¹ Ino wagalatia wato wadjangi tina, ndai okelalina ino, ino otomoenelini Yesu ongo okpalali ekulusu. ² dengayo disambo idjui mbai etie ino edjei ndi la mboka e mibeko ndi edjuali ino midili lo Mwengei to toasate eti la mateya madimake Yesu? ³ Ino penza odjeini la lokenge memene inga obandali la modili mo Mwengei opotali osuki la sambo dja wange? ⁴ Ino obalani ate oniokamenisa plamba? ngongo tuu sa pamba. ⁵ Ndaiongo ohekelelini modili mo Mwengei, ate okelaka makamwisi ndondo enu aokelaka djinge sambo la ndenge e mibeko? to otei o modili Yesu? ⁶ Abalahama denge e modimali nde Engali wamotatolali moto o sembo. ⁷ Ewani ate wango wadjei la odimi wadjei wana wa Abalayama. ⁸ Djongo m;adingo malengeli ate: Engali akowasambesa wa pagano la mbaka e mibeko, asali liwoso Abalayama ate ehele mboli poli ate: ikolo wa mokili kpaa wikoguma la tina owe. ⁹ La tina ate wango wadimi waguma la Abalayama mogidi. ¹⁰ Wangokpaa wakoyahelelaka, la sambo, la misala ma mibeko wadjei wato wabumakoli iwo alakelame obe moto ongo wetosaka sambo djinge ikimami ndondo etebu e bibeko ate wabatitiaka laotomu. ¹¹ Ewongiti ate moto te mokikima atisambesame atie Engali la tina enge edengi lmibeko, djongo ewongiti, late ekomani ate: wato wasembo wosambesama la tina odimi. ¹² Mibeko miti la odimi ndondo eho, ate miasiat: ongookobata dosambo la misala akodikalela. ¹³ Kilisito atosombali iso laotongosi la bumeakolo dja mibeko inde aumia motomobe la tina esu moto ongo amobakiwola ekulusu edjei moto mabumokolake. ¹⁴ Lipamboli la Abalayama la tina ewapagano ekokesamali la osjei o Yesu kilisito iso la mboka odimi odjuiso modilo mo Engali ongo otounenali inde iso. ¹⁵ Wamana waima ikoasaka nda moto moki ate landenge ndamu late ewane ate moto moki nde okolaka wanga loi, moto te mokikima wetona loi uho, ate moto te moeti aebakesa loi weti. ¹⁶ Ilaka ikolakesa a Abalayama ate la django enge ekodja mbuse ende, easaniti ate: nda la wato kpaa, ate ndi libota la Abalayama inde mokikima, ndi inde amene e modengi dinde o asiate: ndi Yesu kilisito inde amene. ¹⁷ Denga wungo wolambaka mbai: sambo djinge idimisali Engali galagala, etakoke otonielaka e pakali weneni nda ema mamba l,a mboka e mobeko enge ekelali nda mbula kama inei. ¹⁸ Inga edjeli ate mobeko nde mokohekeleke libula, nda ilaka yehekelelami, ate la mboka e ilaka nde edjuali Abalayama linge likabo. ¹⁹ Ndandenge mobeko? mobeko modjali late toenene nda wato wango wokelaka obe te tango ekodja mikitani wa elaka enga ekelamali la tina enda, edimesamali wa pubwa inde te moto ongo odjei nda polongo. ²⁰ Polongo iti sa la moto kikima kasi dja Engali inde amene. ²¹ Mobeko modjei nda mokoyamalelaka ilanga wa Mwengei? lihele la mango makanesi! inga edjakali ndi mokalo? ate solo ekodja la mboka emibeko. ²² Kasi madingo kpaa mabodi dinge sambo sase emasumu, late enge edjekali elaka ehekelame la denge e omodimi Yesu kilisito, la wango wakomodima. ²³ Liwoso ate odimi odji, iso kpaa todjkali sese emobko, la tina ate odimi wenene. ²⁴ La tina eho mobeko modjakali nda molakesi late motokambe edjei kilisito late iso tosambesame la mbka eodimi. ²⁵ Nda odjei iso totikini ses emungo molakesi, ²⁶ Late iso kpaa tumiika wana wa Engali la tina e modimake Yesu kilisito. ²⁷ Wato wango kpaa walindi la malia la tina e kilisito wamokpaliga kilisito. ²⁸ Etikini la moyuda te Greki, etkine la motuke te la somi, etikina la motopele te moli, laye iso kpaa tuumiga moto mokikima ndondo e Yesu kilisito. ²⁹ Inga owe odjei ndondo e kilisito,asakate odjei moboto mokondi wa Abalayama, wango wadjei wato wango wakodima ilaka.