¹ Mbali na ko fundisa ephfe mo okonge ya iyaba ya ema. N'nguma emo ya bato na ko songana. Ko komba we. Ke wa linya ke wa tchumana n'nkati ya waato omo mo iyaba iphfeme. N'nguma itondo ya ikangai mo okonge ya iyaba. ² Ke wa fundisa bo mafundiso mabula na membila, ke wa ena nabo n'nkati ya mafundiso mande mbele: ³ N'ngbayi : "Moléki omo wayangayi kolékà". ⁴ Bowa ya lekanga we, oketi omo ya touma na ko keya mo bopkatleo ya m'mboka: Tooni na kula ke tabobowa to. ⁵ Oketi ophfe ya touma na kokeya asima si abowa ika na mawe, ita ikanga ande na n'nseke ya buwa: Tamena kabeyo-beyo, ⁶ N'ndi abowa yebuanye looba, ke talelekana ke takamena, mo ko kamba meli. ⁷ Oketi ophfe yakeya n'nkati ya meke:Mekena koyayoka, ke yaenekato, ke takamba mene-mene ko bota touma. ⁸ Oketi aphfe na ko keya mo n'nse n'nsaali: "Ke taesa touma si teya telinye ke takowa, ke taesa n'nkama isato, n'nkama motoba, na miya omo mo kamo". ⁹ Ke wa ena mbele: "owa si oowa uka na matu ma ko m'mgba wa m'mgbe!" ¹⁰ Abowa ya sianga we omune, baa bakombanga we na ikomi na babe na ko phfiphfeya we mo isina ya membila. ¹¹ We na ko ena nabo mbele:Ka isama ka Mokonga keabelekeyei bane; n'ndi mo baa booso bika kowandja, moose mo ko etai ko membila, ¹² ambele mo ko mona bamone, n'ndi bobuwa kolembela ango kambu, ke mo ko om'mba bam'mgbe, n'ndi biteebangi ango kambu, mo isina mbele bobuwa ko kalanganya, ke makowa mobuwa komeselekeya bo. ¹³ We na ko ena nabo ephfe ambele:"Bito ofofowa bino mombila si oonoi? Oni namuna yo ofofowa bino mombila yoose? ¹⁴ Moleki olekangi looki. ¹⁵ Baphfe bika mo ko pkatola ka m'mboka, kowa kelekeleke looki; abowa ya m'mbganga bo, mo kabeyo beyo ke Satana wata ke wa toesa looki si owa ya lekelekanga n'nkati yabo. ¹⁶ Baphfe kae, bootombangai touma mo asima ya mawe; abowa yo ko m'mgba bo looki, bo otombangai yo na ome; ¹⁷ n'ndi bobu wabo na meli n'nkati yabo bemine, bekambei mo ina ina, ke abowa yo kula iyeya emo ango obaba mo isina yako keya. ¹⁸ Baphfe na ko tomba touma oleka n'nkati ya meke; ikai baa bo ko m'mgba looki, ¹⁹ N'ndi ko baa bika na tcheema mo n'nyanga si yeeno, ko limena na iphfoka na ko linya ka tcheema tchoose, yoonyesangai looki, ke ya kambesa yo kobota. ²⁰ Baphfe bootombangai touma toumba ta oleka mo n'nseke ya phfoa ikai baa ko m'mgba looki, baakowa yo, ke ba bota touma, n'nka isato, n'nkama motoba, ke miya omo mo kamo. ²¹ Ke wa ena nabo ephfe ambele:"Bobiyangai n'ntala mokota yo n'nkati ya botokeleo ya maale ao kose ya itandai? Ito ko ikanga mokota ya mo boteyo yayo e? ²² Bondiya yo buande na ka isama kamo sikaa keka kamba ko moneka, yo buande na ka isama si kaa ko okamba ko moneka mophfololo. ²³ A ika m'mba owa uka na matu ko m'mgba wa m'mgbe!" ²⁴ Wa ena nabo ephfe m'mbele:"Tanganai mo eya yo ko m'mgba bane. Boosondjai bane na bosondjeo si owa yetekelee bane, ke bo ko ongeseyai bane. ²⁵ Bondiya bo koabai ka owa uka na yo". ²⁶ We na ko ena ephfe mbele:"Ikai mobokota ya kiyo m'mbo moto si oowa we m'mbole touma mo n'nseke ; ²⁷ Wa lama, ao wakendea, botu na looba, kauma kaoleka kamena ke kakowa ambele uteli isina. ²⁸ N'nseke yo obotangai yemine, boso towani, maili kate, maili si na moo touma okitaka yoose kobakama na kate; ²⁹ Ke a ika m'mba kauma ka kowa, eni isina koteka teka mo ko konyowa ko mo n'nyanga ya ko konyowa touma, endeya kakowe mo ko konyowa ko. ³⁰ Ke wa ena ephfe ambele:"To otuwanyanyesi bokota na Mokonga, ao na oni mombila yo koenganesa base na yo?" ³¹ Eengamesani na kauma ka Sinapi, kaa aika m'mba baleka ko mo n'nseke, ikai kauma ka angowa koeteya touma toose ta oleka ta n'ngeyake mo n'nseke; ³² N'ndi aboya ya lekelekanga ko, kakonda, ke kaika kaema koeteya itote toose, ke kaomoka metabe yaemema, mo isina mbele tooni ta kiyo taengame kosima kose mo n'ntiti yako. ³³ Ika na membila ya buwa ya okitaka si oowoi yeebese we bo looki, a ika m'mba ba engama na ko m'mgba yo. ³⁴ Uta enanga kae nabo ephfe buwa mombila; n'ndi mo ko siya bemine ke waebesa baeki bande boose. ³⁵ Botu si oowo omo na iyo, Mbali na ko ena nabo mbele:"Tekalei owa ophfe okong". ³⁶ Maili ya ko balanganesa n'nguma, ke ba biya we mo waato si owa ya ikanga we; maato maphfe maikanga kai nande. ³⁷ Mophfophfo ya ema na ko yayoka ke maboo ma n'ngeya mo waato, bena mo ko engama ko iyesa yo. ³⁸ Ke we ambele welame boba kiyo na muto. Bo na ko imola we, ke ba ena nande ambele. Moalimo, ito-otchokosa ande owe mobowo yo opka base i? ³⁹ We na ko imoka kabeyo beyo, ke, wa suleya mophfophfo, ke wa ena na iyaba ya ema:"Bibana! A ikanee na aowo! Ke mo phfophfo na kotunga. Ke bii ba ema na kula. ⁴⁰ Ke wa ena nabo mbele:"Bondiya tchei yatinake bane iboka boobo? Bondiya tchei ekambe bane kowakowa?" ⁴¹ Bo na koiya na bowa ya eteya, ke ba enesana bamo na baphfe: Oni okitaka ya moto ono, owa si oowa ango mophfophfo na iyaba ya ema yo olitosa we?