¹ Ngasi wakayemera oku Yezu ali Kristu erhi abusirwe na Nyamuzinda, na ngasi olya osima ishe erhi asima n'omugala wa busirwe naye. ² Kuli oko, rhumanyire oku rhusima abana ba Nyamuzinda; amango rhwakasima Nyamuzinda n'oku kenga amarhegeko gage. ³ Bulya lolagi obuzigire kuli Nyamuzinda; rhukenge amarhegeko, Nago marhegeko garhali ga kulibuza. ⁴ Bulya ngasi yeshi wabusirwe na Nyamuzinda ahima igulu. Lolagi obuhimi bwa lumire igulu : bwo bwemere bwirhu. ⁵ Indi wa himire igulu? Ali olya wa yemire oku Yezu alimugala wa Nyamuzinda ⁶ Ye Yezu Kristu wa yishire n'amishi n'omuko carhali n'amishi gone ci amishi n'omuko na g'omûka gu hana ubudima bulya guli g'okuli . ⁷ Bulya biba bisharhu bihana obudima . ⁸ Omûka, amishi n' omuko. Aba basharhu bayunvikana. ⁹ Erhi rhwankayankirira obudima bwa bene bantu, obudima bwa Nyamuzinda bwo bukulu; bulya obudima bwa Nyamuzinda buba mwokulya ahamirizagya obudima bwo mugala. ¹⁰ Ngasi owayemera omugala wa Nyamuzinda erhi agwerhe obuhamiriza muli yene. Nangasi orhayemera Nyamuzinda erhi amamuhindula munywesi, bulya arhayemiri obuhamiriza Nyamuzinda ajiraga oku mugala. ¹¹ Lolagi obuhamiriza : Nyamuzinda arhuhiri akalamo karhahwa, n'ako kalamo kali omu mugala. ¹² Ngaai ogwerhe omugala erhi agwerhe mugal a wa Nyamuzinda. Na ngasi yeshi orhagwewrhi omugala wa Nyamuzinda arhakaba n'akalamo. ¹³ Namuyandikire ebi bintu lyo mumanya oku mugwerhe akalamo k'ensiku n'amango kuli mwe mwayemire okw'izino ly'omugala wa Nyamuzinda. ¹⁴ Kandi lolagi olwikubagiro rhujir'emalanga gage , kokuderha oku rhwankamuhuna ngasi kantu okubulonza bwage anarhuyunve. ¹⁵ Kandi erhi rwankamenya oku anarhuyunve, ngasi ehi rhwankahuna, rhunamanye bwinja okurhuna higwerhe ehi rhwahunaga. ¹⁶ Erhi omuntu akabona mwene wabo ajir 'echaha cirhankahis' omulufu, anashenge, na Nyamuzinda anaha mwene wabo akalamo, anakaha na balya bajira e caha cirhaheka abantu omulufu. Hab'ecaha cihekana omulufu, arhali eco caha co ndesire mwankahunira. ¹⁷ Ngasi mabi ciba caha, halico caha cirhaba ca lufu. ¹⁸ Rhuyishi oku ngasi wa burhagwa na Nyamuzinda arhankajira caha;cikon'olya wa Nyamuzinda anacicunge yenene n'olya mushombanyi arhankamuhumako. ¹⁹ Rhuyishi oku rhuba ba Nyamuzinda, n'okw'igulu lyoshi lib'okubuhashe b'omushombanyi. ²⁰ Nirhu rhuyishi oku mugala wa Nyamuzinda anarhuhir'obwenge lyo rhumeny'olya w'okuli, nirhu rhub'omuwokuli, muli Yezu Kristu, yeri Nyamuzinda w'okuli n'obulamu bw'ensiku namango. ²¹ Mwebana mucilange n'obukurungu.