¹ La kesekese wiloko wato kpàa wa wanganga-Mwengéi la wiloko wato wa wa Yuda waokanali ebete eikima alikambo la omoli Yesu. ² Wamohelali, wamokawia la wamobatia liwoso la Guvelenele Pilato. ³ Engele Yuda, moto ongo o mohali Yesu atie watone aeneli ate wateniga loi wo Yesu la omoli, inde aokali magba la motema, ase akadjia la pukapuka dja wadjinge tuku isato atie wiloko wato wa wanganga Mwengéi la wiloko Watone la wiloko wato. ⁴ Inde awaselia ikelali wobe omokawi moto ongo otila huka te la omoli! ase wamwaselia edjéi loi wosu? eho edjéi loi wo owe ⁵ Yuda akalumbia wadjenge ndondo e monguta mo Mwengéi, ase akia mbuse eho inde akia wanangi moliki la kingo ende mene. ⁶ Wiloko wato wa wanganga Mwengéi waonia wadjenge waho ase wasia: pui djasu itekasi obati wadjenge wahawa la sanduku e monguta mo Mwengéi, alikambo edjéi motio mo makila. ⁷ Ambuse e wokani ebete eikima, walumbali wadjenge waho la elanga e moto mwesi ookeli teni, alikambo la obati elanga eho ebete eowakundi wato wadjake. ⁸ Alikambo laho, wawelali elanga eho elanga e makila tee kekehele. ⁹ Ndjongo sambo dja mwaaseli Yeremia yengesame: watotali puklapuka dja wadjenge tuku isato wadjenge wango waokanali wato wa Isalaele la oputi alikambo lande. ¹⁰ Ase wasombia la djaho elanga e moto ookeli teni, nda eheleli Likumu mbai mwamo. ¹¹ Yesu amalali liwoso la Guvenere amohulia owe odjéi Likumu la wa Yuda? Yesu awongosia, wasiga. ¹² Mbuse wokeke ango wiloko wato wanganga Mwengéi la wiloko wato wamobetelia inde, inde atimowongoselali moto twti. ¹³ Ndjongo Pilato asia la inde okitiaka te, obeteli wuhuwu wokobeteleke iwo? ¹⁴ Ase Yesu atimo wongoselali ema teeti te ndjongo Pilato aahuelia ngbii oleki. ¹⁵ Ndondo e mapati kpàa ma Pasika, Guvelenele akomodeke moto mwesi o woyogo, moto ongo omobalaki wato kpàa. ¹⁶ Ndjongo la engele ehomoto mwesi owoyogo edjakali moto owoyo ongo omobalakali wato kpàa nkombo ende Yesu Baraba. ¹⁷ Ndjongo Pilato awahuelia wato ngbii wango waabolei: obalini imode nda moto la loi lonu? Yesu Baraba te Yesu ongo omoweli iwo Kilisito? ¹⁸ Te la gesele te inde aewali wolamu ate wamokawali Yesu atie ende, alikambo ate wadjali la ekakala. ¹⁹ Ango wabatakali Pilato la ebete e timilali moli onde a motomia moto owasi la inde: otikelake loi te weti atie oholo moto ohuko te alikambo ate keke a likolo yoki wobe ngbii la oloti la loi wonde. ²⁰ Wiloko wa wanganga- Mwengéi la wiloko wato wa watindikia wato la omwongi Pilato Baraba, ase wamoolé Yesu. ²¹ Guvenele awahuelia wato waho obalini imodee ndai ndondo e wahawa wato wale? wamowongoselia: Baraba! ²² Pilato awahuelia: ndjongo obalini ikele nde la Yesu ongo omoweli iwo Kilisito? wato kpàa wawongosia: mwakiani la Kuruse. ²³ Pilato ahuelia ndjongo inde akeli nde? take go Ase wopotali opami la wokulu kpàa wou: Mwakia inde la Kuruse! ²⁴ Ango wenia Pilato ate aengiti ikine okeli loi te weti te, ase ndi etale elekali liwoso, inde atotia malia agbolia mawo liwoso la wato ase asia huko e ohoko moto eti la moto mo mbai te! edjéi loi wonu! ²⁵ Wato kpaa wawongosi: ewongi huko eoholo e logo edje la mito masu, tee mito ma wana wasu. ²⁶ Njongo pilato amodeya Balabasi alikambo la iwo. Inde ahekelia mwano oomobingi Yesu fimbo, awaaselia wa mohele a ekulusu. ²⁷ Wa masaze wa Pilalato wakia la Yesu la munguta mo guvelenele, ase wa masaze kpaa waaboleya kelekele ende. ²⁸ Wa molongosiya isindje wande, wa mokpalesia lobe etanake. ²⁹ Mbuse eho wasonia kataka e keeke, wa mokpalesia a moto monde, wa mohelesiya ekongo la ewo e lilome, wa maiya mawuli liwoso lande, wa mosekali la owasi: Mbaa likumu la wa yuda. ³⁰ Wamosuwelali ikaha, watotali ekongo wa mobingia la moto. ³¹ Ango edeiya iwo omoseki, wa molongosiya lobe