¹ Banabani, mbayandikire lyo mulahiza oku cikajir'ebyaha. Cikone erhi hankab'owajir'ecaha rhugwerh'omubulanyi wirhu emunda larh' ali, Yezu Kristu mushinganyanya. ² Kandi ye mulunganisa w'ebyaha birhu n'eb' igulu lyoshi. ³ Kulioku rhumanyir'okurhumuyishi, rhugwasir'okukeng'amarhegeko ⁴ Ngasiw'aderhe mpu (nyishi Nyamuzinda cikone arhakeng'amarhegeko gage, oyo erhianywerha erhi n'okuli kurhalimuliye. ⁵ Cingasi yeshi okenga akanwa ka Nyamuzinda, omukuli, obuzigire bwa Nyamuzinda bunakaziba muliye. ⁶ Owaderha okuali mulinyamuzinda, agwasirwe agende nk'oku Yezu akazigigenda. ⁷ Ntamarhegeko mahyahya mudwirhire, ciganali galya marhegeko muyorha mwayunva gurhonder'emurhondero. Irhegeko lyamira, kokalya kanwa mwayunvirhe. ⁸ Irhegeko lihyahya muyandikire ly'okuli muli Kristu na mulimwe, buly'omwizimya gukola, nakamole kinja kayishire. ^{9 9} Owaderha mpuali omukamole, kone arhasima mwenewabo erhialiomumwizimya. ¹⁰ Ozigira mwene wabo analame omukamole, nantacisarhazo cankaba muli ye. ¹¹ Cingasi olya wankashomba mwene wabo, erhi ali omumwizimya kandi erhi alialambagira omumwizimya; arhayishi emunda ayerekire buly'omwizimya gwa muhusize. ¹² Banabani, muyandikire bulya ebyaha binyu byababalirwe kugerewra izino lyage. ¹³ Muyandikire balarha bulya mwamanyire owahabaga kurhonder'emurhondero. Muyandikire mwe misole bulya mwahimire omubisha. Muyandikire mwe banabarho bulya mwamanyire Larha. ¹⁴ Namuyandikire ba larha bulya mwamanyire ohaba kurhonder'emurhondero. Namuyandikire mwemisole bulya mugwerh'emisi n'akanwa ka Nyamuzinda kali muli mwe, mwahima n'omubisha. ¹⁵ Murhasimag'igulu, n'ebiri omw'igulu bulya erhimwankasim'igulu, obuzigire bwa Larha burhankaba muli ye. ¹⁶ Bulya ebiriomw'igulu byoshi (lwifinjo lw'omubiri, lwifinjo lw'amasu, n'obucibone bwakalamo) birharheng'emwa Larha, cikone birheng'omw'igulu. ¹⁷ Igulu n'enyifinjo zalyo byayishigera, cingasi olya ojir'obulonza bwa Nyamuzinda, alama ensikun'amango. ¹⁸ Bana, kakola kasanzi kazinda. Kulya mwayunvagya oku antikristu ayishire, buno ba antikristu banji bakola bali ho. Muli oko, rhumanyire okukakola kasanzi kazinda. ¹⁹ Barhurhenziremwo, cikone barhanali bamuli rhwe. Bulya nka balibamuli rhwe, barhankajire ngahi. Cikone erhibagenda, byabonekana oku barhali bamuli rhwe. ²⁰ Cikone mwehe mugwerh'obushige bw'olimwimana, na mweshi mumanyir'okuli. Ntamuyandikiraga nkabarhamanyire okuli, cinkabakumanyire na nta bunywesi omu kuli. ²² Indi munywesi, nkarhali olya olahire oku Yezu ye Kristu ? oyo muntu ye antikristu, nkacilahire larha n'omugala. ²³ Ntamuguma mwa balya balahire omugala ogwerhe larha. Ngasi olya oyemire omugala, erhi agwerhe n'ishe. ²⁴ Mwehe, ebi mwayunvirhe kurhondera emurhondero bibere mulimwe, mwabera muliomugala na muli larha. ²⁵ Mulolage e ndagano arhuhire : kalamo karhahwa. ²⁶ Namuyandikire ebi bintu biyerekire ebyankalonza okubaheza. ²⁷ Intya kulimwe, obushige mwayankirire mwayankirire cibere mulimwe, murhanagwerhiu obulagirire ciber mulimwe, murhanagwarhe obulangalire b'omuntu yeshi mpu amuyigirize. Cikoki bulya obushige bwage bwnamuyigiriza ebintu byoshi, bunali bokuli burhanali bunywesi, nankoku amuyigirizize, mubere muli ye. ²⁸ Nabuno, bana bazigirwa, mubere muliye lyo hano abonekana rhube n'oburhwali rhurhanabe n'e nshonyi embere zage omukasanzi k'okugaluka kwage. ²⁹ Akaba mumanyire, mumanyirire oku ngasi okola obushinganyanya abusirwe naye.