¹ Ngahi entambala n'okulwa kurhenga ekarhi kinyu? k'arhali omunyifinjo mbi zikazi lwa omugarhi kinyu? ² munaka cifinja na ntaco mugwerhe. muli mwaniga muhambire necimurhagala. mugwerh'entambala n'akavulindi, na ntaco mwâbone bulya murhahuna Nyamuzinda. ³ Mulimwanahuna cimurha shuzibwa bulya mulimwahunir'ebigalugalu, mpulyo muyishi bikolesa omunyifinjo zinyu mbi. ⁴ Mwe bahushi! kamurhayishi oku obwira n'igulu buba bushombanyi wa Nyamuzinda? cocirhumire, ngasiyeshi ocijira mwira w'igulu erhi yene amacijira mushombanyi wa Nyamuzinda. ⁵ Erhi mumanyire mpu ntaco amandiko galonza okuderha mpu mûka ahebire mulirhwe ajir'emitula bwenene erhi rhwe rhurhuma? ⁶ Cikwone Nyamuzinda anakahana inema linji, carhuma amandiko gaderha mpu: "Nyamuzinda arhayemera ab'obucibone, c' anakah'abacirhohya inema". ⁷ Intyo, mucihe Nyamuzinda. Muhagalike lyangombe amuyâka. ⁸ Muyegere hofi na Nyamuzinda, naye amuyegera. Enfune zinyu zibe nyeru-kweru , Mwe banya byaha, nucese n'emirhima yinyu, Mwe nderhera habirhi. ⁹ Mubeburhe, mujir'emishibo, munalake! Amasheka ginyu mugahindamule burhe n'omwishingo gwinyu ebemishibo. ¹⁰ Mucirhohye emalanga ga Nyakasane naye amuyinamula. ¹¹ Mumanye murhashobekanaga mwene na Nene, benewirhu, Omuntu oshobeka mwene wabo, erhi atwire mwenewabo olubanja, erhi alahire irhegeko lya Nyamuzinda. Erhi mwankaciheba enyanya ly'irhegeko erhi murhalikenziri. ¹² Aba muguma yene orhegeka ayimangire n'irhegeko lyage, ye Nyamuzinda ociza n,okushereza. oligi muci wetwira mulungu wawe olubanja? ¹³ Yumvirhizi, mwemukaderha mpu: " rhwaja chishagala cilebe, rhubereyo mwanka, rhurhimbule, rhuyunguke." ¹⁴ Indi omanyire echab'irhondo, n'akalamo kinyu biba bici? cimuba mushushanyibwe n'olwikungu luboneka buno kasanzi kasungunu luhwe. ¹⁵ Mwankadesire mpu: " bukaba bulonze bwa Nyakasane, rhwalama rhujir'ehi n' ehira". ¹⁶ cimuli mwacibona enyanya lyemihigo yinyu. obwobucibone bwoshi gali maligo. ¹⁷ Mumanyire okungasi yeshi okola aminja abulibula bwagakola erhi anakola munya byaha.