¹ ishagi lero, mwe muli bagale, mulake n'izu linene enyanya ly'obuhanya bwayisha enyanya linyu. ² Obugale bwinyu bwasherezibwe n'emyambalo yinyu yalibwa n'okulundwa n'enundo. ³ Enoro zinyu n'ensaranga zinyu zabuzire akaciro, n'okuzherezibwa kwazo kwabayalagaza n'okushereza emibiri yinyu nka muliro. Mwacibikire omuhako omukagarhi k'ensiku nzinda. ⁴ Lolagi, oluhembo lw'abakozi balya murha sagi hemba bulya basarulaga Omu mashwa ginyu- balibalaka! N'emirenge ya balya basarulaga emburho zinyu yahisire Omu marhwiri ga n'olubaga. ⁵ Mwalamire oku binja by'enigulu n'okucisimisa mwenene. Matwererize n'emirhima yinyu omu nsiku n'obusherêze. ⁶ Mwatwire olubanja n'okuniga omushinganyanya orhahashaga kubahagalika. ⁷ Enyanya lya ntyo mulindirire bene wirhu, kuhika z'okuyisha kwa Nnahamwirhu, nka kulya omuhinzi alindirira okusarura emburho z'ehishingo kurhenga Omu cihugo, alinde Omu bulembedu omuhanguko gw'enkuba kuhika enkuba nzinda okuyania. ⁸ Ninyu mube bakulindirira, museze n'emirhima yinyu bulya z'okuyisha kwa Nnahamwirhu kuli hofi. ⁹ Bene wirhu, murhakagi gayisanya mwene na mwene, lyo murhayishigi hanwa. Loli, omuciranuzi ayimangire omu lunvi. ¹⁰ Kwa lwiganyo, bene wirhu, loli amalibuko n'okulindirira kw'abalebi baderhaga omw'izino lya Nyakasane. ¹¹ Loli, rhunahamagale balya balindirira, "banyiragi". Mwayunvirhe n'okulindirira kwa Yobu, kuli kubona oku Nyakasane aunjwire obônjo n'amababale. ¹² Enyanya za bioshi bene wirhu, mumanye mwankacigasha, arhali oku izino ly'amalunga erhi l'igulu, nisi erhi oku yindi ndahiro. Ci "neci" winyu anabe "neci" na "Nanga" winyu anabe "nanga" lyo murhayishi yaga omulubanja ¹³ Nka omukagarhi kinyu muli olisalibuka? kushinganine ashenge. Na erhi ankaba omuntu yeshi ashagalusire? ayimbe enanga. ¹⁴ Ka omukagarhi kinyu mwanabonekana oli mulwala? ahamagale abadahwa b'omu lurhamba, nabo abadahwa banashenga enyanya zage, bamushige n'amavurha omw'izino lya Nyakasane, ¹⁵ N'oko kushenga n'obwemere kwanabuka omulwala, na Nyakasane anamuzusa. N'erhi ankaba ajijire ecaha anababalirwa na Nyamuzinda. ¹⁶ Kusiga mukagi fululirana ebya binyu, munakasengererana lyo mufuma. Omusengero gw'omushinganyanya washenga n'omurhima goshi gunaburhe binji. v 17 Eliya naye ali wantimanya nkezirhu, ashenge n'omurhima bwage goshi mpu enkuba erhaniaga, erhana ciniaga oku cihugo, n'enkuba yajira miaka isharhu na miezi ndarhi orhabonekana. ¹⁸ Kandi Eliya acubi shenga n'amalunga ganiesa enkuba n'emburho za yera omu cihugo. ¹⁹ Bene wirhu, erhi ankaba mulimwe hali owalikola ajahika okili, cikone owundi muntu amugalule, ²⁰ Owahabulaga omunyabyaha omu njira yage y'ebiaha afumya obugumaguma bwage kurhenga omu lufu anafunike obunji bw'ebyaha.