¹ Baka te makoto kpara na teku tongo ka ngama, magogjoma feyi ba ingbo de mayaga nongbo jojo, no engbo fe o kpara ka Eme ebuka wuo. ² Itshe ndjefi, ingbo de gungo, ingbo ho gumai na tshe ongo de jo guma nde. ³ Ingbongbo da eke bili de gu guma, Sipiritu ka Eme emele ba ikoto mabite bili, sono i ho kekele tongo ka nakenge anga. ⁴ Eyi nde bi de o kpara bili: Sipiritu de Eme abi bili; kokoro de Eme no bukayi eyinde ba i ho gumayi bi go jongo bili no engi nowo anga feyi. ⁵ Ngama bi bili, male bili, batisimo diri bili. ⁶ Eme bi bili, male bili, batisimo diribili. ⁷ Engo ka Sipiritu na Kirisitu no to anga feha a bili ama, ingi fe kpara na kpara na kpara esugani de mato kaye. ⁸ Ano ano ete teye ba: << Go dhinga no ingi no l ete etikpe engi no be oyiya no engi nohi tengi ya to fe o kpara mato>>. ⁹ Nole eshula ne? Eshula ba Kirisitu no ko go to. ¹⁰ Kpara no eno ko, engi bi de kpara no engi no le, tongo na si etikpe de to dojongo kaye. ¹¹ Engi mele he o gara kpara, otoma, o gara o profeta, o gara ohi dji ngali Eme jojo, o gara ohi knge kpara ka Eme de o gara ohishudha. ¹² Ingi t mele ba tongo ka eleke o kpara ba Eme, omele kitima kawuo de oya koto. ¹³ Ano eni nde angbo ga de male bi bili, nimbela jojo enga Eme, ono nito naga bi go dhinga no nikoto ete ngbengbe te niya koto de Kirisitu engi bili. ¹⁴ Anota, anongbo baka ombo djadji de, olitoto gbekenga e ha de baka wavi te gbeke zabu. Nifatanga o kpara na siti makina de orono te guma wele te shudha engo na ewu. ¹⁵ sono makunda te tima a bi nafa engo no engbo ngbilingo, ba niga go bini ya koto baka Kirisitu. Engi baka endjo; ¹⁶ Seke nd tokote tei teye tengi jojo, de djuku tehi teye kote nde. Seke bili bili na kote te mele kitima kaye te kote nde te ga te koto ndjandjaka na makunda. ¹⁷ Tsiane, go ele ngama Yezu makengeyi ba: itshe maniaga ka o kpara no embela Eme de otemala o kokoro maniaga. ¹⁸ Makina kawuo ekoto biti, ade makoeho no Eme teto, ombela engo bili de baka ongbo de ndjaka ndjo. ¹⁹ Wuo de jo makina ama, ototo tewo bi gongo na lomo de kule no nde. ²⁰ Ta iyi noza makina kaka de, go dhinga no onoshudha Kirisitu. ²¹ Go ngbilingo inodje ba ngbanga kaye ono fa feyi, imbila ba Yezu de kpara na ngbilingo, ²² Itshe ongo kayi na egilano, ko diri kpara ote siti, tongo otegele bi engo no de leye de ²³ Sono ileke gumayi de makina kayi akoto tô, ²⁴ Eza makina ka o kpara no ongbo tono Eme omele baka engi ete iya ta ngbo o kpara na ngbilingo de gu guma. ²⁵ Ano itshe ewu, kpara ba kpara fa fe ndayiye ongo nongbo ngbilingo, kokoro de iya nde abi de bala na kote bili. ²⁶ Te kpara bili ndjandja, ingi mele ligbiri de te kpara dje likabu ingi wo anga elazi de. ²⁷ Ito kadje fe djaburu de. ²⁸ Kpara no enongbo moro ezi, engi zi de, de engi le na dje tsinga na kitima de kpaye bili, so engi zaga o he nato fe o kpara no dimama. ²⁹ Itshe nadji ele o kpara, tano te engo ngbo no ilo anga ba omele esugayi jongo , so abega jongo fe ono te dje anga. ³⁰ Imele de ba Sipirisitu Santu ka Eme dje lomo, kokoro de ingi de tere no eme eto tokoteni, eshula ba inginoga no djiya bali kani, go magbuta ka esala. ³¹ I eme esugai ongo nde no siti: likabu, nabho, mayala, mandjandja, masiri, ³² Sono ikunda teyi, itokpa teyi, na tshe ongo ka o kpara baka Eme te tshe ongo kani tongo ka Kirisitu.