¹ Bene wirhu irhondo mumanye mwankahira akabolo omu bwemere bwa Nawirhu Yezu Kristu, Nawirhu w'irenge. Erhi mwankaba mutamire omu ndeko, hakayisha omuntu oyambirhe engolo yamasholo n'omushangi mwinjinja, hayishage obo n'omukenyi oyambirhe orhwikunje, ³ n'erhi mwankahindamuko, musinze olya oyambirhe omushangi mwinja, mumubwire erhi:"Entebe eyi, otamalage, waliha!" naye olya mukenyi mumubwire, erhi:"wehe oyimange hala!", nisi erhi:"otamale aha citumbi camagulu bank!" ⁴ K'erhi ntakabolo mujijire obwo, na k'erhi murhacijijiri batwi b'emanja b'enkengero mbi? ⁵ Yunvagi, bene wirhu bazigirwa! ka Nyamuzinda arhacishogaga abakenyi ben'igulu mpu babe bahirhi omu bwemere, hanab'ebirhakwanini mimo y'obwami alaganyagya aba muzigira? ⁶ Ninyu mudwirhe mwakabola abakenyi! kabarhali bagale babashoshoba? marhwâli bo babaheka ekagombe? ⁷ K'arhali bo balogorhera izino mugashaniza? ⁸ Mukashimba lirya irhegeko ly'oku bwami liri omu Amandiko lidesire, mpu: "Okazigira owinyu nkoku ocizigira send, erhi mujijire bwinja, ⁹ CI erhi mukajira akabolo erhi caha mujijire, n'irhegeko lyanabahana nka bagoma n'irhegeko. ¹⁰ Omuntu orhinya amarhegeko goshi erhi ankavina mwo libuka lione, erhi goshi agomire. ¹¹ Bulya owaderhaga, mpu: orhahiraga okahusha, ye wanaderhaga, mpu: orhahiraga okaniga. Ntyo ciru mwankaba orhahushiri, okanigana, erhi onavunyire irhegeko lyoshi lya Nyamuzinda ¹² Enderho zinyu n'ebijiro binyu bibe nka bantu bayishi twirwa olubanja n'irhegeko lirhuma abantu baba ntagengwa. ¹³ Bulya olubanja lurhababalira orhaba lukogo, ci olukogo kulimba lulimbira olubanja. ¹⁴ Bwinja buci bene wirhu erhi omuntu ankaderha mpu agwêrhe obwemere, CI arhagwerhi ebijiro? ka, obwo bwemere bwanamuchungula? ¹⁵ Ka nka mwene wirhu w'omulume erhi w'omukazi acifinjire emishangi erhi biryo bya ngasi lusiku, ¹⁶ na muguma mulimwe ababwire, "Gendagi n'omurhula, mûka like omuliro munalye bwinja", Cikone murhabahiri enyifinjo ndarhi z'omubiri, bici byakabajirira? ¹⁷ Kbiri ntyo, obwemere bone, nkaburhagwerhi bijiro erhi bufire. ¹⁸ Erhi muntu muguma ankaderha, "Ogwerhe obwemere, nani mugwerhe ebijiro." Onyereke obwemere bwawe buzira bijiro, nani nakuyereka obwemere bwani omu bijiro byani. ¹⁹ Oyemire oku Nyamuzinda aba muguma, ojijire bwinja. Cikone abazimu nabo banayemere n'okujuguma. ²⁰ Ka, alonzize okumanya eci cihwinja, oku obwemere buzira bijiro burhashinganini? ²¹ Ka, Larha wirhu Abrahamu arhaganjiragwa okuli oku bijiro erhi ahana Omwana wage Isaki nterekero oku ibuye? ²² Mubwinage oku obwemere bwage rhwajijire emikolo haguma n'ebijiro byage, obwemere bwage bwahika oku bulonze bwage. ²³ Amandiko gahikirira badesire, " Abrahamu ayemire Nnamahanga n'okwo kwarhuma aba mwira wa Nnamahanga. ²⁴ Mubwinage oku oku bijiro Omuntu anahekwe murhonyi ci arhali bwemere bonene. ²⁵ Na ntyo kandi, ka, arhali erya mbaraga Rahabu waganjiragwa okuli omu bijiro, erhi ayegereza zirya ntumwa n'okubaheka omu yindi njira? ²⁶ Bulya nkakulya omubiri gurha gwerhi murhima erhi gufire, ntyo n'obwemere buzira bijiro erhi bufire.