etanake, wamokpalesia isindje wande amene, ase wakia la inde omobaki la ekulusu. ³² Ango oumali iwo, wagbotonia la moto mwesi o Kirene, omoweli iwo ate Simoni ase wamwaselia la makasi ate akpale kuluse e Yesu. ³³ Waumia ebete esi eweli iwo ate Gologota enge easi ate ebete e mokua mo moto. ³⁴ Wamohekelia vino ewauesi iwo la malia mabe ate akenge, kasi adetia atoni a okengi. ³⁵ Mbuse eomogbomi la ekulusu wakania wisindjè wande, wabingia waho la likambo la okokesi ndjinge yasanali la waaseli ate wakokawana wisindjè wambai ase wakobinga kandjo e mbai la zenge. ³⁶ Mbuse wabatia, wako denda. ³⁷ Alikambo la ohui demu eohelani wonde, wadingia la likolo la moto monde oholondjo andjéi Yesu Likumu la wayuda. ³⁸ Wamogbomia la kulusu inde la wato wabe wale, mwesi la ewo elilome mwesi la ewo e liali. ³⁹ Wato waetakali la mboka wa motangakolia, la oninganesi moto. ⁴⁰ La wasiate: owe moto olukaki ate obuke tepelo, ase otonge mbuse e masio ma sato, akalesa kine owe mene! inga ondjéi Mana o Mwengéi, andjimba la kulusu. ⁴¹ Wanganga-wakawi, la wadingeli la wiloko wato wapotia omoseki, ase wasiate. ⁴² Awakalesali wato wadi, ase akokiti wakalesi inde mene! inga andjéi Likumu la Isalaele, aandjimbe la kulusu, ase tomondime. ⁴³ Aahi la Mwengéi, Mwengéi amokalese kine inga amobali. Ango andjakali ate mbai indjéi Mana o Mwengéi. ⁴⁴ Wato wabe wango wawagbomoli lainde la kulusu mongindi, wamotangakolia ndindjongo. ⁴⁵ Olongoi engele etimobatée e libwa,molili molingelali mokili mwesi kpàa. ⁴⁶ Ase engele e libwa,mYesu apamia la moli mosungu Eli, Eli lama sabakatani? measite Mwengéi o mbai Mwengéi o mbai, odei mbai alikambo la nde? ⁴⁷ Wato wadi wango wandjakali ango waokia ndjongo wasiate akomowelaka Elia. ⁴⁸ Ase ango mwesi owu akia obangu aotia linuka aluleya la vino e ngai, ase abatia la etotu, amohia ate akenge. ⁴⁹ Ksi wango wadi waasiate deeni toene inga Elia akondja omokalesi. ⁵⁰ Yesu ahumbia pui alidi ase atenia motema. ⁵¹ Ase denda litambala la petelo lisaleya la wisali wiale, olongoi likolo tée sése,mbume iningania, mabanga matakania. ⁵² Kuli inuhama ase wansatu wango wagwaté wa susoya. ⁵³ Wato wango walongwali la kabuli, mbuse e wosusoi wo Yesu, walingelali la moki mosatu, ase wato wasungu waweneli. ⁵⁴ Wasindjili la wato wango wandjakali ango la omokengeli Yesu, waenia woningani wo mbume la ndjinge sambo ileki mine, wawangia makasi se wasiate Memene, oholo moto andjaki Mna o Mwengéi. ⁵⁵ Wali ebele wandjakali odengi lalihiele wango wakeli la Yesu tée la Galilaya, la omolambeli. ⁵⁶ Katikati ewu endjali Malia Magadala, Malia nango Yakobi la Yosefu, la ngbau owana wa Zebedeyo. ⁵⁷ Kolokoloeumia, moto mwesi o Arimateo andjakali la wambele ebele, nkombo ende Yosefu, ongo ondjakalihoto motutia o Yesu. ⁵⁸ Akia atie e Pilato, ase akaongia wenge wa Yesu. Ase Pilato asiate wamohekele la inde. ⁵⁹ Yosefu atotia wenge, alingia la esindjè elamu elumbake. ⁶⁰ Ase abatia la kabuli esindjè eholi enge ewongeleli iwo la mabanga. Mbuse adihue libanga lisungu la moduhe mo kabuli, ase akia. ⁶¹ Malia o Magadala, la Malia la Malia odi wandjakali ango, wabati ndiango ahuela kabuli. ⁶² Wunewuse,ege endjakali wuse wo woa wongeli, wanganga wakumi, la Wafalisayo wakia mongindi liwoso la Pilato. ⁶³ Ase wasiate Likumu, iso to waseli ate ongo mosakoli asali ate akokala alidi mbuse e masio masato ako susua. ⁶⁴ Watoma wato wakakengele kabuli mbuse e masio ma sato, alikambo ate watutiani wande watindjamoiwe ase la wasi la wato ate; asusoi ga la wato wagwake. Moleho mo ehele mbalandjo mokoeta té mbala eliwoso. ⁶⁵ Pilato awaselia ate ondjéini la sindjili,kekeni kakengeleni ndenge ewi ino. ⁶⁶ Wakia, ase walingelia la kabuli la ndenge ndamu, watindikia.