¹ Benewirhu, murhabaga bigiza banji, bulya Mumanye oku mwashihanwa kulusha. ² bulya rhweshi rhuna sarhale omukagarhi k'ebinwa binji. Omuntu orhânka sarhala omubinwa byage Oyo ali mushinganyanya, anaba agwerhe n'obuhashe bwoku shweka omubiri gwage . ³ Rhukashweka akanwa k'eciteresi ngi lyo cirhuyunva, citeresi coshi rhuba rhushwesire. ⁴ Kandi mulole amarho genkuge, ciru gankaluga, ciru gankahunyangwa n'empusi ndarhi, cikone kurharhuma garhahenkwa n'engasi nsungunu emunda omuherekeza alonzize. ⁵ Kwonoko, olulimi cibacirumbu cisungunu okumubiri, Cikwone cinakazi ciyinamula bwenene. konakuguma n'enkunyakunyé y'omuliro enayokère omuzirhu munene. ⁶ N'olulimi nalo buba muliro; lunaba k'igulu lya maligo. olulimi luba omukagarhi k'ebirumbu by omubiri gwirhu, lunakazi heb' omubiri omubugoma, lunakazi yasâ omuliro omumubiri gw'omuntu, guyake nka ngulumira lubuli ishija omu muliro gwe cihenama. ⁷ Ngasi lubero lwansimba z'erubala n'enyunyi z'emalunga n'ebiyandala, n'ebiremwa byerwishi byoshi biba idako lyoburhegesi bw'omuntu. ⁸ Ci nta muntu yeshi yeshi wankahashi rhambula olulimi;luba bubi burha rhulwiri, luyunjwire manjokanjoka. ⁹ Kugerera olulimi rhuna kuzê Nnahano larha wirhu, nakulugerera rhuna heherêre abantu balemagwa okunshusho ya Nyamuzinda. ¹⁰ Mwon'ako kanwa munarhenge emigisho n'obuheherêre. rhurha kwanini Benewirhu rhubentyo. ¹¹ K'iriba liguma lyanahana amishi manunu na amalulu? ¹² K 'omurhi g'omtini gwana leheka amalehe gw'omzeituni, erhi omzabibu guleheke amalehe g'omtini? Erhi k'iriba lyamishi g'omunyu lyanarhenga mwo amishi ninja. ¹³ Ndi omu kagarhi kinyu agwêrhe oburhimanya amanye? Omuntu nkoyu ayerekane akalamo kinja omu kagarhi k'emikolo yage omu bulebendu burhenga omu burhimanya. ¹⁴ Cikone erhi mwankaba n'oburhe bukali n'obulonza bw'endalala omu kagarhi kinyu, murhavunanaga n'okuderha obunywesi omu kuhagalika okuli. ¹⁵ Obwo burhimanya burhali bwakurhenga enyanya; bulibwahan'igulu,bwamubiri, bwa lyangombe. ¹⁶ Bulya ahali omutula n'omurhima gw'akadali, hanab'ebirhakwanini na Ngasi lubero lwa mikolo mibî. ¹⁷ Oburhimanye bwenyanya burhanzi-rhanzi buba bucire, nakandi bwa murhula, bwirhohye,kuyumvirhiza ebinwa by'abantu, n'okuba n'amalehe ninja, harhaba mujina erhi bulyalya. ¹⁸ Amalehe g'okuli ganarhwerwe omu murhula n'abalongereza g'omurhula.