¹ Yesu awawelali watutiani wande liomu la wale, awahelia wokulu wo oumbi la milimo mibe, la okalesi wikoni kpàa, la okalesi wikoni kpàa, la wodidi wesi kpaa. ² Ehele edjéi nkombo dja watomani liomu la wale oliwoso Simo nkombo ende edi Petele la manango Andele, Yakobi la manango Yoani, wona wa Zebedeo. ³ Pilipo la watolome, Toma la Matia, ndombe e mamelo, Yakobi mùana o Alafeo la Zadeo. ⁴ Simo moto obali moki monde la Yuda Kaliota, moto omohali Yesu atie mitone. ⁵ Yesu awatomali watutiani waho liomu la wale awahali miano ndjo: otikekeni la telitoamle ebete e wato wati wayuda te, wango wakoabataka ongo, otilingelakeni la gbata e wa Samalia te. ⁶ Ase kekeni atie wa Isalaele wango wawusi mboka nda kondolo. ⁷ La mboka, asakani wokumu wo likolo woumiga awue! ⁸ Wakalesani wato wa wikoni, wasekwisani qwato waguake wakelesani wato wamba la umbani la milimo mibe. Ino okondjini mpamba. ⁹ Otikakeni wolo, te wadjenge, te pukapuka dja wadjenge, la wopasa wonu te ¹⁰ Otitotakeni wopasa alikambo la wosombi wonu te, te simisi iwale te, te sapato te lingenda te. ¹¹ Inga woumani la gbata esi te la moki mwesi, molukani ndi moto ongo okowemeleni ase abatani atie nde tendi wungo wuse wokolongwa ino ango atie nde. ¹² Inga olingelani la monguta mwesi, asani logoo edje laino. ¹³ Inga wato wa wuhungo monguta wawoemeleni, ewongi logoo enu edje la iwo. Ase inga wawemeletini ino te longoseni logo enu. ¹⁴ Inga watona owemelini ino te owoki ino, la monguta mwesi ndjongo, te la gbata esi longwani la ehenge ebete ase huholani limungele la makolo manu. ¹⁵ Iwaselini loi wo memene: la wuse wo oteni huko, enguele e wato wa gbata eho ekodja monga oleki eguele e wato wa Sodoma lo gomola. ¹⁶ okani! yotomini ino nda kondolo ndondo e pange ndjongo, djani la wokenge nda ebili ndjo la logoo nda mbulu e pidjo. ¹⁷ Huakani, alikambo ate wato wakawaino la timilali la wakobinga ino liwoso, ino pimbo ndondo e monguta mo wakongi mowu. ¹⁸ Wakokawani ino liwoso la wakawi, ase la makumu alikambo la mbai, liwoso lawu la liwoso la wadjondji. ¹⁹ Inga waokawani ino liwoso la timilali, otibatakeni motema likolo te, alikambo loi wokwasa ino, te la ndenge e wasi ikohani ino loi lungo lokwasa ino. ²⁰ Ndjoi djaho itouma atie nu te ase ikouma ma molimo mo sangbanu okoasa ndondo enu. ²¹ liwota wakolaana wawa akomoolà mana, wana wakoamalila wa sangwà, pé wakowaala. ²² watokpa wakootani, aloyi la kombo embayi kasi, ongo akonanga motema, akokalàa! ²³ inga wodje betelemi la moki mwesi, ladjeiti mikii. iyowaselini meemené woti sombwani mokikpa mo isalaele hatanga engé adjakiya mana o moto. ²⁴ Moyekoli atimwetaka molakisi mondé. ²⁵ Ewandi wamondwe moyekoli nda molakisi moondé, wamowelali yoo memenè molako ate adjei likumu mo mutimombé; aseko laino wongo waabati à molako monde. ²⁶ otiwangeni ema teeti easiti liwoso lanu tilingé liaasi etidjanga wewani eiwoso lanu litingé liaaisi etidjanga wewani liwosolasu. ²⁷ asani lamoli motetelaké lingé li waaselalini mbai likolo lingé ni ewasalelalini mbai la dumbiani lamoli motetelaké likolo la milako. ²⁸ dèeni owangi wango wakoolaka wengi, kasi watiolaka molimo, wangani wango wakolaka wengé la molimo la gehene. ²⁹ watitambaka mbulu djà sèlè iwalé la makuta la cuivele? kaakwasé, emateeti ingélikuuma inga sangbanu atigéngé. ³⁰ edjete motango mowusé mo moto mwewani. ³¹ ino awietini edingé mbulu la oyiti susele. ³² aseko, motongo otatolani mbai liwoso la wato kpa, mbai pé ikomotatola iwoso ewawa ombai adjei likolo. ³³ inga moto awungana mbai liwoso la wato, mbai pé ikomoungana liwoso la wawa ongoodjei o likolo. ³⁴ Oti mungoleni te ate idji odjabati logoo ahala la mokili idjiti odjabati logoo te, ase obati mopanga. ³⁵ Idji odjabati okawani ndondo e wawa la mana o pele la sango, ndondo e mana o moli mongindi la nango ndondo e moli mongindi la nango molome onde. ³⁶ Watonani wa moto wakodjaa ndi wato wa liwota lande mene. ³⁷ Moto omobali sango, te nango oleki mbai, moto oho aengiti la mbai te moto omoali mana opele te mana onde omoli oleki mbai moto oko aengiti la mbai te. ³⁸ Moto ongo okpaliti kuluse eende te la otutei mbai te moto oho aengiti la mbai te. ³⁹ Moto obali obanei mokalo monde akowotilesa woho ase moto okotilesa mokalo monde la gbondo e mbai akokondja woho alidi. ⁴⁰ Moto okowemekeni ino akoemeleke mbai, ase moto okoemeleke mbai, akomoemeleke moto ongo otomali mbai. ⁴¹ Moto okomwemeleke mwaseli mo Mwengéi alikambo moto oho adjéi mwaseli mo Mwengéi akokondja esuki e liputi la mwaseli oho ase moto okomwemele moto memene liwoso la Mwengéi alikambo moto oho adjéi moto memene liwoso la Mwengéi akokandja esuki e liputi la moto oho. ⁴² Yasi la ino loi wo memene moto okomoha moto mwesi etotu esi e malia madekeke atie moto mwesi mokeke ndondo e watutiani wambai alikambo ate moto oho adjéi motutiani mo mbai, akokondja liputi.