¹ Mbuse e mbula liomo la inei ase mbai idjakia la yelusalem:e, la balanabasi mpe la Tito mongidi. ² Mpe edjakali la tina emoneseli ekeli mbai iwenesekeli sango ndamu enge eteyi mbai edjei ewapagano mpe wato wango wbalakani iwo amene; edjeli ate isalali otomo e pamba. ³ Tito ongo odjakali la mbai ebete ekikima adjakali mo Greki, wemotenali te kombeni. ⁴ Ngonga edjakali la tina e wato wango wadjakali ndondo esu, late wabebese otomo mo Yesu late watokelele iso obe. ⁵ Toyibalali mbala te kikima ndinge sambo mpe totikalakali kpii la osembo wungo odjwiiso osomi edjei Engali. ⁶ Wato wango wadjwakali likumu, wango wadjakali atiokaka la wato, te iwo wango wewanakali wedjali la okondi liwoso lasu. ⁷ Lao,keseni ndengenge ehekeli Engali mbai osembo laele waasi, la tina ewapagano kikima edjei Petelo edjei Wa kilisito. ⁸ Dengekikima emobatali Mwengei Petelo Toma ekoni e wakilisito, ndenge eno mpe ekeleli Engali mbai edjei wapagano. ⁹ Ososoli otomo mungo modjwi mbai mpe mondimami: la Jaki, Cefasi, nda wato wango wadjei nda makule ndondo ondimi watohekelia iso la balanabasi longoni la otomo ate ndi ngambo ewapangano, iwo watikale ngambo ewapanagano, iwo watikale ngambo ewa kilisito. ¹⁰ Wato hekelia sa mokpali mowa sungake wa bola, mosala mungo mosalali iso olamu. ¹¹ Kasi tango ewongwali Cefasi la Atosi, omoyamalelali makasi late aumali, moto mo pamelak. ¹² Liwoso ate wato wango wa bakali woni o Jaki, late alakakali la wapangno, ngonga ewenia iwo wakodjaatilia oyahisi ma pembeni lahowangi wato wango wawateni iwo kombeni. ¹³ La tina ende weti wa yuda womia nda la soni la okosi wohu. ¹⁴ Weti ndate wasombakali olamu la tina evazile, yasia la Cefasi la maiso maukpaa: inga owe moyuda, wekalaka la ndengenge ewayuda, okolaka ewapagano, odei ndenge ewayuda, lande ekowatomaka owe ate wakale ndenge e wayuda? ¹⁵ Iso tohotami wayuda, ase toti wasumuki ndondo e wapangano. ¹⁶ Etilatina e otomo ma mibeko miokalaka moto, ase la tina omondimi Yesu kilisito, late tosambesgame la tina ondimi kilisito, ate teke mibeko, la tina ate moto te mo,kikima aesambesama la tina e mibeko. ¹⁷ Ase iso tolukaka nde to,sambesame la lati emisala ma kilisito, inga iso amene toyeni wato wa masumu, kilisito atisala otomo momasumu? lihjele lande. ¹⁸ Inga iwongeli ema enge ebebisi mbai asak,ate, mbai moto obebesili. ¹⁹ Mbnai ikp,ali emibeko, ebete la tina e Mwengei. ²⁰ Wabalaki mbai ebete ekikima la Yesu la ekulusu, ndjongo inga mbai yokalaka, Yesu odjei ndondo e mbai inga yokalaka sikasikanjola wenge, yokalaka la ondimi mana wengali, o,ngo obalali mbai, mpe ayalekelia inde amene la tina e mbai. ²¹ Mbai ilumbiti Engali, inga ok;ali odjwami la tina e mibeko, toasiate kilisito akpali pamb,a.