¹ Nimiswahila bibindu ku'boyela naha bishamisha leu lya uhuhuila. ² Bamwanubinga mu masunagogi;Na gu ni saha yifia yimkaa mundu gooso guimwamwihajya jemninga nang'ha guumutendela Vili. ³ na biba mwataha byebyu, wilondena nang'ha nde bawiyua Shami na gu mimi ndebanijileu. ⁴ Nimiswah'luili bibindu, ku'boyela bibimu, hafia yeya saha, ban'uninga nang'ha i byebya bi na miswahila. Shibambizi umiswahilebyeu, byebya binia nenu hamonga. ⁵ Hanu shamwenda koa Vili yogagwa unduma , ndauli mundu hangati yenu gumuhujya : U ndo mwenda nguni? ⁶ Lakini hamubili gwa bibindu biniumiswahila, maniizi gawiyula mwitima lyenu. ⁷ kuu nimiswahila lujila : Nja faila yenu hutu mi'shijili, mulezi nde muviyaga u muleu; Lakini, hutu nikai gwa wenda, hamwanutumineje. ⁸ Na hemwauv'yaga,gumuv'hujyisha alunga mugaza u mutamba gwa bubiha, bululi na alu: ⁹ U mutamba gwa bubiha , wilondena na byebya bibash'mwinyitaba; ¹⁰ Bululi, wilondena na byebya binimwenda uli Shami, na nde mumumwona honga . ¹¹ Alu , wilondena na byebya Kasheke gwa buna buin'andu gukalilubu. ¹² Nichili na bindu bishwali bya umiswahila , ila ndemum'bishwala byooso hanueu. ¹³ hamwauv'gaya mulezi , chiuli ya lujila , gumwamulila mu lujingila : Iuboya nde mwawitisha jeh'munineu, lakini gumwawisamba chea gooso yem'hujyenena , na gumwanuswahila bindu bichimwiviyaga u luebu. ¹⁴ Gumwaundisha , wilondena gumwasamuna chea ili munda mwami, na gumwasahileu. ¹⁵ Chea yooso ina Shami njami;i cheu yayisambili nang'ha gumwasamuna mungati ya byebya bili munda mwami, na je'miosahileu. ¹⁶ Hasagala hasehe na nde munumwana honga ; Na kuu honga hasehe na banumwona, wilondena niwenda wa Shami. ¹⁷ higulu ya ye yeyu bamu mungati ya mitwana yaji bibaboya :Chii igutusahila im'boya binu:Honga ahindi asehe, nde mumumwona hunji, na kuu honga ahindi hasehe, na banumwona? Na: Wilondena niwenda wa Shami? ¹⁸ Bamuboya lilii: Yiyi yemwisamba yim'boya bini.Honga ahindi asehe? Nde twijili nang'ha gumwisambila ayi. ¹⁹ Yesu biguyua nang'ha batemkeba umwihujya , bagubaswahila: Mumwichiyuhujyena hamubili gwa chea yafuisamba: Honga ahindi asehe na nde muchimumwona lunji; na kuu honga ahindi asehe na mumwaumwona lunji. ²⁰ Walujila , nimiswahila mumwalila na numwahand'gala, na alunga-mugaza amwawisanguila : Mumwakaa mumaniki, ilamanizi genu gomwagal'luanga musaangu. ²¹ Hautanda mwazi ,gutkuuzunga busungu, wilondena na saha ya utanda yifia; Lakini, hutu gutand'mwana yee, nde'ninga honga usuba , hamubili gwa musaangu gwa nang'ha mundu gubutua mwa'lunga-mugaza . ²² Banu nabu lii, mutele mu busungu; lakini numwanumwona lunji, na tima lyenu limwamweng'mwenga, na nde hali mundu gumwa nukut'muna limwenye lyenu. ²³ Mu le'tufu, nde mumwaunyuhujya hamubili gwa indu na gu chiinu.Walujila , walujila , nimiswahila, yooso i mumwahajya uli Shami, gumwanuheu mwi'zina lyami. ²⁴ Vuhu na yinu yim'noa nde muchi hajya indu mwi'zina lyami. Nde muhajya , na mum'kuuza, kuboya nang'ha musaangu gwenu gwakai gwa kokoko. ²⁵ Niamiswahila bibindu mu mafungu. Saha yifia yashimnuswahila honga mu mafungu, lakini hamwanuswahila buhululu sehe hamubili gwa Shami. ²⁶ Mu lolwa lutufu, mumwahajya mwi'zina lyami na shim'nuswahila nang'ha nimwahajuya uli Shami hamubili gweneu; ²⁷ Wilondena na Shami jeh'muninu gumileglejye, hamubili gwa nang'ha banu mwaundeglejya, na i cheu imwawitabila mwa nahanga nifumizi wa Vili. ²⁸ Nifumizi wa Shami , na biniuviyaga mwalunga mugaza; hanu niufuma mwalunga-mugaza ,na niwenda uli Shami. ²⁹ Mitwana biyiumuswahila: Halola , hanu gumwisamba buhululu sehe, na nduchitele mafungu na gu gogomu. ³⁰ Hanu tuyua nang'ha gwijili bindu byooso, na ndumkueba mundu gwakwihujyi; i cheu itumwitabila nang'ha gufumizi wa Vili. ³¹ Yesu biguubalunga: Mumwitaba hanu. ³² Hamulole , saha yimuvwaq, na kuu yivil'ala, hamutem'halgajyubu ndii chili jimu gwaji mutamba na hamutemunziga bunga bwami; Kuu shili bunga , iuboya Shami gu nami. ³³ Niumiswahila bibindu, ku'boyela nang'ha mukai na atalala -ndongo mwami. Mumwakuuza usuba mwalunga mugaza; Ila musivi tima , nituimuna alunga-mugaza.