¹ Birabani, murhayemeraga ngasi muka, ci mugurhangule erh gwarhenga emwa Nyamuzinda, bulya balebi banji babubeshi bayishire omwigulu. ² Enyanya lyoko rhwanamanya omuka gwa Nyamuzinda, na ngasi muka guyemera oku Yezu Kristu ayishire omu mubiri guli gwa Nyamuzinda, ³ na ngasi muka gurhayemera Yezu gurharhenga e mwa Nyamuzinda. Gogu go muka gwa antikristu. mwayunvirhe oku gwayisha nobu guyorha guli omw'igulu. ⁴ Muli ba Nyamuzinda banabani, mwalihimire igulu, bulya oli muli mwe ye mukulu ye mukulu kulusha oliomwigulu, ⁵ Bali bo mw'igulu n'ebibajira biri byomw'igulu n'igulu linabayunve. ⁶ huli ba Nyamuzinda na ngasi wa Nyamuzinda anarhiuyunve na ngasi orharhenga emwaa nyamuzinda arhakarhuyunva. N'oku kunarhume rhwamanya omuka go kuli n'omuka g'obunywesi. ⁷ Bira bani, rhusimane rhwene na rhwene bulya obuzigire buba bwa Nyamuzinda, n'ozigira aishi Nyamuzinda. Omuntu orhazigira arhakamanya Nyamuzinda, bulya Nyamuzinda bo buzigire . ⁹ Enyanya lyobubuzigire Nyamuzinda ayerekine kuli rhwe, kwarhuma nyamuzinda arhuma omwana wage w'echusha mpulyo rhulama enyanya zage. ¹⁰ Mwobu buzigire, arhali oburhusima mwo Nyamuzinda, ci obuarhusima, n'okukwarhuma ahana omwana wage lyaba nterekero ye byaha birhu. ¹¹ Aho, birabani erhyakaba Nyamuzinda arhuzigire nirhu rhukwanine rhusimane rhwene na rhwene. ¹² Ntaye osagi bona Nyamuzinda. Erhi rhwakasimana rhwene na rhwene Nyamuzinda anabera mulirhwe, n'obuzigire bwage bwanayalagala muli rhwe. ¹³ noku rhumenyire okurhuli muli ye naye muli rhwe, bulya arhuhire omuka gwage, ¹⁴ rhwabwine, rhwanadesire oku larha arhumire omugala mpu abe muchunguzi wirhu v 15 Nangasi yeshi oyishi oku Yezu aba mugala wa Nyamuzinda, Nyamuzinda anabere muli ye kandi naye abe muli Nyamuzinda. ¹⁶ Rhumenyire rhunayemire obuzigire bwa Nyamuzinda kuli rhwe. Nyamuzinda ye buzigire, Nyamuzonda aba buzigire, na ngasi yeshi olama omu obuzigire, Nyamuzinda aba muli ye. ¹⁷ Obu buzigire bwabire bushinganyanya lyo rhulangirira olusiku ehwatwirwa olubanja, bulya oku ali korhuli mwer'igulu. ¹⁸ Ntaboba omubuzigire bulya obuzigire bushinganine buna male oboba, na oci yoboha erhi arhajiragwa mushinganyanya omu buzigire. ¹⁹ Rhusima bulya Nyamuzinda ye wali murhanzi okurhisima. ²⁰ Owakaderha mpu asima Nyamuzinda anashomba mwene wabo, erhi bubeshi, bulya orhakasima mwene wabo alyabona, kurhi akasima Nyamuzinda arhabona. ²¹ Kandi lolagi irhegeko lyarhenga emwage,osima Nyamuzinda akwanine asime mene wabo.