¹ Ango oseselia Yesu owaseli ndjinge sambo: adheiya Galilaya,ase akia la gbata e Yudea,la molelo mo Yordani. ² Ebiba e wato wamotutiali, ase ongo awakalesia wato wa wikoni. ³ Wafalizeyo wamolingia, ase wasiate, wamomeke:Ewongi ate moto amotone moli onde sa ndjongo te loi? ⁴ Awawongoselia ate:otitangalini ate mokeli, la lipotele, amokelali motopele la moli? ⁵ Ase asiate:alikambo ate motopele akomodhee sango la nango, akoabolia la moli onde, ase iwo wale waumia moto moikima. ⁶ Ango wati kine wato wale wa ndjéi gaa moto moikima moto twèti atikawanesa ema enge enangi Mwengei. ⁷ Wamoongoselia: la ndandenge, Moize asali ate, inga omotona moli omodhingela ekpata omodhee ake. ⁸ awawongoselia ate: la likambo la woteteli wo mito manu, nde easali Moize ndjoongo ate owatone wali wanu: la lipotele, etidjali ndjongo. ⁹ Kasi iyowaselini moto ongo okomotona moli onde, amoheliti la la eteba, ase aikia moli odji akelia eteba. ¹⁰ Watutiani wande wasia la inde ate: inga likambo la molome la moli lindjéi ndjongo eti wolamu ate waikanane. ¹¹ Awawongoselia ate: Pele kpàa watokoka loi luho, ndji wango wayahi. ¹² Ndjongo edjéi la wato wango wawotama wikube tee la solo dja wa nango, la wango wayakela wikube iwo amene; edjéi wato wango wayakela wikube la okumu wo likolo. Ongo odjéi la matoi maokake, aoke. ¹³ Ndjiango, wamodjelia la wana wakeke, alikambo ate awabatele mawo, ase awa ongole. Kasi watutiani wawatekesia. ¹⁴ Ase Yesu asiate: wadheeni wana wakeke wadje etie mbai, ase otiwatekeseni, alikambo ate wokumu wo Mwengéi wo djéi aatie wango wakodja nda wana wakeke. ¹⁵ Awabatelia mawo,ase akia. ¹⁶ Ase dhenda, moto mwèsi aandongbia ahue ende, aseko asia la Yesu: likumu ikele woni alikambo ate ikondje wokali wo libela? ¹⁷ Amowongoselia ate: ndandenge ekohuelaka owe mbai la ndjinge sambo idjéi wolamu? Ema esi ejei wolamu. Inga obali olingeli la mokalo, dhemia dumbei. Amowongoselia: nda djinge? ¹⁸ Ase Yesu awongoselia ate: otiolake moto; otiandake moli omoto la wose; otiiwake ema emoto; otiasake moleho, modemia sangwa la ngwa. ¹⁹ Ase:mobala mino owe nda eyabali owe amene. ²⁰ Ongo mana mwenga a mwaselia ate:ikelidjinge sambo kpàa;nda uho wotikali? ²¹ Yesu amwaselia ate:inga obali ate odjee moto ongo oyengi, keke tamba wiho kpàa winge widjéi owe la waho, owahee wato wango wadjangi, ase okotota ema e motio ongo likolo, ase tutia mbai. ²² Mbuse eho ango eokia inde djinge sambo; ongo mana opele akia la limemu, alikambo ate adjakali la wiho ngbi. ²³ Yesu awaselia watutiani wande ate: iyowaaselini memene, moto olikodja akolingela awokumu wo likolo la monga. ²⁴ Iwaaselini alidji ate, edjéi petee Kamela olingeli la buu etonga, oyeti olingeli e moto owogumake la okumu e Mwengei. ²⁵ Ango eokia watutiani ndjoongo,wakamwali ngbi, ase wasi ate: ndai o kokala? ²⁶ Yesu awa dhengia, ase a waselia ate: la wato, eyengiti okelani, kasi la Mwengéi edjéi petee. ²⁷ Petele atotia loi, asia la inde ate: denda iso todhei wiho kpàa,ase tootuteya owe,nda ema ekokondja iso? ²⁸ Yesu awawongoselia ate: iyowaselini la memene, ango ekouma wiho kpàa wiholi, ango ekoabata mana o moto la ngbelengo eende ewokumu,ino wango watutei mbai,okwabatani la ngbelengo ende e wokumu, liomu la iwale, okowambesani wikolo liomu la wiale wa Isalayele. ²⁹ Ase moto ongo okodhei minguta mande te wamanango wa pele, te wamanango wawali, te sango te nango te moli onde, te wana wande, te mbume, alikambo la mbai, akokondja wiho waho mbala ngbi oyeti alidji akotota bomoi e likolo. ³⁰ Wato wango waleki liwoso wakowongwa mbuse, ase wango wadjéi mbuse, wakodja liwoso.