¹ Okumu o likolo lodjei nda memene elanga ongo opumbi boo laate awatote wasali la elanga ende. ² Aokania la iwo la liputa e likuta kikima la husee pe awatomia la elange e vino ende ³ Apumbia la engele libwa e boo pe awaenia waeti wayabati ebete eikima, wati la otomo. ⁴ Awaaselia: ino koto kekeni la vino e mbai, ikohekeleni likondja linge likoki. ⁵ Iwo koto wakia. Apumbia alidji la engele e limbile alidji la engele e isato mbuse e limbile pe akelia ndenge kikima. ⁶ Apumbia mbala e gboo la engele e itano e mbuse e limbile awagbotia waeti wadjaakali ndji ango, wati la otomo. awaaselia: ndjoni ekoyabatakani ino ndjoo odjangi okeli otomu? ⁷ Wamowongoselia, moto toeti atohi otomu. Awaaselia: Keke kotoni la elanga e vino e mbai, okototani enge ekoki. ⁸ Likolo lidjia, memene e elanga e vino amoaselia ongo okomoikelaka iwo: wawela wasali pe wahekela likondja, opoti la moto o mbuse osuki la moto o liwoso. ⁹ Wango wa engele e itano mbuse e limbile wakondjia likuta liesi moto la moto. ¹⁰ Ango ekadjia wato wa poo, wamungolia okondji ngbii, kasi wakondjia ndji likuta kikima. ¹¹ Ango etotia iwo, wa ndungwania atie memene elanga e vino. ¹² Waasia: wato wa mbuse wakeli otomo ndji engele eikima, owahekelia ndenge kikima nda iso wato wakeli la paima e liusa wuse la ehela. ¹³ Amowongoselia mwesi ndondo ewu: bola, iokeliti obe. otindimali likuta liesi nda likondja? ¹⁴ Tota linge lindjimaali owe pe keke. ikowahekele wango wa gboo likondja likima nda owe. ¹⁵ Endjimesamiti la mbai okeli ndenge enge ebali mbai la tina e iwo dja mbai? Okoheneke obe ndenge edjei mbai moto molamu? ¹⁶ La eho, wato wa gboo wakouma wato wa poo alidji wato wa poo wakouma wato wa gboo. wato ngbii wawelami kasi wato wakeke waononi. ¹⁷ Ango edjakaali inde oteli la yelusalema, Yesu awatotia watutiani wande liomu la waal; awaaselia la mboka: ¹⁸ Tokotelaka la yelusalema pe monga moto akotambama atie wanganga Mwengei la wabimianeli wa mibeko. wako mokwesa la sambo la ate agbee. ¹⁹ Wakomoha la mawo ma wato wango wati wa isalayele la ate wamodheende, wa mopie, wamobake la ekulusu; lisio la isato akobasa. ²⁰ Nango wana wa Zebedeyo ayandongbia atie Yesu la wana wande, amayia mauli laate amowonge Yesu ema esi. ²¹ Amoaselia: obali nde? ndima ate la okumu wowe wana wa mbai wawa ndjo wayabate mwesi la ewo e owe e lilome, ongo eeti la ewo e owe e liali. ²² Yesu awongosia: oyeweti linge likowongoko owe. Okokokani okengi la kopo enge ekokenga mbai, okokoka ototi lipatesa linge likopatesama mbai? Wamowongoselia: tokokoka. ²³ Awawongoselia: la ndenge eho okokengani kopo e mbai pe okototani lipatesa linge likoatesama mbai. kasi la tina eoyabati la lilome e mbai la liali la mbai, mbai amene iyewiti pe likohama la wato wango wawongelami la wawa. ²⁴ Mbuse eooki ndjongo, watutiani waeti liomu wamemelia la wa waale. ²⁵ Yesu awawelia pe awaaselia: oyewini ate makumu ma miki wakoyainyaka iwo okumu owu, wato wau wasungu wakwaokesaka okumu wau. ²⁶ Etidja ndjongo ndondo enu, inga moto abala odjei osungu ndondo enu, akodja motuke monu. ²⁷ Inga moto abali odjei moto o liwoso atienu; adjei motuke monu. ²⁸ Nde ndjongo mana o moto adji, te ate wamokelele, kasi la okeleli la ohi bomoi onde likawo e wato ngbi. ²⁹ Ango epumbia iyo la Yeliko, wato ngbii watuteiya Yesu. ³⁰ Wagwi maiso wale wayabatali kelekele e mboka, ango ewokia iwo ate Yesu akoetaka ango, wahumbali pui waasali ate: Likumu mana o Davidi, tondjokela magba! ³¹ Wato wadjakali owatekesi laate wadhee, kasi wahumbia pui oeteli: likumu mana o Dawidi, tondjokela magba. ³² Yesu ayamalia, awawelia pe aasia: obalini iokelele nde? ³³ Wamoaselia: likumu maiso masu ma luhuane. ³⁴ Awaokia magba, ahelia maiso mawu, mbuse eho waenia wamobileya.