V 1 Waige apamia hida ata aduada ata papawendena Tokko Firaun kapawilli sala mbrana tokko Firaun. Pappa willida hida ata duada, na ia tanggu pandua kabamba monno na ia tanggu ngindi wee anggura. Nya kanna bani na firaun mbarrada na tanggu pandua kabamba monno mbarrana tanggu ngindi anggura. ³ Nyaka, Firaun kanna patama ndi ne gollu dana pandou panei waikai Yusuf. Potifar, kapala majaga Firaun, monno nia dommo aka toawandi ata gollu dana. ⁴ Nyaka na kapala majaga kanna ngindi hida ata duada mbrra Yusuf. hidda ata duada enga ndi ne gollu dana ha pirra lodona. ⁵ ka wai ngge ne happa iya nggeddena, hidda ata duada haka namba nippi. Na tanggu pandua kabamba monno tanggu ngindi anggura wa'i dou ka namba nippida monno kanamba nippida wa'i-wa'i dou kambu da ⁶ Na mewa ge tana, na Yusuf na kako tabbokai bna etawi hidda ata duada ndana ndua pongngu kiwe matada. ⁷ Naka kanna Tuwa na Yusuf mbarrada, " appa pongnguwe pappa ngedami ne lodo?" ⁸ Ka waleda hida ata duada, " hitti male ma ka namba Nippi takka damma pande kingge pa sangga wa'ina ne kanamba nippi. Ndai pongngu iya ata ha pandengge kambuna ne kanamba nippi monno ha tekkiwe mbarra ma." Nyaka hinnage Yusuf mbarrada, " nyakidona Maromba Allah ha pande ngge monno ha manakkatage kambunawe ne kanamba nippimi . Nungnga tekki powe ne ka namba nippi mbarra nggu. ⁹ KANAMBA NIPPI TAGU NGINDI WEE ANGNGURA V 9 Nyaka na Tagu ngindi wee anggura kana palarage ne kanamba nippina mbarrana Yusuf. Kahinangge bana tekkiwe kanamba nippina, " ku etawa na ia pola wasu anggura. ¹⁰ Napola wasu anggura wa,i ndi karaana touda. Ku etawi hidda kara,a wasu anggura bah wolla monno ka uwa. ¹¹ Nyaka ku dekewa na koba we'e pa enuna tokko Firaun monno ku kapassuwi hidda uwwa anggura ne koba we'e pa enuna kaku yana mbarrana tokko Firaun." ¹² Nya ka hinna ngge Yusuf, "kaku tekki nggo tubana ne kanamba nippimu. hidda touda karaana kambuna touda loddona. ¹³ Nea toda lodona na Tokko Firaun na yagu pataunda monno na yagu kaloga bupa willi bali ndi papa willi bamu. ¹⁴ Takka nyakiddo, bu louso bali ku ha wali gollu dana langge nggai ku lolo kaika ngga, monno manawara kaika ngga, lappata palara ngge mbarrana Tokko Firaun nggai namu langge kaku louso kaina wali gollu dana yauwa. ¹⁵ Ne Yauwa dappa deke kaidangga walli tana wano nggu, Ibrani. Ne ba wa'i kongga gollu dana nda oro kinawe ba waingge parawi nggu ha sala, nia ka ne'i ga gollu sala. ¹⁶ Ka orona bana rengngewe neka namba nippina na tanggu ngindi wee anggura bana nduwa we. Nyaka na tanggu pandua kabamba kanna palara kaingge ka namba nippina, " Ku etawi hidda touda kadoge pa toddu nggu patau wai kabamba. ¹⁷ Naka kadoge paka toudada ha ne'ina ponnu na wa'i ngarra kuwa ndi panga'a pa mbe'ina tokko Firaun, Takka ha ndekka ndi keila ba ngaa kuwa ndi hidda panga,a." ¹⁸ K hinna ngge Yusuf banna tekkiwe, "Kaku tekki nggo tubana ne kanamba nippimu. hidda touda kadoge kambuda touda lodo. ¹⁹ nea Touda lodona na tokko nappa louso nggu ha wali gollu dana monno na kai nggowe katowamu! monno na teru nggu ne katukku deta langge, monno ammendi keila ha ngaa nggo kanaamu. ²⁰ Touda lodona ama lawi nyakanna rawi ngge loddo dadina tokko Firaun. Na rawi ngge ne rame kalada banna ole ngara kuwa ndi hidda ata pappa wedena. Tengngarana banna kako ne rame ngge na tokko Firaun na yadi kaloga hidda ata pappa wedena tangu ngidi wee anggura monno tanggu pandua kabamba napa louso ndi ha wali gollu dana. ²¹ Napa louso ni na tanggu ngindi wee anggura kanna yabali ni kaloga banna pawilli. monno na tanggu ngindi we'e anggura kanna yawe ha ia koba we'e pa enu mbarrana tokko Firaun. ²² Takka na tokko Firaun na teruni na tagu pandua kabamba, ngarra kuwana nea hama rawi hinna takka nawe ne patekkina Yusuf. ²³ Takka, na tagu ngindi anggura danna lolo ba na Yusuf. ndai pongngu ki pa tekki waina tubana Yusuf mbarrana tokko Firaun. Na tagu ngindi anggura na mbullani Yusuf.