: Mwilegshene banu baninu wa bandu baninu, paha na binamileglejya. ¹³ Nde uli ivulu chiata chea ya mundu uhana buome bwagi hamubili gwa binaji. ¹⁴ Muli binami , hutu mutaha chee inamiboya utaha. ¹⁵ Shim'mwit'gana honga bahia, wilondena muhia nde jili chea Shaji-Bulumi yemwitaha; Lakini niumt'gana bibwanyi-nami, wilondena nia umiuisha byooso binawiga uli Shami. ¹⁶ Nde banu baunzobola ; Lakini nyami, gwa umisobola , na biniumitaha , naha mwende , na mutahi buluba, na buluba bwenu bwakangamene, ha mubili gwa naha che'yooso imuhajya uli shami mwi zina lyami , gwamiheu. ¹⁷ Chea inimilaga utaha , ngwilengeshena banu baninu. ¹⁸ Hutu alunga-mugaza ka'mibihila , mwiyui naha aumbihila mbele yenu. ¹⁹ Hutu koa mwali ba alunga-mugaza, alunga-mugaza ahikouleglejya chea ili ku ali; Umona naha nde muli ba alunga-mugaza, na kuu nimisobwele mu ngati ngati ya alunga- mugaza, i cheu imibih'lili alunga-mugaza . ²⁰ Muningi moolo gu namiswahila :Muhia ndeli higulu ya Shaji-bulumi .Hutu baunzuvia , bamwanusuvya bibyebya; Hutu bakuata moolo gwami, bamwakwata gwenu nagu. ²¹ Ila bamwautaha , bibindu byooso ha mubili gwa zina lyami, wilondena naha ndejibili yogwa gwaunduma. ²² Hutu shauvuyaga na shabaswahila , nde bah'bokaa na bubiheu, kuu hanu nde bachi na yawitondila ha bubiha bwabu. ²³ Yogwa gumbihili, gubihili bibyebya Shami. ²⁴ Hutu shamitaha bindu na bizinga hangati yabu bishautubu na mundu ni ni gujimu , nde bah'ukaa na bubeu; Hande hanu ba'ubimwona ,kuu ba'bihili na gu'mimi na gu' Shami. ²⁵ Byé byooso bifiila ku'boya naha gwatekee moolo gwa halubu munda mwa musii : Baumbila wa inim'nini. ²⁶ Hamwauvugaya mulezi, gwamwa wamnusha ufuma uli Shami, Chiuli ya lujila , imfuma uli Shami, gumuv'taha bushuula hamubili gwami, ²⁷ na banu nabu, mumwavisha mimi ubambila hibelengo.