¹ Nakede we podda kareba eka nggai na tana kanaan. ² Napa ndek'e ndi panga'ada awali Mesira, Yakupa na panewe mbrra nda ana na, "Kako pi'ami tana Mesira kawo'i pia panga'a". ³ Patekkina Yahuda barana amana, "Nya kido na'i ata napa lolo betti-bettiwa bana pana'uwama, patekkina, nbada ngindikowa na angunguami dai mai duakana". ⁴ Nya kapa kaloga ndowa Benyamin bana palolo dengama, enga kako pia ma bama wo'i panga'a. ⁵ Nyaka ne wo'u banda paka loga kowa bana palolo dengama, ndama kako piaki pawo'i panga'a, malla, na'i Gubernur patekina banda ngiddi kowa, yemmi ndaeta bangga matagu, nya kindo mba ngindi ndowa allikami". ⁶ Kahinangge Yakupa, nekana rawi gawe ndadua barrana nai Gubernur, "Wa'i ndomo puni anguanguawa ma kalimiwa?" ⁷ Ka walewe patuwana, na tuama mono na pando kanundiwama tuma ummu katonga nda ito, patuana natole kapo amami? mono wa'i omo pundi angnguami, na tolekapo amami? Mono wa'i ndomo puni angunguami ne'e uma? pawalema, dama kedeki na kama kodowi lima". ⁸ Patekkina Yahuda mbarana Yakupa, amana, paka logawa Benyamin kaku palolo dengawi kama kako wama hiti Mesira, kaenga tolekada mono kadata mate kana, ka yamme ka, kayo'u ko mono ana umbu mu. ⁹ Menne ge natolekana mono enga wali balina, tanggu gowe tutuna, nya kanda ku wali ngiddi kowa mbara mu, patuba gawe mbara nggu apa kowe ama rawi neme wali muri-wali muri. ¹⁰ Hiti pona kawnga kakoma mu paka logawa, na pando lipati panga'a padekema. ¹¹ Ndiawe kana panewe Yakupa, ka hinangge, ngindi wa Benyamin, kai palolo dengawi, takka nya kido ngindi ngara dukku nda wuku napa yami mbarrana gubernur, mono ngara kuada pakolemi awali na ne tana nda itto, ngindi wumi wee kanena ama gollona mono kambe, ua wasu Badam,mono Omma Kaka, mono Mur tutuna. ¹² Nehina ngindi riti pando lipatawi, ngindi ndomowi hiti riti bayarami, papa walina mbarami, mbaku etakowe wa'ingge parawi na gubernur asala. ¹³ Ngindi wa na Benyami, kako wumi nbarra na na'ita. ¹⁴ Kako patabaya pamalangiwa Maromba Allah, kaana palolo nganga gumi kana dede ole peragumi nbai dede nee aro na Gubernur, mono kako sabaya ,dengiwa Maromba Allah nggai kana paka lokondi Benyamin bada Simeon, kawali ndomba mbaranggu, kaindako, karonduka atenggu, mbamua kona hida ana nggu". ¹⁵ Kako mba ngindiwi pakole wukuna payandai na'i gubernur. Mono ngindi riti pando lipata ngindi piapo hiti, riti pangindi nda hitina kawungana, neba hina, Benyamin netini apa lolo ndengandi angunguana tana Mesira. ¹⁶ Na Yusupa naetawa Benyamin mba wa'ini palolo ndenga nda angungua da, kana tekki da ata papa wede na uma, "Kondo ni hinda ata ne umma nggu, ndeke wa ia mbebe kapandua mono kapa ti'ina panga'a me hina ne lodo kaku nga'a ole ndegandi hida ata. ¹⁷ Papa wedw na apawilli ngge ne papa tukanandi, ndiawe kana kokondi hida ne uma na Yusupa. ¹⁸ Ne hina nandadiwe mandauta ne ngindiwi ne uma Yusupamono panewe, "Ne itto mbangindi wada orro lungbada hiti riti pata'ida gata ndanada pawali ngindi nda hiti pona mba atti nda ne hida enga nyabawi pawai ta da mba gombada mono badeke ndadi Keledainda mpono na louka we bangindi wadaba ata papa wende nda". ¹⁹ Ka kee bandukiwi na gollo pandi ata papa tukana Yusupa ne uma na. ²⁰ Patekkina, "Mori,paka logawama kama palarangge ne'ia paetaka wunga attima mbama maiyama newe, kambu atema wo'i panga'a limma wama. ²¹ Ne mbama wali nduki tillu lara, kama wukkewi nggata patauwaima kama tambukawi riti ne nggata danama, ne samme ndomba ndama pande kaingge ne hina adadi, takka hida riti wa'indi pawali ngidi ma, kama yabali ndadi limma. ²² Mono mangindi riti pa wo'i wai ndomoma ne mba hinawe. ²³ Taka, nawalewe ata papa wedena, "Ndauna madauta kana, Maromba Allah mi mono na Maromba Allah Ama mi, enganya ata'indi ne nggata ndana mi, mono payana maringi ku lolo powe hitti pona nba taundi weli nda panga'a ne baranggu, nyawe na ata papa". Wede kana ngindi wa Simeon awali gollu dana. ²⁴ Kana kako pangindi wi ne'e uma na Yusupa, kayandi wee ba mono pario waindi wa'i nda, kawudi yandi panga'a Keledai nda. ²⁵ A rengge we na Yusupa ba nga'a ole ndengandi, nyaka ne adindara lodo ne'e ndi apakuandi ngara kuada pakoleda ama nadana wukunaa payadai Yusupa. ²⁶ Kane mbana tama Yusupa ne uma na, hida angunguana kakeke tawi pangindi da ama nadana Yusupa kaka wodo ne arrona Yusupa. ²⁷ Yusupa na tuwawi peina yemmi, ka hinangge patekkina peikona amami againa kawedana, mi palarapongga nemba hina? enga toleka pona mono enga seidala pona"? ²⁸ Ka wale wa, "O mori ma, na'i ama ma natoleka". Nyaka wai domo baka wodo ne arrona Yusupa. ²⁹ Ka hinangge, Yusupa kana gilla kana na eta wa angunguana Benyamin, Benyamin iawi inna na bada Yusupa." Nya na alli kamurimi patekkimi mbaranggu? kahinangge patekkina Yusupa barana Benyamin, "Naparingiwu Maromba Allah, ananggu." ³⁰ Na Yusupa na mbeingge bana mbowekina barana Benyamin, allikana, malla baa manawrawi, na tippa ngi'o, takka dana beingge bana etawi ngara ndukada angunguana, baege nakako koro bana ngi'o. ³¹ Bangge, Yusupa kana pariowwe matana kana louso, lenga nadua baliwe mata na, mono na muangge ne amilla, sadiandi panga'a. ³² Hida ngara ata papa wede apa ngindi di panga'a paenu ne ponu meja deta tutuna Yusupa, hida angnguana ne'indi amandi'i angaa'a ekana ia meja, banga'a malla ne ata Mesira danauki banga'a ole ndengandi ata Ibrani, ne hida amadinggila denga ngge. ³³ Hida angunguana Yusupa , amandi'i ne meja anee na kaneendi a egila-engila wekkina mba karomba apa dalla randi mbamandi'i awali pakaa dukki pa allika. ³⁴ Ngara ata papa wede kadekewi panga'a awalina meja ndetana Yusupa kangindi wi barra da, bangge hida ata papa wede ka yani napa lima wunda mangeda nda payadai inda pi'apo hida wadeka, kana indi nga'a dengandi Yusupa nyaka katippa kindorawi.