¹ Aasia ate, la tango, eho mosakoli adjei iwo mokeke, akeseneli la motuke te la l,ainde eloko la iho kpaa. ² Aseko adjei la sese la wakengele ase la watuke tee eloko ewongisanaali la wawa. ³ Iso ase djongo edjekaali iso wana, atodjaakali atuke la sambo makeke keke la mokii. ⁴ Nde ango esilali elaka okoki solo, Engali atomali mana onde, ohongo awotamali la moli ohongo awotamali la sese la mibeko. ⁵ Ate ewasiko iwo wadjei la sese e mebeko, ate totote lokumu la wana. ⁶ Late ino odjeni wana Engali atomali mana onde ndondo e mitema la iso, ohumbi ate, Aba! Wawa! ⁷ Ango ati motuke te ase mana ingamana adjei mosangoli la libula atiene Engali. Paulo abondeleli wangalaia. ⁸ Kasi ayewaliti ino Engali te, odjaalalini watuke la iho idjei waEngali te. ⁹ Nde sikasikandjo oyewigani Engali; la oweniti la Engali, ndjo nda m,boka eko wakukolani aleeti adjei iho ango la petepete ase ase la mpamba ohongo odjakali watuke le eho liwoso. ¹⁰ Wdjeini okumesi masio ase la sandjaase ngngo ase la ilanga! ¹¹ Iwangi athe ikeleli ino otomo mo pamba. ¹² Wa manima, iyobondelini ino ate owakukoleni ndenge edjei mbai ate mbai iyakukoli ino. okeleliniti mba obe te. ¹³ Oyewini ate iyo sakwelalini ino liwoso la olembu la wenge. ¹⁴ Aseko ate mamungwano e mbai la wenge etungesali ino itioli mbai te, onginiti mbai te inde owongeli mbai nda wa toma la Engali, nda ndenge kilisito Yesu inde amene. ¹⁵ Ndjongo eni mwemu la ino? idjei lowaseli ino ate okokakini oyumesi maiso ase ohekeli mbai eho, inga ewongeli djongo. ¹⁶ Iyumunga monguma monu ongo owaselini ino ase ata iwaseli ino sambo ma sembo? ¹⁷ Wato wango wadjei olengoli ino aseko la olamu te, aseko wabali ondihi ino molako ate owatutie iwo ehoho. ¹⁸ Ewongi ate wato kpaa wakele ase la sambo ndamu la ngongo kpaa ndi ndjongo. ²⁰ Idjei la ehoho ate iyabata atie ino sika sikadjo ate ikukole moli mo mbai itungisani mingi alikambo lanu, wana wa motuke la wana la nsomi. ²¹ Ino obali odjei la sese e mibeko, asela mbai ongo. owoki libeko te? ²² laate endingimi ate Abalayama adjaakali la wana waale mwesi awelia moli motuke mpe eti awelia moli eloko. ²³ Aseko inde la motuke awotamali la mboka la wange, aseko moli eloko awotamali la mboka la eleka. ²⁴ Anga djongo masimbo ate wali wale ango wadjakali ndenge wale la ondimani , mwesi awalia mokilo mo Sinai ongo adjali owoti wana la motuke, inde ongo agala. ²⁵ Ayala adjei mokoli mo Sinai ndondo la alaba adjei ndenge Ylusalama la meemne, la wana wande ebete esi. ²⁶ Aseko Yelusalema la likolo adjei eloko indongo adjaali nango esu. ²⁷ Laate wandingoli ate oyemeli ate, oyemele, owe e komba ehele odjei la owiti te owumia mpe owumbia owe oholo odjei. owoki ondimi la owoti te laate moli ongo akilami adjei la wana sungu oweti inde owongo aabati la moleme. ²⁸ Wa manima ino odjei wana wa alaka ndenge yisako. ²⁹ Aseko la ngongoho mana ango awotami la mboka ewenge amonyokolali owongo awotamali la mboka la molimo, adjei ndi ndjongo tesikasikandjo. ³⁰ La mondingo ehesi woni? ahasi ate mano motuke atitita likumu ebete mwesi la mana leloko te. ³¹ Djo wa manima todjei wana la mili motuke aseko wana la mili eloko.