¹ Lolagi buzigire buci Larha arhuhire lyo rhuhamagalwa bana ba Nyamuzinda erhi rhunalibo! Cocirhumire igulu lirharhumanya bulya lirhanamanyaga na larha. ² Bazigirwa, rhukola bagala ba Nyamuzinda kurhengera buno n'oku rhwa ciba kurhacifululwa. Rhumanyire amango Kristu ayalagala rhwashiba nkaye kandi rhwashimubona nk'oku anali. ³ Nangasi yeshi ocikubagire okugaluka kwage acicese nkoku yene aciri. ⁴ Olya ogendekire okujira ebyaha aliavuna irhegeko; bulya ecaha kuba kurhakenga irhegeko. ⁵ Mumanyire oku Kristu abonekine lyo arhukulira ebyahe birhu , namuli ye ntacaha . ⁶ Ngasi wabera muli ye arhakagendekera ajira ecaha, ngasi wagendekera okujira ecaha erhi arhamubonaga na kandi arha mumanyaga . ⁷ Bana bani bazigirwamurhalekaga omuntu amuheza, ngasi okola okuli nkoku Kristu yene alimushinganyanya. ⁸ Ngasi okola e byaha ali walyangombe, ajiraga echaha kurhondera omurhondero. cocirhumire mugala wa Namuzinda abonekirwe lyo ashab'emikolo ya lyangombe. ⁹ Ngasi wabusirwe na Nyamuzinda arhajira caha bulya emburho ya Nyamuzinda eba muliye bulya aburhagwa na Nyamuzinda. ¹⁰ Mulioko abana ba Nyamuzinda na balya ba lyangombe banamanyikane. Ngasi olya orhakol'okuli arhaba wa Nyamuzinda; na ngasi olya orhasima mwene wabo konoko. ¹¹ Bulya lolagi emyanzi mwayunvirhe kurhondera aha murhondero ; kuderha oku rhusimane rhwene na rhwene. ¹² Arhali aka Kaini wali wa lyangombe na aniga mwene wabo. Nabulya gurhi amunizire ? bulya ebijiro byage byali bibi, n'ebya mwene wabo byali bishinganine. ¹³ Murhasomeragwa bene wirhu erhi igulu lyakabashomba. ¹⁴ Rhumanyire oku rhwarhenzire omu lufu lyo rhuja omukalamo. Bulya rhusima bene wirhu . Ngasi olya orhajira buzigire muli ye anabere omu lufu. ¹⁵ Ngasi olya oshomba mwene wabo erhi ali munizi. Munamanyire oku akalamo karhahwa karhakabera omu munizi. ¹⁶ Rhwamanyire obuzigire bulya Kristu ahanyire akalamo kage enyanya zirhu, na nirhu, rhugwasirwe rhuhane orhuloamo rwirhu enyanya za bene wirhu. ¹⁷ Cikone olya ogwerhe ebyen'igulu, na mene wabo ali omulwifinjo, cikone acishwekire ko byo, gurhi obuzigire bwa Nyamuzinda bwaka bera muli ye ? ¹⁸ Bana bani bazigirwa, rhurhazigiraga omu binwa n'olulimi, ci omubiro n'omukuli. ¹⁹ Kuli ebyo, lyo rhwashimanya oku rhuli omu kuli n'emirhima yirhu yarhulirira emalanga gage. ²⁰ Bulya omurhima gwirhu gwakarhutwir'olubanja, nyamuzinda ye mukulu kulush'omurhima gwirhu, anamanyire byoshi. ²¹ Birabani erhiankaba omurhima gwirhu gurhanka rhutwira lubanja, rhugwerh'obulangalire bushinganine muli Nyamuzinda. ²² Neci rhwankahuna rhwana cibona muli ye bulya rhunakenge amarhegeko gage na bulya rhunajire ebimusimisa, neri lyo irhegeko lyage,rhuyemera byoshi muli omugala Yezu Kristu, ²³ Neri lyo irhegeko lyage, rhuemera muli omugala Yezu Kristu, kandi rhunasimane rhwene nanene, nka kulya yene arhuzigiraga. ²⁴ Ngasi okenga amarhegeko ga Nyamuzinda abera muli. Na Nyamuzinda abera muli ye. N'enyanya lyoku rhuyishi oku ali mulirhwe muli Muka arhuhaga.