¹ Bo na ko koma okonge ya ibe ya iyaba, mo tchese tcha Bagelasa. ² Mo ko kimeya ase, wa mona moto omo wetoke ko mawiyako, wa ikangai na mosobo yabeya. ³ Moto si oyo wa ikangai na bolameyo yande ko mawiyako, moto ango omo witaengamanga kae na kokanda we ango na moyololo. ⁴ Bondiya wa ikangai na ko kandeka na mekpala ko mao, eke wa ikanga kai na ko kandeka na meololo, wa ikangai na ko buka buka meololo na mekpala, bena moto ango omo uta ikanga kae na mekuwa ya ko phophesa we. ⁵ Wa ikangai botu na looba ko mawiyako, bena kiyo na mekondi, waakangangai, wa lubana lubana ngai na ase ke wa eseka-eseka na mawe. ⁶ Ko mona kandé Mbali baaya, wa onda we obeyo, watulama boso nande, ⁷ we na ko akaya iboka:"Tchei n'kati yane na be, Mabli, mana Mokonga owa uka kiyo? Naeya eya nabe mo lina Mokonga we moesangi noo maobi iboka. ⁸ Bondiya Mbali na ko ena nande: "Toka ko mobe ya moto si oono, mosombo ya beya!" ⁹ Bena, we na ko phipheya we: "Linabei nani? Metuka-ii linane (metuka ya ba sola), bondiya tebuwei. ¹⁰ We na ko bondja bondja Mbali mbe witebengangi bo kpaaya ya motanga. Eke mesombo ya bondjabondja we yaena mbe:Toma base mo n'nyama si yeeno, m'mba to ko n'ngeya n'nkati ya yo. ¹¹ obalu ya mekondi, a ikangi ya ba ngulube ambe bo ko eta. ¹² Eke mesombo ya beya beya na ko bondja bondja we na ko ena:". ¹³ We na ko akoleya bo. Ke mesombo ya beya n'nkati ya n'nyama si eeyo na ko tchubeya mo iyaba, ya ikangai aiye-iye na elefu ibe, yo na ko imba n'nkati ya iyaba. ¹⁴ Baa balesanga ba ngulube na kiya m'mbeyo, baya kosaowa mesao si ko motanga ya ema bena ko motanga ya n'konda. Bato na kiya ko mona eya ya telekake. ¹⁵ Bo na ko eleya owa wa ikanga na metuka ya mesombo, ambe wika ase, webate n'tulu ambe wa ondake; bo na koika na bowa. ¹⁶ Baa bemone eya yaetanga basoleya bo eya yekomeya owa wa ikanga na mesombo bena mo ba ngulube. ¹⁷ Eke ba eya eya na Mbali mbe watoke ko motanga yabo. ¹⁸ M'mba bowa akimeanga we mo waato, owa wa ikanga mesombo na koomba we mbe wa buwa koeka we. ¹⁹ Mbali wita akoleyanga ande we, eke we na ko ena nande: yaa mo lumba yabe, ko bato babe, saolea bo yoose si eya Mokolo weteleye owe, bena bowa wangbeanga owe tchombo. ²⁰ We na kiya, na kosaowa ko motanga ya ema moose si maa meteleye Mbali wateleya we. Eke boose baika mo kosangala ka ema. ²¹ Mbali n'nkati ya waato, wakala okonge ya ibe, kowa motika ya bato balubeleya-we. Wa ikangi mo okonge ya iyaba. ²² Eke omo wa mekota ya lumba ya bosonganeo na ko luleya we, weeteke Yairo, owa mo ko mona we ke wa lubaneya we ko mao mande. ²³ Eke wa eya eya nande iboka:"Mana ane amokali uka mpe-mpe (Hatari wa ko kpa), waa, weteleye we maoko, m'mba wo ko onda". ²⁴ Mbali na kiya nandé. Eke motuka ya bato ba n'ngesa-we n'nkati. ²⁵ Aowo ambe amokali omo n'nkati wabo uka na oso ya kooka makiya bemo ikomi na bibe. ²⁶ Wa ikangi na bemusi iboki eke wa etangi ko menganga ya buwa buwa tcheondesa, ²⁷ Aabowa emgbe-we mesao ya Mbali, we naika maili ya motuku ya bato, we na kiya kobunda n'tulu ya Mbali. ²⁸ Bondiya wa enangai mbe:"Aika ango m'mba na kukana na n'tulu yande, no ko ondai. ²⁹ Mo n'nyanga si eyo emo, eke makiya na ko bukeka. Eke omune wa mona mbe waondake. ³⁰ Mbali na ko eba mbe tchekamba tchande tchemo tchatokake n'nkati yande; we na ko timbokeya bato, eke wa ena:Nani wa kukanake na n'tulu yane? ³¹ Baéki bande na ko ena nande : "Woomona motuka ya bato yo koonda owe, ke woophipheyabei mbe nani wakukanake nabe?" ³² Ke wa mona baka baka nande mo ko eba babi wabu ndake we. ³³ Amokali wa tina, wateka-teka bondiya waeba eya a etanga n'nkati yande, wala ko lubana ko mao mande, wa ena nande liti woose. ³⁴ Eke Mbali na ko ena nande:"Mana ane, koakoa kabe kaondesa ke owe; yaa na bii, eke onda mo oso yabe". ³⁵ Ambe o ko ena ande we na amokali si ooyo, eke bato bala koebesa Yairo; manabe wa kpake, bondiya tchei konziya Mokota?" ³⁶ N'ndi Mbali, buwa ango koondeya maoki ma bato si abo, eke wa ena na Yairo, buwa kotina, akowa lika. ³⁷ N'ndi we na ko ekesa mbe bato biteondangi we, kosakolo Petele lika, na yakobo, na Yoane, mana nina Yakobo. ³⁸ Bo na ko koma mo lumba ya bosonganeyo, wa mona mbe bato bo ko angaika, bokoeya na boota lokindi, bondiya tchei bo ko eya? Maana ntekpe ande, n'ndi welame tchande. ³⁹ Wa n'ngeya, ke wa ena nabo:Bondiya tchei boota lokindi, bondiya tchei bo ko eya? Bondiya tchei bo ko eya? Maana utekpe ande, n'ndi welame tchande. ⁴⁰ Bato na ko mungunikeya we na obaba. Aowo, waomola bato boose koandja waeta isa maana na n'na maana, na baa balanga nande, ba n'ngeya kowa kika tcheliyo tcha maana. ⁴¹ Eke wa bunda iki we mo kaaka eke wa ena nande:Talitha koumi, isina yande mbe:Moseka, imana, naenake nabe. ⁴² Aowo kae moseka na ko imana, eke wa enfa; ambe wika na bemo ikomi na bibe. Eke boose ba sangala. ⁴³ Mbali na koesa bo iyano mbe moto ophe ango omo witeebangi bondi si ono atake noo. n'ndi akesai we moleli waange.