¹ Fe go ndjongono, ema Polo, moro ku ka Kristu feyi ilede, ² Sono idjeyi mbayi tene grasiya ka'Me, eshidha feyi dene, engi to melema feyi. ³ Atoka masudha mamaka ongo na mabela ewo teye, adene makoto na ete buku mbayi tene. ⁴ maya fewo ayo ba ashile teye go kira te mafa ongo na mawo ka Kristu. ⁵ Engi shile teye de fe o djinga kpara gobu gaga mbembe bakana eya shile ta tsiane fe o sipiriti santu fe o santu o mava de o profeta ka Kristu. ⁶ Ongo ewo teye no, heyeno o ilede omaka kumuka nakoto kote bili, nangbo seke bili, de ngali ka Kristu, te engi no fa go ngali Eme, ⁷ Ano makoto diri namele kitima bakana mamaka grasiya ka'Me, te engi le ete na to fele ndjaka ewo kaye. ⁸ Mbayi mangbo fatanga wo, o santu tene, grasiya no ele teye nafa fe o ilede kumuka ka Kritu, na mbila de, ⁹ Naho go mba seke nengone ewoteye go dhinga nde ka'Me te imele ongo nde, ¹⁰ Atano o ngbengbe kpara de o ngama go ngbe kote na kpe embila enane go gote ka'Me kira no andindja de eya te Eme, ¹¹ O nedjo ngo gilano ka'Me emele teye esaka Yezu-Kristu ngama kani, ¹² Edaye teningbo de male kaye, ido teni de Eme go malanga na maka gungo. ¹³ feno mafa feyi itse kekele de toka mayike kama feyi: anga mazeba kayi. ¹⁴ Toka nono manyuku ndukutama go djila wuma, ¹⁵ fe daye obuka ele nde mini go kpe de kito, ¹⁶ Engi te to feyi, bakana kumuka toka na mabebe kaye, nango ndjandja de wuo go sipiriti santu go tokotemo, ¹⁷ Ayoba Kristu engbo go gumayi de namale kani, atano jojo guma eya go selo, ¹⁸ Alingita ba imbela de o santu nde mini de mabaka, de mamo, de matsutsu de magha, ¹⁹ Nambila makunda ka Kristu te anye mambila ka o kpara, ayo ba esi etiya mbi nasika go ngo ka'Me, ²⁰ Anga no, fe o kpara elingita na mele, go ndjaka ewo engbo mele feyi, anye nde mini feno telo de no te nikina, ²¹ fengi mabebe engbo go ete ka'Eme de Yezu-Kristu, go bu yingili nde, go diladila! De angboba!