¹ Mbali na ko n'ngeya ephe mo lulba ya bosonganeo. Kooko iakangi na moto omo wa oso ya koako ka okamena. ² Ba moesana na Mbali, m'mba wo ko ondesai we mo botu ya ko omona: Ambe ba tchongeya we. ³ Eke Mbali na ko ena na moto si owa wa oso: "Imana aowo n'nkati n'nkati". Eke wa ena nabo:"Eakolekei mo botu ya ko omona mo kota kofoa ao kota ko beya, mo ko ondesa moto ao koiya-we i?" N'ndi boosi ba libanangai. ⁵ Wa moesana na bo na lisomi, na ko m'gba tchombo mo isina ya metema yabo ya beya, wa ena na mot si ooyo; nanowa kaako kabe. We na ko nanowa-ko, ke kaako kande na ko onda. ⁶ Ba Falisayo na ko omoka, bo na koenesana na ba Erodiana mo kophana mboka ya koiya-we. ⁷ Mbali na kiya obalu ya iyaba na baeki bandé. Motuka ya bato baonda we mo Galileya; ⁸ bena Yudea, bena Yelusaleme, bena Idimea, bena obalu ya Yudea, bena kaowa kaowa ya Tiro, bena Sidona, motuka ya ema ya bato, ba m'gba maa moose matanganga-we, ba luleya-we. ⁹ We na ko toma baeki bande baphaneye-we kaato kango kaike mo koendeya we, ambe bato biteekesangi we mo kotoka. ¹⁰ Bondiya bowa aikanga-we na ko ondésa bato ba buwa, baa boose ba ikanga na n'so baonda we mo ko kukana nande m'mba bo koonda. ¹¹ Mesombo ya beya, aabowa bemone-we, bala ko tulameya we:"Eke baakaya:Wikai mana Mokonga". ¹² N'ndi we na koekesa bo mbe bite ebesangi-mbe wika mana Mokonga. ¹³ Maili si we na ko linya mokondi; we na koeta baa baemanga we, eke bo na ko bakameya we. ¹⁴ We na ko sona ikomi na babe mo koika nande, ¹⁵ ambe watome bo mo konangola na tchekamba tcha ko benga mesombo ya beya beya. ¹⁶ Monai maina ma baeki ikomi na babé : Simona, wa eteka Petele; ¹⁷ Yakobo, mana Zebedeo, bena Yoani, mana nina Yakobo, waesa bo liina Bonelekese isina yande bana ba n'koba ya kiyo ; ¹⁸ Andélé; Filipo; Bartélémi; Matayo, Toma, Yakobo, mana Alféo, Tadéya; Simona mo Kananiya; ¹⁹ Bena Yuda Isikariote owa wa abanga Mbali. ²⁰ Bo na kiya mo lumba, eke bato na ko songana ephe eke ba kombeya iki ango kowanga moleli yabo. ²¹ Ise na nina komgba maa meete, bo na kula mo kotomba-we; bondiya ba enangai:Ba buwandé na n'kasa nande. ²² Bena baandiki baa betoke Yelusaleme, ba enangai:"Uka na mosombo ya Belezebula, mo tchekamba tcha mokota ya mesombo yooi yo obengawe mesombo". ²³ Mbali, na koeta bo na ko ena nabo ko membila:Booni ikiyo yeengame na ko benga n'nkati yande yemine, bokota si oowo ito koika kae; ? ²⁴ Aika m'mba bokota omo yabaanyeka n'nkati yande yemine, bokota si oowo ito koika kae; ²⁵ na aika lumba emo ya baandjeka n'nkati ya emine, lumba si eeyo yito koika kae. ²⁶ Aika m'mba ikiyo yata iyeeya n'nkati yandé omune, wa baanyekake, ke uto koika kae, n'ndi otunga kande oko. ²⁷ Moto witeengame andé mo lumba ya moto wa tchekamba, eke wapheleya besima bande, ambe utinakandi-kandi moto si ooyo wa tchekamba; aowo-i woo ko kola kopheley besima bande. ²⁸ Na liti, na enake nino mbe ko beya koose ka munakato ko omeselekai bena ko beya koose kete bo ko omeselekakai; ²⁹ n'ndi owa woose wo ko ena ko beya mo isina ya mosombo ya phenena, witoomeseleka ande: Wa siake mo ko beya ka ko kanga n'tungeyo (laya-laya). ³⁰ Mbali weenei boobo mo isina ya baa baenanga nande ambe ukai na mosombo ya beya. ³¹ Nina na bana ba nina na ko onda-we, wa imanesana koandja, batoma moto mo koeta-we. ³² Motuka ya bato, ya kombangai we, eke ba ena nande:"Mona n'tchoko na bana ba n'tchoko bika koandja bo koeta owe". ³³ We na ko sumboleya bo: "M'mai nani, ke bana ba m'mai banani ?" ³⁴ N'ndi we na ko moesana na baa bekombe we:"Monai, we na ko ena, m'ma na bana ba m'ma. ³⁵ Bondiya mbe owa woose woota n'kasa ya Mokonga wei mana m'ma amoome, mana amokali, bena m'ma".