¹ Ango oseselali inde owapundei watutiani wande liomu la wale inde alongoya ongo la okii owapundesi la owaseli ndondo egbata la moki moho. ² Yoani Mopatesi adjakali la woyogo, ase aokia mboli etomu dja Kilisito, ndjongo inde awatomia watutiani wande wadi. ³ Alikambo la omohueli Yesu odjéi moto ongo wewi iso ate ageleli inga te ndjongo tomolambele odi ongo ongoli? ⁴ Yesu awawongoselia: kekeni omwaseli Yoani loi wungo woeni ino la wungo wooki ino. ⁵ Wato wagui maiso waenia wato wabukakani makolo wasombia, wato wa mbala wakalia wato wadikami matoi wopotia ooki, wato waguake wasusoya ase wato wango wadjangi wa okia mboli ndamu. ⁶ Mwemu la moto ongo okobamiaka wondimi wonde. ⁷ Ango okeli watutiani wa Yoani mopatesi, Yesu apotia wasi loi wo Yoani atie wato ngbii okadengakini nda loi ongo la lisobe? etale enge ekoninganesaka ehoho? te? ⁸ Ndjongo okelini odendi nde? moto ongo okali wisindje wilamu? ase wato wango wakpali wisidje wilamu wadjéi la minguta ma makumu. ⁹ Nde ndjongo okelini okadendi nde? mwaseli? memene yasi la ino okelini omweni moto ongo omoleki mwaseli. ¹⁰ Te la gesele Yoani adjéi moto ongo wasi ekpàata e Mwengéi alikambo lande: Mwengéi asiate imotomi toma o mbai liwoso la owe alikambo la odukoli mboka alikambo la owe. ¹¹ Yasi la ino loi wo memene: ndondo e wato, moto tweti te adjali mosungu omoleki Yoani mopatesi. Ase moto ongo odjéi mokeke ati ndondo e wokondji wo likolo adjéi mosungu omoleki inde. ¹² Obandi ndiango engele enge easakali Yoani mopatesi tee ndi kekehele, wokumu wo likolo wokondji nga monga ase wato wa paima wokolukaka opwesi woho. ¹³ Waaseli kpàa la pui dja Moize yasiga loi wo wokumu wungo wodji la engele e Yoani. ¹⁴ Ase inga obalini ondimi mbai Yoani adjéi Elia ongo wasali iwo ate akodja. ¹⁵ Okani wolamu inga odjéini la matoi. ¹⁶ Ikowakokesa wato wa ehele engele landai? wadjéi nda wana wango waabati ebete e lihoo, enge wabolei wesi wakopamaka la wungo wodi ate; ¹⁷ Toobomeli ino misiki, ase otiwineni te tolembaleli ndjembo dja magba, ase otilelalini te! ¹⁸ Alikambo ate Yoani mopatesi adjali inde atilakali la atikengali Vino te, ase wato wasiate: inde adjei la esisi ebe. ¹⁹ Mbai mana o moto idji ga ikolakaka la ikokengaka ase wato waasia: modendani oholo moto akomungwaka sa wolaki la okengi Vino. Inde aewani la wa ndombe wa mamelo, la wato wabe! ase lokenge wo Mwengéi wokoeneneke memene alikambo likokelaka inde djinge sambo. ²⁰ Ndjongo Yesu apotia ogbongeli miki mingo mikeliga inde maahuele ngbii ndondo eho alikambo ate wato waho watihengeseli mitema te inde asia. ²¹ Magba la owe Korasini! magba la owe Betesaida alikambo ate inga wiaahueli ehele ndenge wiumiga atie nu, wiumali la Zire la Sodoma, gala wato wa mihinge miki wakpali ga saki ase wasuiga misu la mito mau, alikambo ohengesi mitema. ²² Alikambo la ndjo, yasi la ino, la wuse wo oteni huko eguele enu ekodja makasi oleki eguele e wato wa Zire la Sidona. ²³ Ase owe Kapalanaumu omungwaka ate akoatelesa la oumi likolo okouma sese tee la lifelo: alikambo ate inga wiaahueli ehele ndenge, wiumiga atie owewi wumiga la Sodoma nda gbata eho eumali tee kelekele. ²⁴ Alikambo laho, yasi la ino la wuse wo oteni huko eguele enu ekodjamakasi oleki enge e Sodona. ²⁵ La engele eho, Yesu asia o wawa, Likumu la likolo làlá mokili, yohekeli kekedinge alikambo ate wenesiga atie wana loi wungo woisi owe atie wato wa lokenge, ase wato waho waewi ga opundesi. ²⁶ La memene wawa edjéi ndjongo alikambo ate wonoli ndjongo la obali ndjongo. ²⁷ Wawa abatiga wiho kpàa la wawo ma mbai moto tweti te a mwewiti mana ndi wawa omwewi ase moto tweti te amwewi wawa ndi mana omwewi inde, ase wato wango wa wabali mana owaewesi atie sango. ²⁸ Ndjakani atie mbai ino kpàa wango walembi la mikpali ase ikohomesani ino. ²⁹ Kpalani tomu dja mbai ase hekeleni mbai mboka ikopundesani ino alikambo ate idjéi la motema pete la wa telesi té, ase okokondja la ebete ehomake la ino mene. ³⁰ Okpali wotomu wungo wokohani mbai woti makasi te ase mokpali mokokpalesani ino mbai moliti.