¹ Sikalandjo, Yesu alongwali la tepelo apumbia, ndjongo watutiani wande wayandongbali la omoyinei nda ndenge emaanali tepelo. ² Awawongoselia ate: otienekeni wiho winge kpa? La meemene iyasi la ino ate, te libukeli liikima lititikala likolo la libukeli ladji, kpaa ekokwa sese. ³ Ango eyabatali inde la Mokoli ma oliva, watutani wayandongbali atie inde ndji iwo amene wamoaselia ate: twewesa, sambo djaho ekokelama nda engele, la nda tondo ekoenese odji wowe la timei wosambo dja ehele engele? ⁴ militake, wakobataka la makolokoto ma wato,watibalaka okpali iwo amene la mosei. ⁵ Waokelaka sambo kpa laate wato waene. Alidji wa kokpalaka filakateli, wadjei la songe elayi elayi la walobe djawu ⁶ wakobalaka owabati ibete epoo la lipati alidji iholo elihoso la wasinagoga. ⁷ Wa bali owahi ewo la iholo la hoho,la owa weli la wato Rabbi,Rabbi ⁸ Kasi ino, otiyaweleni Rabbi;laate moto mwesi nde adjei mwalimo, odjei ino kpa wa mana ima. ⁹ Otiweleni moto tweti a mbume wawa; laate moto mwesi ongo odyei wawa, ango odyei likolo. ¹⁰ Otiyaweleni wa inyei,laate moyinyei monu adjei mwesi,kilisito ¹¹ Ongo oweti osungu la ino akoki odjei motuke monu. ¹² Ongo akoyadjamba wako modjilikisa,ongo akowadjilikisa wako modjamba. ¹³ Magba laino wa dingi wa mibeko la wa falizeyo wa hengeli;laate okodikelaka wato mboka elikolo; otilingelani ino amene,alidji otibalakate wango wabali olingeli watilingele. ¹⁴ magba la ino,wa dingi wa mibeko la wa falizeyo wa moleho laate oko pwesakani milako ma wali wango wa gweli pele,aleeti okokelakani la oyaisi maongi malayi malayi;la eho, okosambisamani la oeteli. ¹⁵ Magba la ino, wadingi wa mbeko la wa falizeyo wa hengeli! laate okokpandakani ewale la mbume la okukoli moto mwesi motema; aleeti tango ekukolia inde motema, omoumisiani mana geena mbala iwale oweti te ino. ¹⁶ Magba la ino; wato wagwi mayiso! wakwasaka: inga moto alapia la tepelo; ekeliti ema; kasi; inga moto alapia lawolo etepelo, akeli olamu. ¹⁷ wibebe! wato wagwi mayiso; la wolo la tepelo nda enge eeti osungu, wolo inga tepelo enge ekohaka wolo lokumu. ¹⁸ Okowasakani alidji:Inga moto; alapa la kombo e etombelo, ekeliti ema; ase, inga moto alapiya la likaho enge edjei la etumbelo, akoki oengemesi. ¹⁹ Wato wagwi mayiso! nde enge eeti osungu, likawo inga etumbelo enge ekohaka likawo lokumu. ²⁰ Ongo olapi la tepelo alapi la tepelo la djinge kpaa idjei ndondo; ²¹ Pe moto ongo olapi la tepelo alapi la tepelo la ongo oyabati ango; ²² Aleeti ongo olapi likolo alapi la ngbelengo e Mwengei la ongo oyabateli. ²³ Magba la ino wapundesi wa pui la Wafalizeyo, wakosi okohakani atie Mwengéi esuki esi ndondo e wisuki liomu la wisoki nda ebili e mete, la ndjakumini, kasi odheyani opundesi sambo ndjinge dja pui: omemene, motema mangba, la ondjimi. Edjei eho nde ekokaki ino okeli, te odhei djinge djeti. ²⁴ Ino wato wango wakowa iniaka wato wango wagwi maiso mboka! okoumesakani koka keke ndondo e wiho wikengake kasi okokengakani nama ekamela! ²⁵ Magba la ino wapundesi wa pui la wafalisazeyo wakosi! okokpolokoni kondolo e etotu la pepe, kasi ndondo etumi la pukapuka dja iwa djanu la ehoha e ebe. ²⁶ Mofalizeyo mogwi maiso! kpoloyo liwoso ndondo e etotu inga esani enge etilindaka ndjongo ongo kondolo ekolanga olamukoto. ²⁷ Magba la ino wapundesi wa pui la wafalizeyo wakosi! odjéini nda kabuli djinge ikpuli iwo mpembe iyeneni wolamu ono saa, kasi ndondo itumi la mikuwa ma wato wagwake la ndenge kpaa dja wiho wiholoke. ²⁸ Ino odjéini ndjongo,la maiso ma wato walamu,kasi ndondo otumini la wikosako la sambo mbembe ²⁹ Magba la ino wapundesi wa pui la wafalizeyo, wakosi! okowongelekeni kabuli dja waaseli,okowongelekeni wolamu wolamu kabuli dja wato walamu. ³⁰ Ase woasiani ate: inga todjaki engele e watata wasu, nda totiaboliali la iwo, la osui makila ma waaseli. ³¹ Okondjimakani ino amene la oyakwisi ate odjeini wana wa wato wango waolali waaseli. ³² La eho, silisani otomo wungo watata wanu wapotali. ³³ Wandjoo liwota la mabate! nda ndenge emungoi ino otili eguele e lifelo? ³⁴ La ndjongo ikotomelani waaseli, wato walokenge la wapundesi wa pui. Okowaolani wadJi, okowakiani wadJi likolo la ekulusu, ase okowabingani wadJi pimbo ndondo e monguta monu mo wakongi la okowatutiani la moki mwesi la mwesi. ³⁵ La eho ewokweleni ino makila ma wato walamu winge wisuani la mbume,opoti la makila ma Abele moto molamu tee la Zakali, mana o Belekia, ongo omolalini ino la tepelo la etumbelo. ³⁶ Iwaselini loi lo memene, djinge sambo kpa ekokwele ehele oliye. ³⁷ Yelusalema, Yelusalema, owe ongo okowaolaka waaseli alidji okobingaka wango waotomelini mabukeli! mbala woni ilukali oboleyi wana wa owe,nda koko ekoboliaka wana wande ndondo emambulu,ino otibaleni! ³⁸ Dhenda minguta manu mikotila manganga. ³⁹ Ndjongo iwaselini olongoi keke otindjenekineni mbai tée ekowasani ino : pambwa ongo okodja la kombo e likumu.