¹ Mitima gwenu nde gufaha. Mwitabi Vili, munyitabi na mimi. ² Uli njee yishwali mu yende ya Shami. Hutu koa ndeyili byebyu nif'munushila. Niwenda wanuhangila haukalila. ³ Na Hutu kó niwé yee na niuvuya unulojyela handu, nimgalusha honga na nimuv'nusamuna, ku uboyela naha hahan hali na banu mukai bibyebya. ⁴ Mwijioli koa wamuenda na muijili zila . ⁵ Tomasi biguumuswahila : Mwanana , ndetwijili koa womwenda, tum'yua bini sinda? ⁶ Yesu bigulunga : Mimi nili zila , lujila na buome,. Nda uli mundu gum'gaya wa Shami ushi ukilila wali mimi. ⁷ Hutu mwauyua, mufi muyua Shami bibyebya. Na iuboya binu muumyua, na muum'mwona. ⁸ Filipo biguum'boya:Mwanana, tutungujyi Shobe, imehe yibagana. ⁹ Yesu biguumuswahila:Matufu gashwali ganiukaa nenu, bebe nduachiu-nyuanga-bobo, a Filipo !Yogwa guumwona gumwona Shami ; Bini biibi byomwisamba: Kundugijyi shobe? ¹⁰ Ndumwitaba na honga nili mwa Shamio, na Shami guli mwami? Ng'haqnda yam'nuswahila , shimwichisambeyu bung'bwameu na Shami guli munda mwami, ni jehe gumwitaha biezegele. Nyitabi, nili mwa sahmi na Shami guli mwami, yitaba nini hamubili gwa yiyi biezegele. ¹² Walujila , walujila nimiswahila , yoga gumunyitaba gumwataha naji biezegele biamwitaha mimi, na gumwabitaha biata biata wamehe , biibi bishamwenda wa Shami; ¹³ Na yooso imumhajya mwi zina lyami, nim'chitah , kuboyela Shami gwaluvyubu munda mwa mwana. ¹⁴ Hutu muhajya indu yooso mwi zina lyami, nim'chitaha. ¹⁵ Hutu mundeglejye, mukwati misii yami. ¹⁶ na mimi, nimwahajya Shamio, na gumwanuha jiji mulezi, kuboya gwakai nenu kam'onga matufu gooso, ¹⁷ chiuli ya lujila , ishibutambuilubu na alunga-mugaza , wilondena na byebya biashimum'mwona na biashimwijili;Lakini banu mumwijili, wilondena na byebya byele nenu hamonga , na gumwakaa munda mwenu. ¹⁸ Shimnusiga bu bana bisigeu, nimwagalusha honga umuli. ¹⁹ Hasagala ahindi asehe, na alunga -mugaza nde amumwona hongeu; Ila banu, mumumwona , wilondena nili na buome na mumwakomena bibyebya. ²⁰ Mu lie'tufu , mumwabambula naha nili munda mwa Shami, na banu muli munda mwami, nami nili munda mwenu. ²¹ Yogwa guna misii yami na uyikwata , i yogwa gundeglejye; Na yogwa gundeglejye gumwaleglejyubu na Shami, ni mwaumleglejya , na nimwawiyuisha weele. ²² Yuda , gushi Iskaliyoti , biguum'boya mwanana , yimwakaa bini wa bebe wiyuisha utuli, na ushi alunga-mugaza ? ²³ Yesu biguulunga :Hutu mundu guundeglejya , gumwakuata mioolo yami, na Shami gumwaumuleglejya ; Tumwauvua weele, na tumwa kaa jyaati waji. ²⁴ Yogwa gushindeglejye ndem'kwata mioolo yameu na moolo gumm'hujya nde gwameu; Ila ngwa Shami gwa unduma . ²⁵ Nimiswahili biibi bindu hanu bachili nenu hamonga . ²⁶ Mulezi, chiuli ilumbului , Shami gwe mwatuma mwi zina lyami, gumuv'nuigisha bindu byooso, na gumuv' nunoingisha yooso chea inanuswahila. ²⁷ Nimisigila atalala-ndongo, niumiha atalala-ndongo ami.Shimihele paha na byebya alunga-mugaza biamhana boho. Mitima gwenu nde gufaha , nagu ndeguyab'yaba. ²⁸ Mwahujya mi umiswahila : Niwijila , na nimgalusha-honga û muli. Hutu mwaundeglejya , mwa mumweng'mwenga kuisimu ya naha niwenda wa Shami; wilondena naha Shami ngwa muyui na hali mimi. ²⁹ I hanu nimiswahili bibi bindu ula bibi nde bya chifia hamubili gwa naha , habimfia, mwitabi. ³⁰ Shimwisamba nenu honga ; wilondena na bakasheke ngwa alunga-mugaza uguuva nde na ni nindu wali; ³¹ Lakini kuboyela naha alunga-mugaza ayui naha nileglejywe Shami; na nimwitaha wilondena na byebya bya unyamnusha sahami utaha, mwigoye, tukatui hanu.