¹ Lenga hina na Yusuf kana pareta ata papa wedena, kahina ge, "Taudi hida karungda ne nga'a pangaa, ahina rekapa ngindi da. hina, patama ndadi riti da karung ndana ngara ia ata. ² Patama na koba omma kaka ne karung ndana na angua nguami kamurri monno patama olle ndi ritina." na ata papa wendena Yusuf kana ndeku ngge. ³ Koka kapu gedde kapa tuka ndi kawali ne tana wanno nda mono ka ngindi hida keledai nda. ⁴ Buddi kako lengnga mba gaiige ne wanno mono nda marro domo kipo, na Yusuf kana tekki barrana na ata papa wedena, "kako mono wulawi hetti ngara kua ata. Lenga napa ndekudi hida, tekki nda hida, ne kalimmiwa ne ndua kapa tanga waiingga nda ndua? ⁵ Na koba omma kaka pa enu waiimu pa ama, mono nya na waii domo mbana etawe ne ama mburri. Appa we ne paraimi mba dana nduake!" ⁶ Na ata papa wendena mbana ndekudi hida ata angua nguana Yusuf , nya bana tekkiwe ne barada appawe ne patekkina Yusuf. ⁷ Nyaka hida ata kapa newe barana na ata papa wede na, ka hida ge peina Gubernur katekki we ne hina na? Yamme ata papa wedena dama raii kige nehina! ⁸ Etawe, hida riti pa tabbo kama ne karung dana, yamme kama pawali bali ndi ne Kanaan. Peipata kona kama kedu ndi hida omma kaka mono hida omma rara awali ne umma pa ama? ⁹ Nyako naii koba omma kaka mba kolleku wali mbara ia ata papa wendemu gaii kana mate na ata. Mono, yamme kama ndadi ata papa wende mu." ¹⁰ Na ata papa wende kana walewe, "Ne youwwa ku oo ge . Nyakido na ata adekewa na koba omma kaka nya mbana ata papa wende nggu, hida ata wadde indaki." IRRA AMA WUKKE, BENYAMIN AKOLLEWI V 11 Dukiwe, kangu apa burru karung ne karung ne tana deta mono kawukke we. ¹² Na ata papa wedena kana paretawi, wali na pakaa mono dukki na angu ngua kamurri. Nya kahinawe na Benyamin kawukkena karung na, ka kolle waii na koba. ¹³ Kanya, ka irrawe kalambe nda. Lenga napa hinawe kapa pennedi hida karung ne ponnu keledai, hida kawali ne wanno nda. ¹⁴ ne mba ammi Yehuda mono angu nguana awali ne umma Yusuf, na Yusuf engapu nee. Bage hida angua nguana Yusuf aka taba ne tana deta. ¹⁵ Nyaka na Yusuf kana panewe barada hida, appa ka raii ngge ne hina? kada pande kingge ne yemmi mba ne yowwa apande ngge ne ama mburri?" ¹⁶ Nyaka na Yehuda, "Pei waii domo kopoma mbama walewe baramu pa ama? appa ko pa tekki dommo ma? mono pei domo kopoma mbama mboge mba ndama dengnga mo? nama pande mbabawe mbama denga barrana Mori. Yamme dona ata dengan ne baramu pa ama, laka yamme mono na ndekewa na koba omma kaka." ¹⁷ Nyaka hinage Yusuf barada , nee yowwa lage, daku wai ata kiminggi ngara kua. Takka na ata akedu koba wee nggu nyado pawai ata papa wedegu. Yemmi waddeka kakomi wali ngindewe nduami mbarana ama mi." NA YEHUDA KANA OLLEWI BENYAMIN V 18 Na Yehuda domo kana mbarawi Yusuf mono kana tekki domo, "pa ama, gaiiga ne yowwa ata papa wedemu waige papa dukki nggu barramu. Tuluga kada bani kaga ne yowwa ata papa wedemu, mba youu dona ahina kaina na Firaun. ¹⁹ Hetti waina, na nungnga kaiwe bana tuawe mbarana hida ngara ata papa wede, 'Appaka waii ama mi mono angu ngua mi?' ²⁰ Mono kama wali domowe nee mbarramu, ' waii amama- ne nya naka weda bana. Yamme waii domowi allikama kamurri ma, na amama nama nauwara langu takkawi na alikama hetti mbana kaweda na ama ma nya bana ndadi waingge na alli kama . angu nguana nati lakawa namate mbana, nyakido engawi barana inna na kana manauwara langu takkwi. ²¹ Baka napa newe dommo ne mbarama yamme, 'ngindiwanaii lakawa mbara nggu ne yowwa ku beii ge baku etawi. ²² mono yamme kama tekki domona, na lakawa kabani nda mapaandeki mba ammi/mbana meiiya ne nya ndana nauki mbarana ndundakawi amana, na ka rodduka atena mono na mate mbana ndana etakowa na ana kamurrina. ²³ Lummu ngge mbu tekki ne mbara ma, "ngindi kowa na allika kamurri mi mba lage, takka ne yowwa lage daku mbatta piaa mbana pangaa ne barami yemmi.' ²⁴ Gaii kama wali mbelli ne mbarrana ama ma mono kama tekkina ne patekkimu . ²⁵ "Lenga napa hina, kana tekki domo na Ama ma, 'Kakomi mono wali piaami woii nga'a pangaa toroda itto.' ²⁶ Yamme kama panewe ne mbarana ama ma, 'Nee yamme ndana ma pandekiwe mbama kako mbama dama ngindi kowa na allika kamurri ma. Na gubernur hinna kaibage manna tekkima mbada ngindi kowa na allika kamurrimi nda ammi piaa kamigi woi pangaa mono ndana beibage mbana etami.' ²⁷ Na amagu kana tekki domo, 'Mii pandege na minnegu Rahel mbana pa dadi ndi hina anagu ndudda ne barragu. ²⁸ Baku pasella wa na ia anagu na ia anagu mbana kako mono ne nya kapa mate domo ranga utta. Mono daku etaka kiwa ne hinna. ²⁹ Mbi ngindi domo kowa na anagu lage, mba waiige adadi ne mbarragu, ne yowwa enga karodduka ategu dukkiwe baku mate.' ³⁰ Ne mba hina, pangedda ge appawe adadi mbi walimi mbadu kodoku na allika kamurri mi- na lakawa kamurri mbana botto barana na ama ma yamme! ³¹ Na ama ma yamme enga matena mba dana eta kowa na angu nguama mba dama wali denga - mono na denga barrama yamme. Ne yamme ahina mba tane rate dana, mono yamme pama karoddu kana atena. ³² Yowwa papa botonai na allikagu. yowwa kutekki domo barana amagu, 'Ne mba daku ngindi kowa na angua ngua gu mbana wali mbaramu, wouu dona apa tadaga dukkiwe muriwali.' ³³ Neba hina ku dengi ponguwu wali mbarramu, tuluga gaii ku na nalakawa kana wali dengama mono kana palolo dengama, mono ne yowwa daku dangngiki bupa tukaga mono mupa wede waga. ³⁴ Ku madautage appa ko adadi ne barra na amagu mba daku palolo dengan kuwi na ana amagu."