¹ Inokpi de koteyi tongo ka osisitingo kayi, ² Go bhukaka ingbo dhoko, bakana okpara na kito na kine, bakana enga ngama na wavi, de Sipiritu no mele enane kitima na ndjaka go esuga odjadji. ³ Eha ndemini, anongbo go nombisa kawuo, anongbo kowho bakana wuo gara dhinga go makina na kote kaha, namele ongo na malanga na koteha de makina kaha, anongbo de odjadji na siti guma, bakana o gara. ⁴ Atano Eme, moro masaboli, tongo ka ngbe makonda kaye engi tonani feha. ⁵ Eha kpinani go sitingo, tengi ya to feni makowho go Yezu Kirisitu, ⁶ Eme zokoha go kpi, tengi tofeha seke na mangbo go ngbengbe seke na tukpe tongoka Yezu Kirisitu, ⁷ Tongo ka nashudha fe o gara na gara nongbo no sidi kumuka na garasiya de jongo ka eme feni tongoka Yezu Kirisitu. ⁸ Sono, tongo ka garasiya no kowhoyi tongo ka male. No eno deyi de, anga de mato ka Eme. ⁹ Anga tongo ka ojojongo de angayo ba ingbo me ete gumayi. ¹⁰ Sono ade sidinga kitima kangi, anomele teha go kati ka Yezu Kirisitu tongo ka namele ojojo ngo, anganoleke teye te Eme egilano ba angbo mala. ¹¹ Anga deno, inongbo ohi le Eme de egilano tongoka kote, nabukayi ba ohi le Eme de te ono le Eme tengoka kote te ekpa ka kpara. ¹² Ikina ba go dhinga no inongbo go kati na Kirisitu de, nangbo de seke bili de go Israyelita, otokpara na makpondayi gongo na mawo, na makasia de te Eme esala. ¹³ Tano tsiane, sidinga Yezu Kirisitu, eyi nongbonani ngengele, te inodoteyi molimoli tongo ka ngote ka Kirisitu. ¹⁴ Sono engi de gungo kani, engi esuga ngo bhoshu engi mele anga be bili, tengi ya yè kpondo esugani, nandjia de. ¹⁵ Nandjia ndjaka ka ongo nde te ono ete, de namele tengi bili esuga bhoshu to kpara bili nato gungo. ¹⁶ Na mele ba odjetewo, bili de gara go kote bili de Eme tongo ka kuruse nasiti ongo na mandjia de. ¹⁷ Yezu no to gungo feyi inongbo ngengele, de gungo toka okpara onongbo moli. ¹⁸ Sono tokangu aza ewo kpara na kpara nadoteya moli ede Eme de Sipiritu. ¹⁹ Tsiane ta, itokana de oto kpara de, o kpara na kilidjo diri de, tano ikoto ondayi ka o santu, okpara ka ete Eme. ²⁰ Inoza le makina ka o apostolu de o profeta, Yezu Kirisitu kpikpikaye de tene na gilano. ²¹ Tokotengi ongo nde jojo, nale bakana Santu ete go ngama. ²² Tokotengi ikoto bakana okpara aza seke na mangbo sidinga Eme go Sipiritu.